نادي العطاء

كم أفتخر .. إني أشجّـع وانتمـي لنـادي العطـا
نـادي علومـه تنـدرس بكـلّ جـد وإهتـمـام

نادي الوصل .. نادي القيم .. نادي المبادي من بطا
نادي الوطن .. نادي القمم .. نادي المحبة والسلام

للمجد يمشـي مركبـه .. للقمـه يحـثّ الخُطـا
ما يرضى إلا موقعـه بيـن الـدراري والغمـام

به قادةٍ بذلوا نفيـس المـال وكـل مـا ينعطـى
المركـز الأوّل هدفـهـم بالفـعـال وبالـكـلام

وجمهوره اللي فوق خيل العز .. تسيّـد وامتطـا
من قال إنه منجرف .. مـا ياخـذه فيـه المـلام

روحْ ارفع الراس وتشرّف بالوصل لو هـو وطـا
يرفعْه جمهوره إلى عالي القمـم صـوب الكـرام

نوره على كل الملا فوسط الظـلام شـعّ وسطـا
للوصل نورٍ من وفـا يشبـه سنـا بـدر التمـام

نبّش تفاصيل الغرام اللـي انوجـد تحـت الغطـا
تلقى المحبه داخلـه فـدم الوريـد بيـن العظـام

الحـب هـذا لـو بتاخـذ عيّنـة مفحـص قطـا
تلقاه غطّى كـل قلـوب العاشقيـن حـب ووئـام

علَم يا نادي القـرن حسّـادك مكـانٍ بـه تطـا
عـذّب قلـوبٍ واهيـه تتبـع خفافيـش الظـلام

لو تنهزم .. أو تنغلب .. أو تنكسر .. ما هو خطا
العيب نادي ينذكـر .. مـا ينرفـع فيـه المقـام

منقول