الفرق بين البنات و الشباب في العزايم

بعد الرجوع من العزيمة



هي: يوووه فاتك نص عمرك.. توني جايه من العزيمة



أختها: وش حطوا؟



هي: يو يو يو ، حطهم يجنن، ما فيه شي ماحطوه ، أول شي الشاهي، بيالاتهم تجنن مزخرفه ومسكاتها ذهبيه ، بعدين القاتوه مدري من فين جايبينه طعمه يجنن وحاطينه في صياني خربزيه وفيها نقط صغيييره لونها أخضر ، والمكسرات تموووووت ، حاطين كل كسرة في كيس! والا العشاء ياربيييه يهبببببل (يستمر وصف الاكل ساعة ونصف)



أختها: جت نوف؟



هي: ايه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل



أختها: لايكون نفس اللي لبسته قبل 5 سنوات؟



هي : لا لا ذيك المره لابسه فستان أحمر مو وردي ولا كان فيه كرستالات

،
اختها: أجل شكلها لابسه فستان بنت عمها أريج لاني شايفه اللبس هذا عليها
.

هي: اي والله، يووووه يخزياه، والله انه ماتستحي ؟ لا وأريج تدرين وش لابسه ؟ اليوم لابسه لبس يحوم الكبد، الظاهر انها شاريته من أبو ريالين



أختها: وجزمتها؟



هي:ما أدري ماشفتها، تصدقين طول العزيمه وانا احاول اتشوف للجزمة لكن ماقدرت، حتى اني يوم طفشت في الاخير ذبيت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت،الكلبة لبسها كان طويل مرة ومغطي رجولها



اختها: اكيد جزمتها مثل لبسها يحوم الكبد .. هي دايم كذا ذوقها خايس ...طيب ومكياجها كيف كان؟



هي: وع ، مكياجها مخليها اكبر من امها، تخيلي حاطة روج بني، الظاهر انه ديرما مو روج، والله المسكرة بعد يووووووووه مالها داعي، ما ادري مين النذلة اللي حاطه لهااالمكياج ، شكلها زوجة ابوها



اختها: طيب وتسريحة الشعر



هي:حقت مين؟ نوف والا اريج؟



اختها: كلهم

.

هي: تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهببببل،



اختها: كحكحي؟ يعني ايش؟



اختها:ماتعرفين الكحكحي يالقروية؟ هذا لون جديد للصبغات ، اذا شفتيه تجيك الكحه من زينه حتى سألتها وين مصلحه شعرها فيه ورفضت تعلمني اما اريج تسريحة شعرها باييييخة، شفتي تسريحة خدامتنا جيناتا وهي تغسل المواعين؟ نفسها بالضبط



اختها: على طاري الخدامة؟ خدامة اريج وش لابسه

..

هي: الخدامة لبسها عادي، لكن جزمتها خقااااااااااااق ، تهبل ماكأنها جزمة خدامة، لونها اسود وعليها خيوط فسفورية



اختها: صدق والله؟ هذي مو جزمة اريج؟



هي: الا والله؟ وانا اقول وين شفت ذا الجزمة فيه .. هذي جزمتها قبل عشرطعش سنة، اتذكرها شكلها عطتها الخدامة بدل ماتكبها في القمامة.



(ويستمر الحش إلى صلاة الفجر)
.......
.....
..
.
الرجل بعد الرجوع من العزيمة



هو: السلام عليكم، توني جاي من العزيمة وترا كل الشباب يسلمون عليك


اخوه: عليك وعليهم السلام

هو: يالله عن اذنك بانام

ها البنات طفسات وانا مول اتجنب اقعد مع الى يحشون ما احب صارت لى وايد ها المواقف البايخه

انا و أختي تشي دوم
يسلمووووووو

حشى مب بنات جوااسيس

احد يسوي جي عفان الله ههههههههه

بس حلوه حركه الشنطه اونه ماتدري خخخ

يسلموووو

خطيرات هذول البنات وجواسيسٌ..^^

متفيجات يطالعن جوتيها ومسكرتها ولبس خدامتها

خيبه من زمان ما سرت عزايم....الحمد لله فاكه عمريه ...

حشى تحقيق الحمد لله و الشكر .. خخخخ ..
تسلمين ..
=)

[align=center]
يسلمو ع المرور
[/align]

الف شكر على هذا الموضوع الشيق

[align=center]
شكرا ع المرور
[/align]