نايتروس , سوبرتشارج , توربو !! (للمبتدئين بالتزويد)

السلام عليكم ورحمة الله وبركاته..

نصائح للي يبي يزود موتره علشان نوفر عليه الوقت والجهد والمال
ونساعده لأنه يوصل بأقل الخساير للأهداف إلي يبغيها..


بـــسم الله نبدأ..

1_ حــــدد أهــــدافــك..
هل أنت ببساطه تبي تخلي شكل موترك حلو..
تزودها حق سباقات الشوارع..
ولا سباقات الحلبات..
ولا للعرض فقط..
ممكن يكون أكثر من هدف لك في نفس الوقت ولوكان كذالك فتأكد أيها أهم بالنسبة لك من الأخر
وحدد أولوياتك لأنهم ممكن يتعارضو مع بعضهم..

2-حـــدد مــيزانــيــتـك الماديــة...
البعض ممكن يصرف أكثر من 100.000 درهم على جامبينات وتواير ورنجات وبودي كت ولا على تيربو وسوبرجارج بروحهم..
ووالبعض الأخر يفكر ويقول أنا ليش أزود موتر بهالمبلغ كله وأنا بأمكان يأني أشتري مثلاٍ كورفيت ولا
بوش ولا أي موتر قو من الوكاله وبيتم عندي الضمان ماله ولا إني ألعوز عمري ف قراجات وأزود موتر
ووكالته تلغيلي ضمانه عسب قطعة معينه فيه ..

3- حـــدد القوة الي تبي توصلها بسيارتك..
لأن شركات السيارات مصممه سياراتها لمواصفات أستعمال عادي مب حق الريس فإنت يوم تيي أتزود معناته يالس تحمل المكينه فوق طاقتها مثال..
سيارة شركتها حددت لمصممينها إنهم يصمموا مكينتها على أنها عمرها الأفتراضي بيمشيها لين 320.000 كم
((لأسباب الشركة حاطتنها ..))
ف يوم أنت تزود الموتر هذا مستحيل بيمشيلك هالمسافة أكيد بيكوت عمر السيارة أقل ..
يعني The more power =the less life time
بالعربي كلما زادت قوة الأحصنة
كلما قل عمر السيارة الأفتراضي..

3-كم الفترة الي بتم السيارة معاكقبل لاتبيعها...
من تجربتي أكثر الزوايد ماتزيد من قيمة السيارة لوبتبيعها ..
ومعظم التزويدات تقص من سعر السيارة وتنزله تحت ..
وخصوصا لوكانت هالسيارة السبورت البابين سيارتك الوحيده
وتستعملها إستعمال اليومي في هاي الحاله ليمتى بتم معاك هالسيارة
الي ماتكفي إلا شخصين بس يعني لوكنت متزوج لوياك مولود السيارة بتروح ..


أذا كنت قريت الي فات فالحين تقدر تبتدي في التزويد..
1-التواير والرنجات..هاي أحسن شي تقدر تبتدي فيه وتبرز الفرق بين قبل وبعد لأن مث ما الكل عارف أن الرنجات والتواير همة أهم
مظهر يلفت للأنتباه من جانب السيارة ..
وهية تعتبر من أكثر الأشياء الي ماتأثر تأثير سلبي على السيارة ..

الرنجات..
وبعطيكم مثال..
لوفرظنا أن رنجات سيارتك مقاس 18 أنش..
وأذا كنت تبي تغيرهم إلى مقاس 19 أنش تمام بس لازم تتذكر الشي السلبي في هالرنجات
وهو إنها وزنها أثقل من رنجاتك العادية وبتخسر مق قوة المكينة كل ماثقل الرنج.
وممكن تحسبها بالمعادلة التالية ..
لكل 2.718 كج أنت بتخسر 1 هورس باور..
إذا تبي شي يجمعلك بين الأداء العالي والشكل الحلو فأعتقد أن ال18 أنش بيكون أفضل أختيار لك
لكنها بالتأكيد مابتعطي مظهر جذاب شرات ال19 أنش.
وإذا بغيت قمة الأداء فرنجات 17 بتكون الأفضل الي هي بتعطيك أكبر عدد ممكن من الهورس باور على الجار لأنا بتكون أخف بوايد من 18 وال 19 أنش ...
وأذكركم مرة ثانية أنكم تزورو الموقع والي كتبته في موضوع آخر
هذا عسب تحسبون الفارق قبل لاتختارون المقاسات للتواير اليدد..
وأذكركم مرة ثانية هذا شي راجع لهدفـك أنت وقرارك..
الحين بتطرق للمكينة ..


النايتروس..

