بالصور فقط طريقتي في صنع الدخون^__^حياكم درس ابلاش

60...s%20(1450).gif
السلام عليكم ورحمة الله وبركاته ^__^
اكيد وايد الي حابين يتعلمون هالشغلة بس مب امحصلين الي يعلمهم
وان حصلوا الي يعلمهم فبيكون الدرس عن طريق دورة يشترك فيها العضو وبتكلفه بحدود600الي800درهم
فليش ما نستغل هالمبلغ فالتبرع ولا فتقديم مساعدات عينية او حتى نقدية للناس المحتاجة وبالاخص فهالشهر الفضيل وفهالايام العظيمة ^___^
شو رايكم بلي يعلمكم كيفية صنع الدخون وبأبسط واسهل طريقة اتخلي الكل يشتغل فهالمجال ^___^
ما بطول عليكم بتركم فعرض سريع وشرح بسيط على كل صورة راح اعرضها وان شاء الله راح اعلمكم فالمرات اليايه حركات ثانية بطور من شغلكم ^____^ والله من وراء القصد
اولاً وقبل شي انجهز القفازات ^_____^
78.../lts1z04ok.jpg

شوفوا الصور من اليمين لي اليسار ,,انا اموزعه الاغراض الخاصة بالدخون فعدة علب عحسب الاغراض الي فيها ^___^ من اليمين لي اليسار(السحال*بودرة عود* واتحصلونه عند العطارين بس نوعيته ما اتكون جيدة ومعظمة مغشوش فسيروا عند أجمل اضمن لكم و على50درهم للجيس الواحد -مسك طياري ب125 من اجمل ويكون على شكل حصى بس انا اهنا طحنته وحطيته فعلبه*مسك بودرة ب25درهم مادري ب50 مب متذكرة >_<من اجمل -عنبر ب200من اجمل) ^_____^
78.../acvgij862.jpg
وهاي صورة من فوق^_____^
78.../okxpoe6ol.jpg

اهنا انلاحظ شي دبات وهالدبات فيها زيوت عطريه بنستخدمها فالدخون اتلاقونها فوايد اماكن وعلى حسب العطر اتلاقون الاسعار شي على 100وشي150 انا ماخذه هاييلا من الرصاصي وبتلاقون شي منهم بعد فمحلات لعطور العادية-دهن الورد ب45اظن وبعد خذته من اجمل بس انا فريت القوطي يوم فتحته اول مرة ولازم يتغطى وعلبته اتكون اصغيره -شكر)^___^
78.../nhq2rz086.jpg
انخل السحال^____^
78.../mdn3npvw0.jpg
لاحظوا الشوايب الي فيه(معنه نوعيته ممتازة بس بعد ما يخلى من الشوايب)
^____^
78.../ndy4ehdzd.jpg
اضيف المسك الطياري وانخله^___^
78.../6az29xi8g.jpg
واحينه المسك البودرة وانخله^_____^
78.../vnwq4f894.jpg
لاحظوا الفرق بين الاثنين(الطياري ايي لونه على صفار وريحته اقوى) ولازم ما اكثر من المسك عسب لا يلبق الدخون ولا اتكون ريحة الدخون ما تنقبل>_<
78.../z1g3kxzxb.jpg

اضيف الشكر وانخله^___^
78.../biyo4g422.jpg
احينه احط خلطة العنبر وهاي مكوناتها (عنبر+دهن الورد+ماي ورد)^_____^
78.../kyzh08yth.jpg
هذا العنبر (آخذ منه كسرة )^____^
78.../rv756p011.jpg

وهذا ماي الورد ويكون امركز(لا اتحطون العادي مال الاكل >_< وشي ناس ما اتفرق بين القابل للأكل والغير قابل)
78.../d46r79i48.jpg
اهنا ما رمت اصور هاللقطة وانا اشتغل على الجولة لأنه الغازات سامة وحارة والمفروض الواحد ما يقرب ويهه من الخلطة وهي عالنار(اييب طاسة واحط كسرة العنبر +ماي الورد+دهن الورد)واخليهم عالنار بس اوطي عليهم واتريا لين ايذوب العنبر وعقب اشله
لاحظوا هذا لونه من عقب ما يذوب العنبر-عقب احطه فوق السحال وباجي المقادير^_____^
78.../gnvrgbb6s.jpg
احينه اييب لزيوت^____^
78.../lspe58dtz.jpg
واصبهم فوق الخلطة ^___^
78.../8s3x7c5l1.jpg
واخلطهم-لاحظوا فهالصورة ممكن اخلي الدخون عبارة عن دخون بودرة ابهالطريقة ,,يعني ابجذا يكون هالدخون جاهز بس نحن بنزيد من كمية لعطور وبنكور الدخون ^___^
78.../rozsiowzv.jpg

اهنا كورت الدخون--احينه لازم اخليه يومين فحجرة فيها تهوية--اكبر غلطة انك اتخلي الدخون فالشمس لأنك جذا اتخلي العطر يتبخر منه وبتكون ريحته مب شي وانته ادخن منه^___^
78.../02g9t4din.jpg
عقب ما اخلص هاليومين اقوم واييب غرش نفس هااييلا ^____^
78.../u6cyl73tj.jpg
واعبيهم واخليهم مدة اسبوع ما افتحهم الا من عقب ما اخلص هالمدة و عادي اتبخر ^___^
78.../h3uke6wxb.jpg

هاي انواااع مختلفة من الدخون منه البودرة ومنه لمكور (بليز لا اتقولون اسوي دعاية لدخوني ترى ازعل >_< )
78.../wbg079kbn.jpg
وسلامتكم ^____^
اتمنى استفدتوا من الدرس ومابا منكم غير الدعوة الطيبة فظهر الغيب لأني تعبت وانا احمل وسامحوني عالاخطاء المطبعية ان وجدت>_<

60...s%20(1450).gif

يحيج والله ام محمد من راك

طلعتي هب سهلة

الدخون حلو بس انا ممنوع عنه هع هع

وشكرا ام محمد على الموضوع

وعايدي حمود ولدج عني هع هع

وشكرا

والله انج فلتو

تسلمين يالغالية ع الدرس



تحيااتي^^

يسلمو ع الطرح والطريقه

يعطيج العافية ع الطرح شكرن


بالتوفيق ان شا الله

مشكور اختي ع الدرس

يسلموو ع الدرس

^_______^ مشكورين عالمرور الحلو الي زين طرحي المتواضع

.. تسلمين اختي ع الطريقه ..

.. تقبلي مرووري ..

الله يسلمج ومشكورة عالمرور غنووية ^____^