حــلاتج .. (علي عبدالله خليفة)
حــلاتج يا نظر عيني .. للشاعر البحريني/ علي عبدالله خليفة
كلمات ذات لهجة خليجية أصيله تجعلها قريبه من القلب
حلاتج يانظر عيني مطر يروي العطش ويخضر الديره
حلاتــــج شمعدان البيت إلي زيد علينا الليل تدبيره
حلاتج والسما سوده
اشوفج نيمه بفؤادي
ونخله ذوقتها الارض تحميني
ودرت لي وين تعطي الثمر شيره
احبج وانطوي طياة وارد افتل مع شعرج
طويل شلون
غزير شلون
دخيلج لا تقصينه
احبه يطول الى اخر مدى يقدر
احب كل شي حلو يجري بدون حدود انج ماتحدينه
ودريت انه العشق عندج طفل توه لعب
وانتي علي غصين الهوا طويره
شــاف النور شــاف العالم المــسحور والزيـنه
تعالي تعالي خطوتي تبغيج غنوه في طريج اسود
تعالي مابعد نقدر نخش ونقول وطير الشوق إلين غرد
صبر ماميش لا عندي ولا عندج إلين نشوف لحظتنا مع اخر نجم نور
احب اثور احب اخاف احب اركـــض معاج بالشــــوق للاخر
رد: حــلاتج .. (علي عبدالله خليفة)
اختيار جميل جدا اخى الكريم..
تدرى انا سمعت اغنيه وطنيه للمرحوم على بحر عن البحرين عن جد روعه والله
هم اكثرية اغانيهم الوطنيه حلوه وهاديه
رد: حــلاتج .. (علي عبدالله خليفة)
اقتباس:
المشاركة الأصلية كتبت بواسطة نبض انسان
اختيار جميل جدا اخى الكريم..
تدرى انا سمعت اغنيه وطنيه للمرحوم على بحر عن البحرين عن جد روعه والله
هم اكثرية اغانيهم الوطنيه حلوه وهاديه
عموماً الشعر البحريني يغلب عليه لسان العامية
ويتفرد بالبساطه والقرب إلى القلب
سواء شعر وطني أو شعر مغنى
رد: حــلاتج .. (علي عبدالله خليفة)
السلام عليكم ، كلمات جميلة
كلمات مرهفة بالإحساس
واختيار رائع ،،
دمت بود :)
رد: حــلاتج .. (علي عبدالله خليفة)
السلام عليكم ورحمة الله وبركاته
شكرا ع الطرح المميز
والله يعطيكم العافية
