بعض اشعار طارق المحياس...

بعض أشعار طارق المحياس }~...




( ليـه )

إن كنت تقوى البعد في الــــروح مسكنك
وش ذنب خـــــــــــــل إتخلا عنه خليله
وإن جيتني والله بالـــــــروووح لحضنك
وأقـــــــــــــــــول هذا الخل ما فيه حيله




( تعودني عليك )

أنا مدري اذا قلبي رفـــــض يصبر شسوي له
تخيل حالتي بعدك أنا إتحطمت ع الآخــــــــــر
أكلم نفسي فغيابك ألـــــــــوم القلب وأشكي له
وأصبر نفسي بالقوه وأقضي الليل وأنا ساهر





( تشك بحبي )

تشك بحبي لك وأنا اللي حبـــــــي لك بلا مقياس
تشك فيني وأنا اللي حـــــــالف بدنياي ما أخونك
غريبه حالة الدنيا غريبة لعبة الإحســــــــــــــاس
كثر ما تصـــــون لهم عهدك كثر ما هم يخونونك




( الزلزال )

تراه المصطفى ذكر واذا إنك مـــــــــــا سمعته قال
إظفر بس بذات الدين وخــــــــــــــــذها تربت يدينك
حرام تعيش مستانس وهي تبكي دمعها ســـــــــال
تبي تحيا مثل أي بنت وإنته الحـــــــــــــــل بيدينك




( على كيفـــك )

على كيفك وإنته حـــــــــــــــــر حبيبي قلبي متعود
هذاك أول وقلبي كــــــــــــــــان يبكي فرقت أحبابه
اذا بتـــــــــــــــروح تفضل روح بس لا تقعد تمهد
ترى ما في أحد يسوى تهل دمـــــــــوعي بأسبابه




( ولا باريــس )



ولو قالوا تعال وشوف فرنسا وزور نيس وكان
ماليزيا تركيا بيروت وهـــــــــــــــولندا وهاياتي
أقول لا والله لا باريس ولا لنـــــــدن ولا اليونان
أبحيا دنيتي وأمــــــــــــــــوت وأنا أردد إماراتي




( بنفس المكان )

بنفس المكان لكني هالمــــــــــره وحيد
أبكي ألم وأقــــــــــــــــــول ليتك معايه
بنفس المكـــــان وما معي غير القصيد
أكتب عسى في يــــــــــوم تسمع ندايه




( ميلاد القمر )

ليش تسألني وتدري إنه الجــواب عندي أكيد
يعني معقـــــــــوله أنا أنسى يوم ميلاد القمر
حافظ التــــــــاريخ والله مهما كنت عنك بعيد
مستحيل أنساه لــــو ينسى النحل ريح الزهر

أخـوي ( نـبض إنـسان ) ، نـتابـع إبـداعـكم و نـشـكـركم عـلى إيـناسـنا بـهـذه الأبـيات الرائـعـة .

تسلم اخوى بس انا بنت هب ولد

نبووضه اخووي..!! قصدي اختي فديتج والله هههع تسلمين ع الطرح الجميل

( على كيفـــك )

على كيفك وإنته حـــــــــــــــــر حبيبي قلبي متعود
هذاك أول وقلبي كــــــــــــــــان يبكي فرقت أحبابه
اذا بتـــــــــــــــروح تفضل روح بس لا تقعد تمهد
ترى ما في أحد يسوى تهل دمـــــــــوعي بأسبابه

صح لسآآن شاعرناااا...

خخخخخخخخ
هلا والله نورتى صفحتى
اقول شو بلاهم الخلق كله عبالهم انا ولد خخخ

شكــرا للاختيار الراقي،
في انتظار جديد مشاركاتك،

شكرا على المرور