]أحبك..
أحبك ماهي بس كلمه..
لكل من جاء بدون شعور أناأحكيها..
بلا أحساس ولامعنى ولاذمه..
تموت الكلمه في صدري بمافيها..
ولأني بقولها لأنسان وأتمنى تكون تهمه..
كبيره حيل "هالكلمه" أكيد إنك فهمتيها..
تبيني لك انا اشرحها كانك جد مهتمه
بسيييييطه..
إخذي لك طفله وعلى ايدك ربيها..
وعطيها من حنان قلبك حنان يغطي هالأمه..
وبعد ماتكبر بحضنك لأهلها روحي وديها..
وشوفي حالتك بعدها كيف منغمه..
إلى منك شعرتي صدق خلاص إنك فقدتيها..
وهي لك كانت الدنيا ونبض القلب ودمه..
وفجأه إختفت عنك وقالوا اليوم إنسيها..
وإنسي لما قالتلك أحبك حيل يايمه..
أمانه بس أبي أعرف يجيلك قلب تنسيها..
وتعديها مجردحلم بس
الوقت ماتمه..
وش يعني الحنان اللي من قلبك عطيتيها..
طبيعي هالعطا مهما نقص
أو زاد في حجمه..
غريزه نابعه من القلب ولاتدرين وش فيها..
وكانت قبل لاتنطق حكيها وقبل لاتمه..
تعرفين اللي بتقوله قبل
لانتي تسأليها..
غلاها وش هو يعنيلك
غلا خاله غلا عمه..
أوهي مجرد طفله مسكينه
وبعطفك حضنتيها..
وعادي لوخسرتيها ((طبيعي منتي مهتمه))؟!!..
أبي تعيشين هالقصه من أولها لتاليها..
{(((وأبي تعرفين وش المقصود منها ووش الحكمه)))}..
ساعتها بس بتعرفين أحبك ليه أداريها..
وليه بالتحديد هالكلمه ماهي بس كلمه..
وإذا كانت مشاعر صادقه والحب يحييها..
وترى ماهي حكايه غامضه وكلن حسب فهمه..
كثير أشياء تثبتها وكثير أشياء تنفيها..
وإذا مات الصدق فينا نموت ونندفن يمه..!
ترى درب الهوى[ "متعب "]كما اللي يصعد القمه..
يبيله قلب مايتعب وخطواته يهديها..
لجل يقدر على المشوار ومايضعف أبد عزمه..
شفتي شلون هالكلمه كبيره حييييل في معانيها..
ولا اذكر قلتها إلا لشخص ضلوعي تضمه..
عرفتي إنتي لي وش تعنين
هذيك الطفله عرفتيها..!!!!
