مشكلة تعليق الكنادير

[align=center]

شباب أمس سرت الدوبي و صراحة واستغربت منه يوم حط الكنادير في سيارة من السيارات لاني جفته معلقنهن بطريقة وايد حلوة، عاد انا قلت هالريال هامور و معلقين كناديرة بطريقة سبيشل لانه راكب موتر فخم فسألت الدوبي شو هالترتيب الحلو فقال هذي علاقه جديد، و من باب الفضول قلتله سولي انا بعد و يوم حط الكنادير في الموتر بصراحة استغربت لانها كانت بطريقة تخلي الكندورة بكبرها ما توصل الكرسي الخلفي ، يعني ما عندك اي مشكلة لو حد يالس في الكرسي الخلفي ، ويوم سالت عن السعر قالي زيادة درهم واحد بس وما صدقت .


و انا مروح صديت صوب المحل و لفت نظري بوستر عن العلاقه نفسها و طلع ان اسمها أساسي و يوم تلاقيت و يا الشباب و خبرتهم السالفة فقالوا لي ان هالمنتج سوته شركة إماراتيه عشان يحل مشكلتنا و يا الكنادير و العبي يوم ناخذها من الدوبي
تصدقون يا جماعة الخير المنتج وايد عملي و ينفع حق الناس الي محتاج انه تكون عندها كندورة أحتياط في المكتب أو حتى في السيارة و الي دوم يضربون خطوط بعد او الي يسير الجيم و يبغي كندورة عقب التمرين.


على العموم انا صورت لكم البوستر علشان تشوفون بنفسكم والتجربة خير برهان.

http://img10.imageshack.us/img10/112/img0166zj.jpg
[/align]

هى والله مريح الواحد يبا مثل ها المعالق

حلوة الفكره

كشخة والله..يباله نخبر راعي الدوبي اللي عندنا

شكرا على مروركم العطر ..... الله يسهل امره

والله فنتك

بس ما ادري يعرفونها كل اللي يكوون؟؟؟؟

:3jeeb: