‘{ دمُـ‘عَه فـ‘ـي " عَيـۈنيـﮱ " تِعَڪس مُعَـآنـآتِـ‘هـآ / مُن ڪتِـآبـآتِـ‘ـي .، !*
السلامُ عَليڪمُ ۈرّحَمُه الله ۈبرّڪاتِه .. ~‘
مُـرّحَبـآ اخـۈتِيـﮯ ۈاخۈآتِيـﮯ اعَضـآء مُنتدى [ الرمس] ..~‘
, ‘
صبـآحَڪمُ /مُسـآئڪمُ عَسـل ..
حَبيـتِ انيـﮯ اطرّحَ اجزاء قصـتِيـﮯ المُتِۈاضعَهـ هنـآ http://brzatna.net/vb/images/smile/ah.gif
بدايه ..
احَب انيـﮯ اطرّحَ الجزء الاۈل ..
ۈاذا عَيبڪمُ ان شااء الله بڪمُل بسـرّد بقاايـآ الاحَداث .. ~*
:
مُلآحَظهـ بسيطه ..
مُقدمُه القصه .. بديتِ بخاطرّهـ عَزيـزه عَ قلبيه مُن ڪتِاباتِي طبعَا
بعَنۈان [ حَـرّۈف اصبحَتِ ڪلمُـآتِ ] .. ~*
//
,
رد: ‘{ دمُـ‘عَه فـ‘ـي " عَيـۈنيـﮱ " تِعَڪس مُعَـآنـآتِـ‘هـآ / مُن ڪتِـآبـآتِـ‘ـي .، !*
‘{ دمُـ‘عَه فـ‘ـي " عَيـۈنيـﮱ " تِعَڪس مُعَـآنـآتِـ‘هـآ / .، !*
, ‘
مآ بين ألآمي ..
مآ بين حروفي وكلمـآتي .. ،،
أكتب لك قبل أن يجف قلمي .. وتنشل يدآي
عن أحزآن بـآتت تتسـرب الى عـآلمي الوردي .. ،،
حتى أصبح عـآلماً دآمس الظلآم .. ،، أتجول بين أنحآءه
لأرى من هم حولي .. ،، هل مآ زآلوا بجوآري .. هل هم هنـآ في عـآلمي ..
فـ يآ للأسف أكتشف وليتني لم أكتشف بأنهم تركوني وحيدهـ أحمل بين أضلعي قلبـآ
قلبـآ ينبض .. ولكن نبضـآته قد أصبحت ضعيفهـ ..
كنت أملك أملآ .. ولـكن أصبح اليأس يتسرب لحيـآتي شيئاُ فشيئاً ليمحي الأمل
،
أقول لك وأكتب لك وهآ هي دمعتي تنسـآب على خدي
.. بعد رحيلك .. أصبح عـآلمي منسي ,,
لم يزرهـ أحد ..
أصمت
لآ أملك عبـآرات لتكون بمستواك
فأنت بعيون من هم حولك انسـآنا
ولكن !! الغريب بأنني أرآك ملآكاً ..
:
،ملآكي ..
ترحل .. وتغيب
تردد لقد سئمت من هذه الحيـآه لترحل بعيداً
وتترك خلفك انسـآنه كـآنت ترى الحيـآه جميله في عينـآك
ولكن بعد رحيلك ..
أصبحت الحيـآه بعينـآها سودآء لأ الوان بها ..
رحلت وأخذت معك الوآن الحيـآه الجميلهـ
فتركت من خلفك عـآلم لآ ألـوان به ..
تنظر بين انحآءه فترآهـ .. عـآلم مليئ بالسـوآد ..
فهآ انـآ أفلت ورقتي لتطير مع الريح
على امل بأن تصل الى عالم يدعى عـآلم ~ النسيـآن
لأنسى .. ولأتنـآسى هذا الألم .. ،
11/22/2007
:
همـوم تحتل قـلوبنا .. مآسي وأحزان ..
نود لو بأننـآ نستبدلها بافراح ومسراات .. ولـكن هذهـ هي الحيـآهـ
لحظات مؤلمه .. شـعور قاسي حيـنما نحتـآج لهم ولا نجدهم هنـآ .. نحتاج بأن نشـعر بكفوفهم تمسح الدموع من اعيننـآ .. فقد كنا نعيش لهم وونبتسم معهم ..
:
هـآ انا اترككـم مع احداث قصتي .. بعض من هذهـ الاحداث حقيـقيه .. ولـكن لابد من اضافه بعض من الخياال لغرض التشـويق والاثـآرهـ ليس الا .. ^^
آمل من كل قلبي ان تحـوز على اعجـآبكم ..
اتركم مع احداث جزءي الاول ..:
//////
الجـ‘زء الــاول :-
{ . . لا شـفتني ضـآيق وأهـل الدمـع وابكي باقتنـآع /.،
. . . . . . . . . . . . . . . . . . . لا تحـزنك عيـني ولا تشـرهـ على دمعاتهـآ ..
:
السـآعه : 7:20 صبـآآحـآً ..،
ام راشد يالسه في الصاله تتقهوي ومشغله اذاعه القرآن ..
تـرن .. تـرن [ صوت التيـلفون ]
ام محمد ختها متصـله ..
ام راشد : الـوو .. مـرحبـآ
ام محمد : مـرحبتيـن .. شلحـآل ..
ام راشد : يسـرج الحال ومن صـوبج .. ربج الا بخيـر ..
ام محمد : الحمد الله ما نشكي باس .. وشخبار بو راشد .. والعيال ربهم الا بخير
ام راشد : الحمد الله كلهم بخيـر ..
في هاللحظه دخلت شوق الصاله وشاله شنطتها والغشـوهـ ف ايدها بتطلع برى تتريا بنات عمها عشان يروحن للمدرسه .. بس امها زقرتها ..
ام راشد : شوق بويه شليتي فلوسج ..
شوق : هيه اميه شليتهن ..
ام راشد : سمي بالرحمن وتوكلي ع الله .. وما وصيج البنات الضايعات لا تقربين صوبهن ..
راحت شوق وحبت راس امها : ان شاء الله لا توصين .. يلا مع السلامه
ام راشد : ربيه يحفظج ويوفقج ..
وكملت ام راشد سوالفها فيا ختها ام محمد ..
///
///////-> بالصوب الثـآني من البيت في حجرهـ سالم
سالم : حبيبتي لين متى بتمين ساكته ..؟
هند : ..........
سالم : انزين انا الحين بدااوم .. اهون عليج
هند عاطتنه مقفاها : لا
سالم يلفها صوبه ويمسك ويها بكفوفه : تحبـينيه ..؟
هند : لا
سالم : تحبيــــــنيه ..؟
هند : لا
نزل ايدينه وقفا عنها رايح صوب الكبت يطلع سفرته ..
هند ضمته من ورى : ما احبك وبس انا اموت فيك ..
سـآلم : آآآآآآآآآآآآآآآآهـ ..
هند توقف جدامه : سلامتك من الاه حبيبي شوو فيـك ..
سالم يضمها لصدرهـ ..: احبـج هند لا تزعليـن منيه ابد
هند : وانا اموت فيك ومستحيل ازعل منك .. بس كنت ادلع عليـك .. والا ما يحق ليه
سالم : يحق لج ونص.. فديت الدلوووعه انا .. اذا ما ادلعتي عليه انا بتدلعين على منوو ..؟
هند : زين يلاا روح بتتأخر على شغلك ..
سالم : مابا بتم وياج ..
هند : من شووي محتشر بداوم وبداوم .. والحين ما تبا
سالم : كيفي ابااا اتم ويااج .. مشتااق لج
هند : كيف تشتاق لي وانا يمك
سالم تقرب منها وتم يغني ..:
اشتاق لك لي رحت عني .. وان جيت عندي اكثر اشتااق
حبك حبيبي مالكني .. وقلبي لكم بالشوق توااق
هند نزلت راسها مستحيه : سالم
سالم : يا عيـــون وقلب سالم
هند بهمس : أحبـك
سالم مسك ايدها وحطها ع قلبه : تحسين بدقااته .. كل دقه يدقها يقول فيها احبج هنوده
هند : فديت قلبك انا .. زين حبيبي روح الحين بتتأخر على شغلك ..
سالم : ان شاء الله حياتي
هند : لا تنسى اول ما توصل طمننيه
سالم : من عيوني
هند : تسلم لي عيوونك حياتي ..
طلع سالم متجه للشـغل .. وهند دخلت تتسبـح ..
:::::
[ مجـرد تعـريف بسيط للشـخصيـآت ] ..
بو راشد وام رآشد عندهم 5 اولآد .. و4 بنـآت ..
:
البـجر رآشد : 29 سنه .. معرس ببنت عمه شيـخه وعندهم 2 ولديـن ..
