صالونه الدال بالصور ..

السلام عليكم ورحمه الله وبركاته..


اهلين اخوانى شو اخباركم اليوم سويت للغذا صالونه دال لانها سهله وبسيطه وماتاخد وقت وايد..

تحتاجون عدس كوب ولا كوبين كيفكم قد عددكم والى يكفيكم ولكن لازم يكون منقوع ..
بصل امقطع شرائح
وثوم وزنجبيل مفرومين ملعقه وحده كبيره..
طماط امقطع اصغار .. انا سويت حبتين ..
2 قرن فلفل احمر حار
معجون ططمام
ملح وسنوت وكركم بهارات المسالا كلهم ملعقه وحده بس الملح لاازم انتو تذوقونه اذا كان يحتاج ولا لا..
وماى حسب الحاجه..
وسمن وزيت الذره..


الطريقه سهله وبسيطه ..

اول شي حمرى البصل بالسمن ومع زيت الذره لين يصير ذهبى , بعدين انظيف الثوم والزنجبيل المفرومين ونحركهم عدل , وبعدين انظيف العدس ونتم انحركه وراح انشوف بأنه العدس كبر حجمه بعد مع التحريك والبهارات كلها ظيفوها , بعدين حطو الطمام ومعجون الطماط وتمو حركو زين وحطو ماى شوى شوى بين الفتره والثانيه بس عشان مايحترق عندكم من تحت لانه الدال المفروض تكون صالونته سميكه هب فيها ماى فهمتو على وبعدين انحط 2 قرن فلفل ونخليه اشوى , وبعدين اصب ها الصالونه فى الماكينه مالت خلط العصير لانه احنى نباها سميكه هب ماى ركزو فى رمستيا ..
وعقب مانخلطها انرد انصبها بالجدر مره ثانيه وعلى النار مر ثانيه ..
وان شاء الله اتكون رمستيا مفهومه بارك الله فيكم..
مابا غير دعوه من ظهر قلب


[IMG]http://im38.gulfup.com/Fo3aS.jpg[/IMG]

[IMG]http://im39.gulfup.com/UkmOM.jpg[/IMG]

[IMG]http://im37.gulfup.com/2lxZg.jpg[/IMG]

[IMG]http://im42.gulfup.com/JuSaO.jpg[/IMG]

[IMG]http://im37.gulfup.com/bVmt2.jpg[/IMG]

[IMG]http://im37.gulfup.com/BrCe0.jpg[/IMG]

[IMG]http://im42.gulfup.com/8Eqy5.jpg[/IMG]

[IMG]http://im40.gulfup.com/HrcAA.jpg[/IMG]

[IMG]http://im39.gulfup.com/KmmS7.jpg[/IMG]

اتمنى من الصور تفهمون ..

تسلمين يا ام محمد

بعد طريقه حلوه...يعطيج الف عافيه...ومطرح ما يسري يمري

جزاك الله خير

تسلمين فديتج على الأكله الطيبه

الله يسلمج اماراتيه من كل شر ..
شمعه الليل شكرا على المرور.
الكابتن شكرا على الشكر..
ام عبادى تسلمين فديتج..

ماشاء الله عليج كل اكله احلى عن الثانيه

شكرا برنسيسا

مشكورة اختي عالوصفة رااااائعة

العفو اختى راك برنسيسا