خطورة السيارة داخل البيت ..

[align=center]

السلام عليكم ورحمه لله

عندي بعض الملاحظات والنصايح إلى تدخل في مصلحتنا جميعنا وأتمنا من الله أنكم تقبلونها بروح رياضية وهي ليش صارت اليوم كل سياراتنا داخل بيوتنا ومب سيارة وحدة عدة سيارات في مكان واحد وماهي سلبياتة وأيجابياتة هذا الاجراء ، طبعا أنا تطرقت لهذا الموضوع من الناحية الصحية ماأقصد الديكور والكماليات وشكلنا جدام الناس .... الخ الان نظام أغلب الفلل اليوم السيارات داخلها مع أنه في آلف طريقة وطريقة تجنبك هذا الشئ ..

http://uaesm.maktoob.com/up/uploads/2dd7c33eba.jpg

سلبيات وجود السيارات داخل المنازل

أنبعاث غاز ثاني أكسيد الكربون من محرك السيارة هو المسبب الرئيسى لإاغلب حالات السرطان وأمراض الصدر والعياذ بالله لإن الغاز يكون منحصر داخل جدران البيت وخاصة البيت إلى مافية نباتات ولإنه غاز خفي يتسرب الى الغرف في البيت ويمر على أفراد العائلة واحد واحد في دقائق وهاكذا يوم مع يوم أنته أتحر سيارتك وضر أهلك ثم تظهر حالات غريبة من الإمراض بين أفراد الأسرة مجهولة المصدر يعني باختصار مب كافنا تلوث الجو يبنا المرض لداخل بيوتنا وبعد نستغرب من وين أتينا هالأمراض المشكلة في بعض السائقين يخلي السيارة شغاله لين ماينظفها ويسير يشرب الشاي وهي شغالة ويتري أهل البيت وهية شغالة والكربون غطي كل شبر بالبيت...وعندكم محرك البحث google ودور عن الأمراض التي يسببها كربون السيارات وشوفوا النتيجة ..

66...c1382c6aca.jpg

الحالات إلي أشوفها تجبر البعض لوجود الكراج داخل البيت لكن مب ضرورية

1) عدم وجود مساحة مقبوله لوقوف السيارة أمام البيت .
2) سيارتي غالية ما أقدر أوقفها خارج البيـــــــــــــــت .
3) في أوقات أحب أعابل بسيارتي ومابي حد يشوفني .
4) ماأقدر أمشي من داخل البيت الى السيارة عشان أشغلها.
5) بيتي على الشارع ما اقدر أطلع بلبس البيت للسيارة..

أنا بس حبيت أنبهكم ما أغصبكم والإهل أهلكم والأعيال أعيالكم

ولكم كل الشكر والتقدير ..

على فكرة كراج سيارتي برع البيت

[/align]

ماشاء الله عليك بوعواش خطوه حلوه منك انك تعرض ها الموضوع لخطورته ..
انا ماكنت اعرف اضرارها غير منك .. فى وايد ناس يحطون سياراتهم فى الحوش مالهم ..
فى منهم يخافون يخلونها برع ما ادرى ليش وفى منهم بس فشخره ..
جزاك الله ألف جزاء لتنبيه اخى الكريم

السلام عليكم ورحمة الله وبركاته
اولا اشكرك اخوي على الموضوع الجميل وبنفس الوقت موضوع تم طرحة بشكل متنوع غير عن المواضيع اللي انطرحن
ثانيا : انا ف نظري ان هالشي سلبي و نفس الشي اجابي لان اذا حطينا السياره برع خصوصا مثل ماتعرف انه في وقتنا الحالي البيوت عند الشوارع العامه يعني اللي ساير وراد يشوف ف بذالك اذا البنت او الام بيروحون مكان يتفشلون انهم يطلعون برع البيت لان مشكوف وبيقلون الناس يرمسون علينا والله بنت فلان طلعت من البيت ومارجعت لين هالوقت يعني فاتحين برج مراقبه
بالنسبه لاني اشوف هالشي ايجابي لان بيكون مفيد لانسان ولصحته خصوصا ان الحين ماشي رياضه اكل ورعي وقله صنعه مب الكل طبعا ولان بيكون شكل البيت ارتب وحلات السياره موقفه برع البيت تعطي شكل جميل ههه

ومثل ماتفضلت وقلت الراي الاول والاخير لهم وارجع اكرر شكري لك لان يدل على مدى اهتمامك بالبيئه لان البيئه قامت تضرر والجو كل ماياه يزيد حر وشمس بسبت السيارات والمكيفات اللي تلوث البيئه وتزيد من فتح الانبعاث الاوزون

احترامي لك وللجميع

نبض أنسان
يكفيني بس تعليقيج على راسى من فوق ... أنتي أعتبرج القلب النابض لهذه المنتدي ..

صرخة ندم
حلوة برج المراقبة ... لكن بعد اقولج دورى على حل ...مشكورة على المرور

ممممم فكره فكره هي غرامه صح ,,
كيفي اهو

والله ماعندي اي فكره الصراحة
البركه ف غيري يطلعون افكارهم ويبدعون

اقتباس:

---

المشاركة الأصلية كتبت بواسطة صرخة ندم

ممممم فكره فكره هي غرامه صح ,,
كيفي اهو

والله ماعندي اي فكره الصراحة
البركه ف غيري يطلعون افكارهم ويبدعون

---

مشكورة ...

العفو ,,