حمد : 3 سنوات / منصـور : سنه ونص ..
شمه : 27 سنه .. معرسه وتعيش في الشارجه عند اهل ريلها وعندها بنت وولد ..
ريم : 4 سنوات .. خالد : 2 سنتين ..
سالم : 23 .. معرس ببنت عمته هند من 3 شهور تقريباً ..
نوره : 21 .. محيـرهـ لولد عمها .. تدرس في كليه التقنيه ..
ناصر : 18 سنه .. ثنويه عامه
شوق : 16 سنه .. اول ثانوي
سلامه : 15 .. ثالث اعدادي ..
حميد : 13 سنه .. اول اعدادي
عبدالله : 9 صف 3 ابتدائي ..
, ‘
>> ما حبيت انيه اتعمق واايـد في تحليـل الشخصيـآت والسبب
من الافـضل بان انتـوا تكتـشفون هذي الشخصيـآت ^^..
:
المكـآن : احدى مدآرس العيـن ..~
معلمه العربي : شـوق آومي وليه اقريء القصيدهـ ..
قامت شوق وقرت جزء من القصيدهـ ..
المعلمه : احسنتي .. قومي يا ريم كملي القرآيه
ريم تتحرطم : الله لا بليتنا .. انا شو اللي خلانيه اداوم اليوم.. يووم قلت للعيوز قالت لا .. اففف
المعلمه : عم تقولي ايه ..
ريم : وانا ااقدر آقول حاقه .. [ تكلم شوق ] ابتلينا اسميـنا ..
شوق : ههههههههههههه ..
كملت ريم القرايه ويلست مكانها تكمل رقادها ..
ريم بنت عم شوق .. واكيد بنفس العمر لكن فيه اختلاف بسيط من ناحيه التفكير بينهن ..
ولكن مع هذاا قريبه لشوق واايد .. ^^ [ الله يديم المحبه ] ..
شوق : ريموو قومي ملانه ولاعت جبديه من هالحصه
ريم حاطه راسها ع الطاوله : بعدين شوق دخيلج خلينيه اكمل الحلم ..
شوق : هههههه ما واحيتي رقدتي عشان تحلمين
ريم : بعدين شووق اشششش
شوق سكتت عنها ويلست تكتب ع الكتاب ..
يا ليتني انسان معدوم الضميـر ..
دق الجرس وقامت ريم تصارخ : بسم الله شووو .. من هاااااا ..
المعلمه : ريم في اييه ..؟
ريم تمت واقفه مستغربه .. هي وين ..؟ << نست الحبيبه بانها ف المدرسهـ
وكل البنات يضحكن ..
ريم تكلم المعلمه : انا قايله ترى من اشوفج تتولف المصايب من كل صوب
المعلمه : بتقولي ايه ؟
ريم تيلس مكانها : سلامتج .. مب جنه الجرس دق .. شو ميلسنج بعد .. ذلفي فكينا
المعلمه : شووق
شوق : هاا
المعلمه تقلد شوق : هاااا .. قولي نعم
شوق : نعم
المعلمه : ريم عم بتقول ايه ..؟
شوق اطالع ريم وفيها ضحكه : تقول بان الحصه كانت وايد حلووه ..
المعلمه : آه .. معليش حبيبتي داا الجرس ضرب .. الحصه القايه رح نكمل الشـرح
ريم : حشى عليه ما قلت .. ما عليه ان شاء الله نكمل
وبعدها طلعت معلمه العربي وبدت ريم تشكي حالها لشووق ومعاناه الدوام .. موالها المعتاااد ..
//////
يـ ‘ ـتبـ . ـع
. .
رد: ‘{ دمُـ‘عَه فـ‘ـي " عَيـۈنيـﮱ " تِعَڪس مُعَـآنـآتِـ‘هـآ / مُن ڪتِـآبـآتِـ‘ـي .، !*
//////
في بيت العم فالح [ خو بو راشد الصغير بس بالابوو ]
خالد طالع من حجرته رايح المطبخ ..
الخدامه كانت منشغله تغسل الصحون ..
دخل خالد وقال بصوت عالي : هووووووو
الخدامه : آآآآآآآآآه لاااااااا سوو فيه .. وطرحت الصحن وانكسر ..
خالد : ههههههههههههههههههههههههه
دخلت ام فالح [ اليدهـ ] محتشره ع صريخ الخدامه : شو يصرخج ؟ [ اطالع الصحن المكسور ] مسوده الويه بفلوس ها نشتريهن ..
