مبالغة في أسعار مكتبة مشهورة في الرمس!!

السلام عليكم ورحمته الله وبركاته

مرحبا اخواني وخواتي اعضاء المنتدى...

ببدأ بالموضوع على طوووووووووووول...

أمس ظهرت أنا و اختي عسب انروح المكتبة تتشرى لولدها حق الروضه فأنا اقترحت لهاا المكتبه اللي متعودين نسير لهاا بس هي قالت خل نغير هالمره ونسير مكتبة مشهورة في الرمس ، قلت لهاا اووكيه و كان مشترانا كالتالي:
* كرتون مساحات ماركة الماس/40 درهم
* أوراق اي 4 ملونه/ 18 درهم
* 2 صمغ اوهو ( الحجم الصغير)/ 3 دراهم
* كرتون برايات / 12 درهم
* مسطرة بنتن / 1.5 درهم
* محاية بنتن / درهمين
* اقلام فسفورية / 20 درهم
* برايه بنتن / 3 دراهم
* 2 كرتون أقلام رصاص / الكرتون الواحد بـــ13 درهم
* مسطرة صغيرة/1.5

و حاسبنااا و طلع الحساب 128 درهم.. بعدين قلت لأختي ابغي اروح مكتبة ثانية آخذ أقلام سبورة لاني شفتهااا ف المكتبة المذكورة على 18 درهم وانا متعودة آخذهاا ف المكتبة اللي متعودة اسيرها على 13 درهم..

المهم سرنا المكتبة اللي انا ابغيهاا................................ودخلنا,,
انا رحت صوب اقلام السبوره واختي سارت عند الاقلام العادية اتفاجأت أختي ان نفس الاغراض اللي خذناها بمكتبة المذكورة موجوده نفسهاا في هذي المكتبة و بسعر أقل..

* كرتون محايات ماركة الماس/30درهم ,,بس نحن خذنا ماركة ثانية بـــ 15 درهم..
* أوراق اي 4 ملونه/ 15 درهم
* 2 صمغ اوهو ( الحجم الصغير)/ 2دراهم
* كرتون برايات / 15 درهم ----> خذنا ماركه مختلفة..
* مسطرة بنتن / 1 درهم
* محاية بنتن /1 درهم
* اقلام فسفورية / 6 دراهم ----> لان ما حصلنا نفس النوعية..
* برايه بنتن / 1.5 دراهم
* 2 كرتون أقلام رصاص /الكرتون الواحد بــ 11 درهم
* مسطرة صغيرة/ 1 درهم

طلع الحساب 81 درهم بـــــــــس قررت اختي ترجع (...) و تكلمهم لان واايد امبالغين بالأسعار خاصة بكرتون المحايات..
ورجعنااا للمكتبة المذكورة كلمت اختي وحدة من اللي يشتغلون هنااك قالت لها ليش جيه مبالغين بالاسعار ردت عليهاا بأن هذي اسعار المكتبة..المهم رجعت اختي الاغراض و استرجعنا البيزاات..

جني طووووولت بالكلااام.. بس اللي حبيت اوصله لكم ان اسعارهم واايد امبالغين فيهاا يعني الواحد الي بياخذ من كل شي حبة ما بيأثر بس اللي بياخذ كميات كبيرة راح تأثر واايد..


ف شوووو رايكم؟؟!

ببساطة لا تشترون ثاني مرة من هالمكتبة إذا الأسعار مش مناسبة..!

أختي الكريمة

فرق 5 او 10 دراهم امر عادي جدا في القرطاسية

وممكن الفرق يوصل بالآلاف من محل الى آخر في بعض السلع !

مثال/

طفم كنب من محل (....) في أبو ظبي بـ 8000 درهم ونفس الكنب في نفس المحل الفرع في الشارقة بـ 3500 درهم

أسعار السلع تؤثر عليها أمور عديدة

إيجار المحل
عدد الموظفين
جودة الخدمة
الموقع
وسمعة المحل..!



لذلك لابد من وجود فرق بالاسعار في مكتبة مثل الحرمين عنها في مكتبة صغير داخل الرمس..!


ولا يوجد اجبار في البيع والشراء

المستهلك هو من يقرر إن كان يريد الشراء من هذه المكتبة أو من غيرها خصوصا من توافر البديل..


كل الشكر والتقدير

وكل عام وانت بخير!

أنـآ بعـد بيـوم من الأيـآم سرت أشتري عنهم غرض وحصلتـه 20 درهم وأخدتـه
بس بردتـي مريــت لمكتبـة ثانية عسب آخد أشيـآء ثـآنيـة وحصلـت نفـس الشـي تمـآماً بـس بـ8 درآهم


ومـن دآك اليـوم مـآ طبيتـهـآ
لو شـي مميـز ومـآ موجود بالمكتبآت الثـآنيـة بنقـول
بـس الأشيـآء كلهـآ نفس الشـي والأسعـآر مختلفـه وكلهـم بمنطقـه وحـدهـ

انا تعجبني مكتبه (...) كل شي متوفر فيها وباسعار تناسب الجميع

تسلموون ع المرور

الخيار راجع لك يا المشتري ومحد يجبرك علي شي

ومن حق التاجر يربح بس بشرط ان يكون الربح معقول

وبين البائع والمشتري يفتح الله

:sm89:

هــاي هي التجاره ..!!

يمكن عليـه اجار المحل أو اسعار النقـل واجـره العمال وووو غيره فلازم يرفع السعر ..

في محلات تكوون ملك صاحبها يعني مب اجـار فما يرفع الاسعار لانه مرتاح وماعليه شــي محد يعرف ..^^

يسلمووو خيتــووو ..تقبلـــي مروووريـ