الحمدلله رب العالمين حمدا كثيرا طيبا مباركا فيه كما ينبغي لجلال وجهه وعظيم سلطانه والصلاة والسلام على خير الخلق وسيد البشر نبينا محمد صلى الله عليه وسلم اما بعدمكسورة وتبرد
موضوعي هذا ليس للسخريه من احد او الاستهزاء باحد بل للعبره ومعرفة الحقيقه في يوم انا واقف امام مدرسة من مدارسنا الثانويه انتظر خروج ابني الساعة الواحده والنصف ظهرا مرت من امامي سيارة يقودها ولد والله اني حسبته مسخ لانه مبهدل بعمره الشعر واقف كانه مكنسه مطبخ ولابس فانيله كت والالوان على جلده مالها حد والسلاسل معلقه برقبته والله شكله غريب بين الناس مو غريب للاحسن بل للاسوء واقل ما يقال فيه عافانا الله مما ابتلى به خلقه
المهم طبعا انا شفت كل هذا لان الحبيب وقف جدام سيارتي انا على الرصيف وهو نص السياره في الشارع والاخر برع وسماعة الموبايل طبعا لزوم الكشخه والموبايل الثاني في اليد الاخرى كأنه من كبار رجال الاعمال انا شدني منظره وحكاته التافهه حبيت اعرف ليش يسوي جذي وشو قصده هل يحب يجذب الانضار اليه ولا هل هو نقص يحاول يعوضه ؟
دق الجرس وطلعوا الطلاب والحبيب في مكانه طبعا هو يرمس ولا يمثل انه يرمس الباصات وراه ما عرفين يتحركون وباجي السيارات طبعا يحاولون يتفادونه وهو ابدا ما مسوي لين حد سالفه وكانه يقول لهم الله يخليكم شوفونيه
بعد ذلك طلبت من ولدي يسير ويا ولد خالته لين البيت وانا اصريت اكمل لين اعرف نهاية هذا شو تميت واقف اتريا وعقب ما خلصوا الطلاب كلهم وما تم حد عرفت انه ماله حد في المدرسه طبعا لف بالسياره ومباشره لين مدرسة البنات وشو سوي هناك من ويلات وحركات وانا اراقبه لين طلعوا البنات وراحوا تحرك الحبيب بسيارته مشيت وراه لين وصل منطقته وشفت كراج سيارته وشفت بيته والله انه عيشت ((000)) احسن من المكان اللي عايش فيه البيت نصه خشب والباجي اسبست والمجاري محاوطه البيت من كل مكان المهم خليته ورجعت العصر لقيت صاحبنا يالس ويا شله الله لا يوريكم اسالوا الله العافيه المهم سويت عمري ابا شاي من الكفتيريا بس علشان اسمع السوالف والله ما فهمت غير كلمتين عليكم سلام هذي اللي فهمتها طلع الحبيب الام هنديه والاب لا يحمل اوراق ثبوتيه والاب ما يدري عن الام من ثمان سنين والام تشتغل على الصدقات والمعونات علشان تربي هال((00000)) وهو ما في باله كل هذ
ليش ما فكر انه بدال ما يعيث في الارض فسادا ويزعج عباد الله في كل مكان انه يشتغل ويعين امه واخوانه
انا سعيت له وطلعت له وضيفه في حدا البنوك ب 4000 درهم لكن ما بغى وحب الرغاده على العمل علشان جي اقول لكم انا ما اعيب في حد بس مثل هذا واشكاله في كل مكان لازم ينحط لهم حد ولازم يقفون عند حدهم وكفايه
ويوم قلت لكم مكسوره وتبرد ترا صدق العيب فيه من كل مكان مب مكتفي فيه لا ويزيد عمره بلى