مميزاته..
1- أرخص تزويد ممكن تحصل عليه ويعطيك قدر كبير من القوة الحصانية ...
2-يمكن تركيبه على جميع السيارات تقريباً..
3-آمن للي يعرف يستخدمه بعقل ..
(( تقريباً السيارات 4 سلندر 40-60حصان ال6 سلندر 75-100حصان ال8 سلندر 100-125 حصان يكون آمن وأذ ازاد عن هذا الحد بيكون خطر على المكينة ..))
4-سهل التركيب ولوبغيت تشيله وتركب مرة ثانية بعد مابيتعبك شرات التيربو ولا السوبرجارج مثلاً..



تعريفه ..
هوة عبارة عن تكوين من مركبين الي همة الأكسجين والنيتروجين وكلنا نعرف طبعا أن الأكسجين لايشتعل ولكن يساعد على الأشتعال وهاي هية الخطة الي نطلع منها القوة ..
فعندما نحقن المكينة بهذا الغاز الذي لاينحل ويتفكك إلا أذا تعرض إلى درجة حرارة عااالية لانجدها إلا في المكينة ..
حينها ينفصل التركيب إلى غازين سيساعد الأكسجين على زيادة أشتعال الوقود مما يمدنا بالقوة الحصانية
الهائلة ويعمل النيتروجين على إعادة تبريد المكينة إلى درجة حرارتها الطبيعية .
ومثل ماخذنا في المدرسة في العلوم أن النيتروجين عندما يشتعل يسبب فرقعة نسمعها في المكينة ..
فيعتبر أكسيد النيتروجين هوة أأمن تزويد إذا ماأستخدم الأستحدام السليم ..
لأن هذة الزيادة المفاجأة في القوة أن لم تكون المكينة مهيأة لإستقبالها فإنه سيسبب ضرراص للمكينة ..
طبعا في منكم يسأل كيف نهيء المكينة ..

أنا ماعندي خبرة زيادة بس الي أعرفه أنك لازم تغير البساتن ببساتن غيرهم يكونو أخف بالوزن ويستحملو أكثر للحراره وفي نفس الوقت يكونو ذات ضغط منخفض ..
في هاي الحالة بتعيش معاك المكينة ...


السوبر جارج ..
ببساطي الفرق بينه وبين التيربو أنه السوبرجارج يكون موصل بالمكينة عن طريق سير
يعني هوة يعطي زيادة في القوة الحصانية للموتر تقريباُ 60% من قورة المكينة لكنه في نفس الوقت ياخذ 15-
17% من القوة علشان يشتغل..


مميزاته..
يعطيك أسرع قوة حصانية يعني تقدر تقول أنه يكون شغال من الصفر ..
سهل التركيب نسبيا أذا ماقورن بالتيربو.
مافيه لاج الي يكون في التيربو.. والي هوة يعتبر عدوك اللدود والأول في السباقات ..

بعض الناس المخترشين في التزويد عندهم خلطه أنهم يتخدمون السوبرجارج مع التيربو بس هذا الشي مابيعمر المكينة .. (يعني حق show ولا مب إستمال يومي ولا شهري بعد)
(معلومة : شركت أودي بتنزل توين توربو مع سوبرتشارج ... :oooww: !!)
عيوبه..

مادام أنه يكون شغال من الصفر ويكون مربوط من سير المكينة وياخذ منها قوة يعني بيهلكها بتخسر عز من المكينة في نفس الوقت..
بس مب معناته أنه مايفيد لأ..
وعلى حد علمي أنه يكون منه نوعين واحد يكون بارز فوق المكينة ومربوط بسيرها والثاني يكون تحت في مكان ٍ
ما (( الكذب عيب أنا عمري ماشفت النوع الثاني..))


التيربو..
يعطيك أكبر عدد من الأحنة الي ممكن مكينتك تستحملها وطبعاً كلما غيرت قطع في المكينة(أعدت بناء المكينة بقطع داخلية عالية في الصلابة وخفيفة في الوزن)
كلما أستخلصت القوة الحصانة من التوربو....


أنواعه ..
فيه منه السنجل يعني الفردي يعني واحد حبه بس..
وفي منه التوين تيربو يعني ثنين يعني حبتين ..
وشي منه الي هوة يسمونه البروجارجر ..
السينجل يكون حجمه كبير نسبياً ...
التونات يكونن أصغر ن السينجل بس يعطن نفسالقوة الحصانية للسينجل..


+++ البروجارجر +++
أخترعوه علشان يخوزون منه اللاق الي في التوربوات العادية ..
عن طرق أنهم ماخذين فكره السويرجارج .. يعني ..
يكون موصل بمروحة السيارة الي هية تشغله ..


وبس وهذا هو الموضوع ..
(( ولوفيه شي غلط الله لايهينكم علموني تراني أبس أستفيد بعد منكم..)

CraZ33Y


منتدى السرعه للابد

يسلمو

يسلموو عالطرح الغاوي

يسلموووو ع الطرحــ

يسلمووووو ع المعلومات الرائعه

يسلمووووووو ع الطرح

تحيااتي^^