الخدامه حاطه ايدها ع قلبها : ماما انا لازم بيسوي مجنون ..
اليدهـ : بتسوين شوو .. مجنونه انتي هب انا .. عنبوج زاد وين يالسه انتي تشاعطين وحسج واصل اخر الدنيا سود الله ويهج من حرمه ..
خالد حب راس يدته : ههههه صباح الخير يدوو
اليده : من وين ايي الخير دامنيه من اصبحت جابلت اليه هالشيفه .. ردت تكلم الخدامه
اليده : اليوم بكلم فلاح يسفرج .. وصارخي هناك بكيفج سود الله ويهج
الخدامه : لا ماما هزا ارباب سوي خوف مشان انا
اليده اطالع بطرف عينها : ارباب .. [ تكلم خالد ] سمع انت .. [ وترد تكلم الخدامه ] بويه انتي تروعين بلد
خالد يلوي ع يدته : ههههههههه خلا خلا الصاله يدوو
اليده : لمي ها اللي كسرتيه عن لا يدوسه حد لا بركتن فيج من حرمه
خالد يكلم الخدامه : هاتي الريوق ف الصاله .. وسخني لبن
الخدامه تمت ساكته اطالع
اليده : شوف شقايل اطالع انتي وهالعيون المشكمه ..
خالد : هههههههههههههههههههههههه
في الصاله :
خالد : يدوو اميه وين راحت
اليده : ما دريبها والله من صباح الله خير شفتها ساحبه بوك وراها
خالد : ههههه ..
اليده : وانت شعنه مب مداوم اليوم
خالد : يدو اليوم رحله وانا ما فيه اروح دبي بسبه مصنع .. مب متفيج ورانا اشغال
اليده تحط ايدها ع خدها : اشغال شوو يا حسره غير الرغده ف هالشوارع
خالد : افا افا .. انا رغيد .. مقبوله منج ويلس يغني :
مقبوله منك .. ولا يمكن ابد نزعل .. يا صاحبي غلطتك بالذات نشفعها
لك حق تامر علي دايم وتدلل .. مدام روحي تحبك لازم اتبعها ..
اليدهـ : هههههههه هب هين هالولد
خالد يغمز لها : اعجبـج طال عمرج ..
اليده : وينها مسوده الويه ما يابت الريوق
خالد : يدوو شكلها زعلت
اليده : زعل بو يعل .. شو يزعلها حد قال لها شي .. انا ما قلت لها شيء
خالد : ههههههههههههههههههه ابد ما قلتي فديتج ..
اليده : زقرها تيب الريووق
خالد تم يزقر الخدامه ويايبه الريوق ودقت بالصينيه جدام اليده ..
اليده : خيبه شوي شوي والا ناويه تكسرين بعدج ..
الخدامه : ماما سوي كسم شو مشكل .. مافي مشكل
اليده : والله انتي المشكله ..
خالد : يدووه ما عليج منها ..
اليده : ما شفتها شقايل فرت الصينيه .. وترد اطالع الخدامه : من شوي تقوليه مينونه .. والله ما يندرى من المينون ..
خالد يكلم الخدامه : روحي سوي ترتيب غرفه ..
راحت الخدامه وهي تتحرطم
اليده : سمع اما اتحرطم .. يعلج اتحرطمين فيها ..
خالد : استغفر الله يدوو .. تريقي انتي ولا تضيقين بعمرج عشانها ..
:
[ تعـريف بسيـط ]
بو خالد اخـو بو راشد لكن بس بالابـوو .. وهو وحيـد امه ..
تزوج ام خالد وياب منها 3 اولاد وبنت
خـآلد : 18 سنه .. ثنويه عاامه ..
حصه : 16 سنه .. اول ثانوي
حامد : 14 سنه .. ثاني اعدادي
حميد : 12 سنه .. سادس ابتدائي ..
:
{ الـحب لك يا حبيبي من زمان اول
. . . . . . دقات قلـبي معك لوو كـنت تسـمعها .. !!
انتهت احداث الجزء الاول ..
تـرقبـوا احداث الجزء الثـآني .. ^^
آمل من كل قلبي بان الجزء قد نال على اعجـآبكم ..
بنتظار ارائكم ..
:
اختـكم ..
رد: ‘{ دمُـ‘عَه فـ‘ـي " عَيـۈنيـﮱ " تِعَڪس مُعَـآنـآتِـ‘هـآ / مُن ڪتِـآبـآتِـ‘ـي .، !*
