فرحة وسعادة أتمنى تشاركوني فيها ( مشهد كبير يتجدد في الرمس )
فرحة وسعادة أتمنى تشاركوني فيها
وهي عبارة عن ( مشهد كبير يتجدد في الرمس )
السلام عليكم ورحمة الله
ومبارك عليكم العيد وعساكم من عواده
الصراحة اللي ما أخفيها عليكم
أن في شي لفت انتباهي يوم العيد
يمكن الناس التفتوا لشي ثاني
مثلاً
( فرحة اليهال – تبادل التهاني – العيش لحم – العيديات – فساتين البنات - .....ألخ)
خخخخخخخ
وهذه كلها نعم الواحد يفرح فيها
بس أنا بعدت عنكم في التفكير بمثل هذه الأشياء
بعدت بعدت
الشي اللي لفت انتباهي يوم العيد
(صلاة وخطبة العيد) لفضيلة الشيخ أحمد اسبيعان
أول ما قرأ الفاتحة تذكرت رمضان لأنه صوته شدني الصراحة
ذكرني فرمضان طالما صلينا التراويح والقيام قي مسيد راشد ولا خليفة ولا البدو ولا سلطان ولا ولا ولا أي مكان
يوم قرى سورة سبح في أول ركعه ما تذكرتوا صلاة الشفع اللي نسمعها كل يوم في التراويح
لا وبعد
الخطبة سوت فيني إحساس كبييييييييييييييييييييييييييييييير بفرحة العيد
والله ياجماعة
أني أسمع الخطبة وأحس بنعم الله علينا
أحس أن قطيعة الرحم اللي استوت بين بعض أهلنا انتهت بكلام الخطيب
أحس أحس أحس
أحس أن القلوب تصافت
أحس أحس
وااااااااااااااايد أحاسيس يتني وأنا أسمع الخطبة
واللي زادني شعوووور
يوم ذكرنا الشيخ اسبيعان بيوم القيامة :aa_Sanson::aa_Sanson:
واللي راح يجتمعون فيه الناس للحساااااااااااب
حريمنا وخواتنا وزوجاتنا
والله يستاهلون الكلام اللي قاله الخطيب فيهن
معززات مكرمات محفوظات
شو أقوول بعد
عاد نسيت الخطبة
:sm142::sm115::sm115:
لكن أرد وأقول أن هذه فرحة حسيت فيها من يوم بدا فينا فضيلة الشيخ أحمد اسبيعان
فصلاته كانت جميلة
وخطبته لطيفة وجامعة
بياض وجه
فعسب جذه حبيتكم تشاركوني الفرحة
ولو هي يت متأخرة
بس اسمحولي لأني طلعت في العيد وما يلست في البيت
:aa_car::aa_car::aa_car:
طبعاً أتريا ردودكم ومشاركاتكم
أخوكم محب الإمارات
رد: فرحة وسعادة أتمنى تشاركوني فيها ( مشهد كبير يتجدد في الرمس )
والله ياخويه الخطبة والصلاة جو من اجواء العيد
والصلاة فعلا كانت حلوة والخطبة احلى بس انتقد وقت الصلاة جدموه شوية زين لحقت عالتكبيرة الاخيرة
والله يديم الفرحة بحياتك
وشكرا على الموضوع
رد: فرحة وسعادة أتمنى تشاركوني فيها ( مشهد كبير يتجدد في الرمس )
هيه والله صدقت الخطبة كان في قمة الرووعة
اقتباس:
المشاركة الأصلية كتبت بواسطة just_me
الصلاة جدموه شوية زين لحقت عالتكبيرة الاخيرة
والله يديم الفرحة بحياتك
هييييي صح بس مستغربة هم واااايد مستعيليين على الصلاة زيين إن لحقت على الصلاااة قبل ما يفوتني
المهم تسلم على الموضوع .~
رد: فرحة وسعادة أتمنى تشاركوني فيها ( مشهد كبير يتجدد في الرمس )
ما شاء الله مركز في الخطبة :-)
أخوي .. أنا بصراحة مستغرب من الناس اللي ما تصلي صلاة العيد في المعيد
أنا اعتبر اللي ما يصلي .. ما حضر ولا شاف العيد لأنه الحدث الأهم
رد: فرحة وسعادة أتمنى تشاركوني فيها ( مشهد كبير يتجدد في الرمس )
موضوعك وايد حلو وما شاء الله عليك نمسك الخشب ما شاء الله عليك كلامك حكم من دون مجامله والله يديمها دوم هذي الفرحه والسموحه
رد: فرحة وسعادة أتمنى تشاركوني فيها ( مشهد كبير يتجدد في الرمس )
هنا سعادة غامرة لا حدود لها،،
الله يديمك سعيد،،
والله يثبتنا على ديننا،،
وشكرا على سطوركــ الرائعة،،
مشاركة أولى ولكن معبرة مفعمة جميلة واثقة ورائعة،،
