التخطيط لأكبر حدث للدراجات الناريه

السلام عليكم يأخواني وخواتي الأحبه
اليوم حبيت اطرح عليكم ف هالمنتدى موضوع واتمنى انه ينال اعجابكم وانه يكون في تفاعل من قبل الاعضاء وخاصه من هواة الدراجات الناريه

الموضوع هو
التخطيط لرحله بالدراجات الناريه لمدينة الفجيره وعلى شاطئها وهناك بنوقف لفتره للراحه وللاكل والشرب ومن ثم بنواصل طريقنا الى مدينة دبي وبنبدى فيها من على شاطيء الممزر وفيها بنوقف نستريح شوي ومن بعدها على شارع جميرا ومن بعدها الي The Walk وهناك بنوقف للراحه
نقطة الانطلاق فالبدايه بعدها ماتحددت

والرحله مقرره تكون بتاريخ 2009\12\25 وذلك فيوم الجمعه
وبيكون موعدها مابين 3 الظهر لـ4 العصر
ادري انه باقي وايد على موعد الرحله بس انا حبيت اخليها هالوقت عشان الجوو وقتها بيكون حلو ويحمس وبنفس الوقت بغيت اعطي مهله للي منشغل بشي واجمع اكبر عدد من الدراجات

انا حبيت اطرح هالموضوع لاني اشوفه بيكون موضوع شيق خاصه لهواة الدراجات وخاصه انها بتكون فرصه جيده وجميله اننا نتعرف على ناس جدد ونكون بعض الصداقات وهاي التجربه بتكون تجربه مفيده لنا
وانشالله بتكون رحله جميله لنا وخاصه اذا كنا عدد كبير من الدراجات

وانا افضل انه الدراجات تكون بنوع هارلي او مايشابها ولكن اللي عنده دراجه سبورت وحاب ينظم الينا حياه الله بس المشكله دراجات السبورت تمشي بسرعه كبيره ونحن نبي نلتزم بسرعه معينه وترتيب ونظام ف مشينا عشان السلامه وها اهم شي

واللي حاب يعرف معلومات اكثر او يستفسر عن الرحله وموعدها او عنده اقتراح او رافض موعد الرحله او وقتها او اي شي غيره يراسلني على الخاص
واللي موافق انه يكون واحد من المشاركين ف هاي الرحله ياريت لو انه يراسلني على الخاص عشان اسجل اسمه عندي من ضمن الحاضرين وابلغه بأي تطورات جدت فالرحله وتاكيد موعدها عليه قبل يومها

واتمنى انه موضوعي يكون ذا اهميه عند بعض الاعضاء ويكون عجبكم
وشكرااااا.......

السلام عليكم ورحمة الله وبركاته...
أولاً تسلمون على هذي الأفكار و التجمعات التي فيها فوائد كثيرة منها السلامة والتعارف وقضاء الوكت في أحلا الهوايات..،وإن شاء الله ربي يوفقكم وتقضون رحلة ممتعة مع الهواة و بعض المحترفين في هذا المجال وربي يحفظكم إن شاء الله...
كان خاطري أسجل وياكم بس نحن طلعاتنا بر لأن دراجات رملية و إن شاء الله قريب و بنرتب رحلة جماعية دراجات نارية رملية وإن شاء الله تكونون من المتواجدين معانا...
بالتوفيق إن شاء الله...

اخوي درع الامارت تسلم على مرورك الطيب والله منور معنه وحليلي محد معبرني
جان زين عندي دراجه رمليه كنت بخاويكم بس للاسف
يله ماعلي انشالله رحله موفقه لكم وانشالله تستانسو وتردو سالمين وربي حفظكم
يسلمووووو

تسلم يالغلا......................

تسلم اخوي الاسطوره على مرورك الطيب

يسلمووو ع الطرح^^