طريـــقتي فتعطــــير جسمـــي وملابــــسي^___^بتخلـــي ريـــحتج دوم خبــــال

66...bc8f65af61.gif

بسم الله الرحمن الرحيم

اكيد احينه كل البنات بيتخبلون يبون يعرفون هالحركة كيف ايسوونها الحريم ^___^
وان شاء الله بعرفكم على الطريقة وبالصور عسب تسهل عالجميع وطبعاً هالحركة تصلح للشباب بستثناء الدخون والي بيتم استبداله بالعود (لأنه منقود عند العرب الريال يدخن بالبخور)
ومابا منكم غير الدعوة الطيبة فظهر الغيب^___^ مابا لا حمداً ولا شكوراً وطبعاً ما احلل لأي وحدة انه تتخذ من هالطريقة وسيلة عسب تلفت او تتعمد تتعطر وهي طالعه السوق ولا غيره
اناا برية منها ليوم الدين
خلونا نبدا ^____^
اول شي من عقب ما تسبحين وتنشفين جسمج وقبل ما تلبسين اثيابج
وزعي اللوشن على جسمج كااامل ,,وطبعاً اللوشن يعتمد على ذوقج
اما لوشن بريحة الفواكة او لوشن اليهال والمعروف ابيبي جونسون او حتى لوشن ماركة يفضل مع العطر ماله لأنج بتستخدمين العطر فالمرحلة الي بعدها ^____^
وهاي صورة اللوشن
77.../pga10tlye.jpg
وهذا بيبي جونسون
77.../npgx0zdu0.bmp

احينه ننتقل للخطوة الثانية وطبعاً انتي حالياً بعدج مب لابسة شي عدى الاندر وير
انزين خليهم يجهزولج الفحم وانتي ابهالوقت جهزي (العود المعطر) وانا حطيت العود المعطر بين قوسين لأنه هالعود يثبت فالجسم عكس العود الناشف الي يستخدمونه للملابس^____^ وانتي اختاري العود الي يعيبج وشي منه فالحرمين على 35 احيده
77.../4t652652t.jpg
هذا مال الحرمين
77.../zqpebfodt.jpg

احينه جهزي المدخنه
77.../r1l6owdso.jpg

وهاتي (العود الناشف) لأنه بنبدى اندخن الملابس والعبي
77.../e9aczyuvf.jpg
ودخني ^____^
77.../0pax4v7o5.jpg
فالوقت الي ياسه ادخنين ملابسج بالعود الناشف كملي الشغل على جسمج وهاتي البودرة الي اتحبينها ^__^ انا افضل البيبي جونسون ومال دهن العود ماحب بودرة الماركات
77.../48ep0idt8.jpg
احينه من عقب مانثرنا البودرة على جسمنا ,,اكيد بيكون العود الناشف خلص ابهالوقت هاتي الدخون الي اتحبينه^____^
77.../xfosdonc2.jpg
فالوقت الي ادخنين ملابسج بالدخون الي اتحبينه هاتي العطر المفضل عندج وتمي عطري الملابس والعبي حزة ما ادخون يطلع من بينهم ^____^
77.../eudy0ek89.jpg
احينه غطي كل ملابسج وعبيج بسيادة عسب تحكرين الريحة فالقطع ^___^ والبسي ملابسج
وهاتي أي مخلط او عطر زيتي نفس الي يتعطرون به المعازيم فالاعراس وشي منه تولات فأجمل ^___^ عن نفسي احب مخلط دهن العود على ملابسي ^_____^
77.../ewcllhvxf.bmp

واخيراُ هاتي أي دهن عوود وحطيه ورى اذنيج وعلى خشمج ^___^ عن نفسي احب الكمبودي
77.../y2znoashj.gif

وسلامتكم ^______^

والله شغلانة وعبالة
وايد اشيا...
الحرمة مب لازم تكون ريحتها لاخر الدنيا لان حرام حرام وحرام
لكن هاليومين وين الحرام بالعكس يتباهون منو ريحتها الاحلى... ها وانتي من وين شريتيه وشسمه اليوم باخذلي شراته

اذا كانت معطرات داخلية للجسم فقط وغير ملفتة ومركزة نقدر نقول ماعليه
ولا انتوا شرايكم

عالعموم اشكرج اختي ام محمد واتمنى ماتزعلين من رمستي
لان عقب تقولون ليش نغازل وليش هالبنت او الحرمة جذابة
والصراحة تنقال

[align=center]


تسلمين الغاليـة عالطريقـــــــة :)
[/align]

يسلمو ع الطريقه

يبالنا نجربها << هع
يسلموو ع الطرييقه

اقتباس:

---

المشاركة الأصلية كتبت بواسطة حلو الاطباعي

والله شغلانة وعبالة
وايد اشيا...
الحرمة مب لازم تكون ريحتها لاخر الدنيا لان حرام حرام وحرام
لكن هاليومين وين الحرام بالعكس يتباهون منو ريحتها الاحلى... ها وانتي من وين شريتيه وشسمه اليوم باخذلي شراته

اذا كانت معطرات داخلية للجسم فقط وغير ملفتة ومركزة نقدر نقول ماعليه
ولا انتوا شرايكم

عالعموم اشكرج اختي ام محمد واتمنى ماتزعلين من رمستي
لان عقب تقولون ليش نغازل وليش هالبنت او الحرمة جذابة
والصراحة تنقال

---

اخوي شكلك ما قريت الموضوع عدل

انا كاتبه ومستهله الموضوع بإني ما احلل لأي وحده تتبع هالطريقة لغرض غير شريف

قصده لفت الانتباه او غيره

انا الطريقة حطيتها للي يحب يتخنن ومب عارف شقايل

فقلتها بالتفصيل عسب انهم يستخدمونها فبيوتهم مب وهم طالعين

عالعموم شاكرة لك مرورك

[glow1=FFFF00]
شكرا ام محمد
[/glow1]

يسلموا ع الطرح

حشى حشى حشى
عاد هاي اللي متعباه جذيه الواحد ما يشم ريحه طبيعيه فيها
ابد عطور فعطور وخنونوا ودخون وعطور وكريمات وبودره
انقعت الحرمه حساسيه من راسها لساسها هههههههههههههههههههههههههههههههههههههههههههه