كـــبـــتـــكـــوون - اكله تايلنديه بالصور

كـــبـــتـــكـــوون - اكله تايلنديه بالصور


الكميه تكفي لشخصين او ثلاث

خل نبتدي بالمقادير ^_^

-كوب وثلث رز مصري مغسول و منقوع من ربع الى نص ساعه و بعدين فوحيه لين ما ينضج
-بيضه

-فطر مقطع صغار

- عصير 3 ليمونات

-بصله مفرومه مربعات

- 3فصوص ثوم مفروم ناعم

- صبع صغير زنجبيل مقطع قطع صغيييره مربعه ( هو الطعم الرئيسي )

-طماطم

- 2 فلفل حار و تقدرين تزيدين حسب الرغبه

-فلفل بارد اخصر او احمر او اصفر اللون الي يعجبك او حتى لو تشكلين ^_^

-ربيان

-ملعقة فلفل اسود + ملح + مكعب ماجي

- زيت زيتون

- صويا صوص

اضافات مهمه ولكن لم اجدها : تقدرين تحطين جذور الليمون و هو اصلا اساسي في الطبخه بس ما حصلته

البيض حطي معاه شوية ملح و فلفل اسود و اقليه روحه بزيت الزيتون و بعدين افرمه ناعم و شوية قطع كبيره
ماصورت
نبتدي الطبخه ^_^

اولا نحط في الجدر زيت زيتون و نحط البصل و نشوحه شوي (عقولة منال العالم خخخخ ) و بعدين نحط الثوم و الزنجبيل و نشوحه شويه بس و بعدين نحط الربيان و نخليه دقيقتين
(في انواع ربيان منهم اجياس مطبوخ جاهز وهو الي استخدمته و في غير مطبوخ لو عندج النوع الثاني فوحيه قبل )

http://im32.gulfup.com/ZlfCN.jpg
تحميل صور



بعدين نضيف الطماط و الفلفل البارد و الفطر و الفلفل الحار و نخليه دقيقتين بعد ..... نضيف البيض و نشوح و بعدين الصويا صوص و نخلطهم و نسكر الجدر 3 الي 4 دقايق ...

http://im32.gulfup.com/o3VKB.jpg
تحميل صور


نضيف عصير الليمون و نشوح وبعدين نضيف العيش بالتدريج و تخلطهم شوي شوي عشان ما يستوي العيش عرسيه خخخخخخ .. الشكل النهائي في الجدر الصوره الثالثه ^_^

:... صحتين وعافيه

http://im32.gulfup.com/bIWQ5.jpg
تحميل صور

اشوفك سرت صوب تايلاند الحين خخخخ
الاكله اتبين حلوه ولزيزه..
انا اشتقت لشوربه الربيان الى فى المطعم اليمنى

هههههههههههه تايلند جنة الدنيا وبالعافية عليج اختي نبض

يسلمووو ع الاكله التايلنديه ...

الشعب التايلاندي 24 ساعة يأكل ,,ملة صغيرة فيها:

قطع روبيان ودجاج و بصل اخضر وصويا وفطر وأندومي ويمكن كم حشرة حسب الرغبة ,,

وهو عرقان وحواليه دخان السيارات و الوساخة ,,وهو رايق ومستمتع بالأكل ,,

مرة كنت في شنغماي ومريت أمام واحد يشوي ( روبيان ودجاج وبط و سحالي وخنافس)

على طول رجّعت و مرضت يوم كامل ,,أتغدى وأتعشى خبز و روب وسفن آب ,,لين ما تحسنت ,,

شكراً على كبتكون يا المروي ,, مع أن دكتور طول وعرض في مستشفى فيجتاني وآخر شئ إسمه كاباكا,,

شكرا شكرا لمروي

انا اللي مب مخلني افكر اسير تايلند هو اكلهم..اخافه مقلي ضفدع في الزيت وعقب بنفس الزيت يقلي الدياااااااااي وييييييييييييع

شكرا لمروي ع الكبكون