المنتدى في انحدار

السلام عليكم ورحمة الله


معقولة مواضيع في منتدى الحوار ماتحركت من يومين !!!


حسافة محد يتابع ، اتوقع تحتاجون تجديد دماء في ادارة المنتدى


كنت اسمع اخبار الرمس من العين في بدايات المنتدى والحين سبحان الله حتى اعضاءه اختفوا


تحياتي

هو صح كلامك مادرى شو صار بالمنتدى
ولكن هم بعد معذورين كل واحد وضروفه والله عالم فيها

الصراحه كلامك صح

كان فيه اعضاء شعله من النشاط.....وكانوا يشتكون من بعض الامور...بس عتبي ع الاداره....تتشددون في كل شي...ماشي حياه صايره بالمنتدى....محد يتم....الكل يختفي...

المواضيع صارت ما تتحرك....وين ساروا ؟؟؟؟.....

بس عندي سؤال...الاعضاء اللي كانوا مميزين بطرح المواضيع المختلفه...هل حاولت الاداره تتواصل اوياهم عن طريق ايميلاتهم يوم اختفوا؟؟

للأسف ما اعتقد حد تواصل وياهم هم كانو وايد نشيطين البعض منهم بس اعتقد طلعو من المنتدى لانهم ماحصلو اعتبار من الادراره او يمكن اهتمام..
لانه ساعات الشكر والكلمه الحلوه اتسوى شغل اما اذا مافى شي ماراح يواصلون

السلام عليكم ورحمة الله وبركاته ...


شكرا لحرصكم الدائم على المنتدى ،،، اعتقد أنه بنشاطكم ودعمكم المحدود تستطيعون جذب الاعضاء ...

فنحن هنا خلف شاشة ولا نعلم ماهي ظروفهم ولانستطيع فرض بقاء أي شخص فكلنا راحلون وسيأتي يوم ويحل آخرون مكاننا ..

وأكثر فئة عمرية بالمنتدى طلبة بالمدارس والجامعات ... فالوقت اكيد لايسعفهم بالتواصل معنا

فنتمنى للجميع التوفيق ..

السلام عليكم. أشكركم على الردود الجميلة. راح زمن خلف الشاشات أختي نادره الحين الواحد من اي مكان يدخل بتلفونه ويرد اتمنى تنظرون للمشكلة بموضوعية وهدفي والله من الموضوع أثارته لديكم في الاداره لإيجاد حل. تحياتي

صح كلامك بو زايد..يت فتره الاجازه اللي طافت وماشي تغيير..

فوق هذا انا من سنه تقريبا موجوده ع العكس ايام المدارس كان المنتدى شعله..وكانوا بعضهم يدشون من دواماتهم...مواضيع مميزه...

وكانت لهم بعض الملاحظات وكلنا كنا نقراها..بس اذا ما يبون يسمعون ع كيفهم..فعلا الواحد ما يدري لين متى بيتم متواجد

في سنة ٢٠٠٠ شاركت بمنتدى الفريج شهريا يسوون إعلان للإدارة تغيير للمشرفين وتجديد للبعض الآخر وهذا يحفز الخاملين على المشاركة

الإعلان كان برعايه المشرف العام للمنتدى ومافيه مجاملات وكل الأمور تصب في مصلحة المنتدى