دمت برقي،،
رد: فرحة وسعادة أتمنى تشاركوني فيها ( مشهد كبير يتجدد في الرمس )
الله يسعدك ويفرحك يا اخوي دوم ان شاء الله
للأسف انا كان ولا فرض يطوفني في رمضان وغير رمضان ولما حان يوم العيد طافتني صلاة العيد وكأنه ما اعرف شو صار بالهاليوم وقعدت اصيح لأني ما رحت المصلى وصليت وما سمعت الخطبه صح الكل مستانس ولكني احس شي ناقصني ألا وهي صلاة العيد وخطبة العيد ان شاء الله نصلي صلاة عيد الاضحى
رد: فرحة وسعادة أتمنى تشاركوني فيها ( مشهد كبير يتجدد في الرمس )
اشكرك يا محب الامارات على الموضوع
واتمنى الك دوام الصحة والعافية والسعادة اللامحدودة
رد: فرحة وسعادة أتمنى تشاركوني فيها ( مشهد كبير يتجدد في الرمس )
اقتباس:
المشاركة الأصلية كتبت بواسطة patchena
الله يسعدك ويفرحك يا اخوي دوم ان شاء الله
للأسف انا كان ولا فرض يطوفني في رمضان وغير رمضان ولما حان يوم العيد طافتني صلاة العيد وكأنه ما اعرف شو صار بالهاليوم وقعدت اصيح لأني ما رحت المصلى وصليت وما سمعت الخطبه صح الكل مستانس ولكني احس شي ناقصني ألا وهي صلاة العيد وخطبة العيد ان شاء الله نصلي صلاة عيد الاضحى
جزاك الله خيراً على المرور والتفاعل
اقتباس:
المشاركة الأصلية كتبت بواسطة رذاذ عبدالله
هنا سعادة غامرة لا حدود لها،،
الله يديمك سعيد،،
والله يثبتنا على ديننا،،
وشكرا على سطوركــ الرائعة،،
مشاركة أولى ولكن معبرة مفعمة جميلة واثقة ورائعة،،
دمت برقي،،
أنا سعيد بمرورج وتفاعلج
مشكووووووووووووووورة
اقتباس:
المشاركة الأصلية كتبت بواسطة بو غايه
موضوعك وايد حلو وما شاء الله عليك نمسك الخشب ما شاء الله عليك كلامك حكم من دون مجامله والله يديمها دوم هذي الفرحه والسموحه
الله يسمح ذنبك يابوغاية
مع شكري البالغ على مرورك
اقتباس:
المشاركة الأصلية كتبت بواسطة صندوق البريد
ما شاء الله مركز في الخطبة :-)
أخوي .. أنا بصراحة مستغرب من الناس اللي ما تصلي صلاة العيد في المعيد
أنا اعتبر اللي ما يصلي .. ما حضر ولا شاف العيد لأنه الحدث الأهم
تبى الصراحة أخوي صندوق بريد
اللي خلاني أركز في الخطبة اسلوبه ماشاء الله عليه وايد كان متفاعل وتحس أن الكلام طالع من القلب ( جزاه الله خير )
تصدق في وااايد خطباء والله يجزيهم خير لكن يوم تسمع لهم ما تحس بطعم الخطبة
عالعموم نورت لنا المنتدى
ومشكوووووووووووووور
اقتباس:
المشاركة الأصلية كتبت بواسطة { لقيت روح ـيے ~
هيه والله صدقت الخطبة كان في قمة الرووعة
هييييي صح بس مستغربة هم واااايد مستعيليين على الصلاة زيين إن لحقت على الصلاااة قبل ما يفوتني
المهم تسلم على الموضوع .~
مشكورة أختي على مرورج وتسلمين
اقتباس:
المشاركة الأصلية كتبت بواسطة just_me
والله ياخويه الخطبة والصلاة جو من اجواء العيد
والصلاة فعلا كانت حلوة والخطبة احلى بس انتقد وقت الصلاة جدموه شوية زين لحقت عالتكبيرة الاخيرة
والله يديم الفرحة بحياتك
وشكرا على الموضوع
أخوي جست مي
أنا أتوقع أن توقيت الخطب ياي من الوزارة روحها لأني أسمع أن كل حد بادي فهالوقت عسب جذه الشيخ أحمد سبيعان جدم والتزم والله أعلم
أشكرك بالغ الشّكر على المرور والتفاعل
رد: فرحة وسعادة أتمنى تشاركوني فيها ( مشهد كبير يتجدد في الرمس )
العيش لحم – العيديات
طحت عالجرح أخوي محب الإمارات
لأنّ هذا أحلى شيء في العيد
أممممممممم
وبيزات العيد للحين عندي مال الصغارية أشترى منها
وموضوعك جدا جمييييييل حتى حسستني بفرحتك
يسلمو وتقبل مروري