عرض للطباعة
السلام عليكم ورحمه الله وبركاته
ابي منكم خدمه لاهنتو اعضاء الرمس
انا طالع للفجيرة او رأس الخيمه
وابي اخيم في وديانها احد يقدر يقولي احسن مكان وين اخيم فيه
طبعاً معي عائلتي .
وابي أحد يدلني على محل لأيجار الخيام ليومين تقريباً كذا اكون لكم من الشاكرين
ارجو الأفادة
اخى الكريم
انا لانى من رأس الخيمه اقدر افيدك بشويه اشياء اعرفها
عندك بشارع الشيخ محمد بن زايد صوب راس الخيمه فى وايد مناطق تخيم طبعا وعلى حسب كل خيمه وسعرها فيها ..
اما بالفجيره اعتقد عند منطقه خور فكان ..
اخوي ماهر...خيم ومعاك يهال احس صعبه والناس خلصت سالفه لمبيت برع
نحن السنه اللي طافت اجرنا وانت ياي راس الخيمه اخر ام القيوين اعتقد اسمه باب الشمس شي جي...مخيم كبير...عندهم خيم والعاب يهال...بتشوفه ع الطريج...خذنا كرفانه...بدور لك الصور وبنزلها ...بس دفعنا لكن ما بتنا مع انه فيه حمام ومسكر...بس نحن ما نحب لمبيت برع..وجو عوايل...
http://im37.gulfup.com/WLG42.jpg
اختي نبض انسان كل الشكر والأفادة
وعتقد ان راح اروح الفجيرة
بس وين احلا مكان لتخييم في الفجيرة
ومحل للخيام ليت الأعضاء من عنده خبرة يدلني
ولكم كل الشكر وتقدير والأحترام
حتا و دبا و خورفكان و بعد في منطقة صوب الدبا اي قبلها فنادق ومقابلنة بحر وتمشي سيدة عقب بيي مصعدانه و بتشوف الناس كلعم مخيمين اهناكي
وبعض من الناس يخيمون جدام سوق الجمعة
أذا كنت تبغي ف راس الخيمة روح صوب شارع الشيخ محمد بن زايد أهناكي درجات وقرية تراثيه ولا أقولك رووح عوافي
ورحلة سعيدة