ليش نتكلم ليش ما نساند

السلام عليكم ورحمة الله وبركاته

الصراحة عيبتني غيرتكم على نادينا وعلى حال فريقنا ولا يختلف اثنين على ها الموضوع ولكن يبقى شي واحد هو انا احنى انحب نتكلم ونتكلم وها الكلام انا اشوف ما منه فايده وهاي وجة نظري واتمني انكم لاتفهموني غلط .

1- انتو تكلمتو صح اللي قال انحول النادي لااراضي
2- واللي قال خل الادارة تستقيل
3- واللي يقول المشكله في الفريق نفسه

لكن انا اقول ( العيب فينا احنا جماهير النادي ) احنا اللي ابتعدنا عن الفريق وعن النادي والفريق اليوم يحتاجنا ويحتاج لوقفتنا وياهم وقفة رجل واحد خلونا نبتعد عن الكلام اللي ما منه فايده خلونا انشجعهم ونرفع من معنوياتهم صدقوني والله لو التفينا حواليهم وضميناهم وشجعناهم والله انهم ما بخدلونا خلونا انجرب لو مرة بس خلونا نحضر تمارينهم ونعيش وياهم ونحسسهم انا احنا يايين اساندهم .

وانا عندي سؤااااااااااااااال وينهم لاعبين النادي اللي عندهم خبرة ؟
الغائب الاكبر (سعيد موسى الحليان )
وها السؤااااااااااااال اللي امحريني وما محصل له اجابه
فيه حد منكم سئل عنه او حاول يسئل ليش ها الاعب مايلعب في النادي.
وين هم الاعبين ( طالب سلطان و احمد كاسين وسعيد موسى ) هادين هم اصحاب الخبر وليش ما نحاول نقنعهم انهم يردون النادي ترى انا ابنظري اقول انه النادي محتاج لخدماتهم صقوني لو احنا الجماهير حاولنا انكلمهم توقعون انهم بردونا لا انا اما اعتقد تراهم هم يحبون النادي مثلنا ولو كلمناهم ماراح يردونا خلونا انحاول وياهم .

ملاحظه :-

( الرمس الاسرة الواحدة شعارنا ) فكرو في هاي العبارة...

اتمنى لكم كل التوفيق.
واتمنى انه كلامي مايزعلكم واتمنى منكم الرد .


اخوكم راعي الغنم

صح كلامك اخوي

التشجيع واحساس اللاعبين ان الجماهير قلبها عالنادي وتبى الفوز ...بتحققه

بس هي يوم تشوف الجماهير قاموا ما يحضرون واللي يشجع نوادي برع الرمس ... هالشيء وايد يؤثر على نفسياتهم

فياليت تحسسوهم بأنكم معه الفريق وتحبونه ومتفائلين انهم يفوزون

وربي يوفقهم يارب

اشكرج اختي العابر علا مرورج

السلام عليكم ورحمة الله وبركاته

اسمحلي يا راع الغنم اقولك انا نحن وقفنا مع نادينا اكثر من المعقول بس والله النادي كلة خساير في خساير
انت أول شي ما سألت ليش اللعيبه القدامى ليش محد ، روح اسأل والله انك راح انحصل الجواب ،

واتصدق ان النادي خلاص بيغيلة تبديل من ساسة يعني من الادارة ولا وقفت الجمهور والله صدقني موجودين وجاهزين ،

صارت الادارة اتقول للاعبين نحن ونحن ونحن ولاكن كلة ولاشي وين انت تبي الفريق يعطيك انت عطة أول بعدين خذ
والسموحة

اوكيه بس الحين فيه حد مستعد يمسك النادي لو الادارة الاستقالة

اخوووي راعي الغنم...شكرا على غيرتك الكبيرة على ناديك...الجمهور يحضر المباريات...لكن والله اني مثل ما قلت في ردي على موضوع اخر انه المشكلة في اللاعبين..اللاعبين في استهتار لا غيرة على اسم الرمس ولاغيرة على اللون البرتقالي..لاعب يدخل المباراة وانت تتابع اداؤه تقول الظاهر ماله خاطر..في المباراة الاخيرة..لاعب انت تعرفه نزل على لاعب عجمان بطريقة خشنة واخذ انذار وبعد دقيقة انطرد...نحن كنا اربعة تضايقنا قلنا الظاهر ما وده يلعب وييين الجمهور تبيه يحضر ولاعبين واايد مثله يلعبوا واذا انطرد صفق له الجمهور تقول كانه مسجل هدف..اين الوعي الكروي..لو عاتبناه لفكر جدا انه اخطا في حق فريقه...اليس كذلك؟؟؟
اما سعيد موسى فاقرا ردي على خسارة الرمس من عجمان....فاللاعب يشتغل في مطار دبي..
تحياتي

:alramsmove::alramsmove::alramsmove:



ما اقدر اقول شي غيره

تسلم يا اخووي على هالطرح

الصرااحة الكل مضاايق من الحالة اللي وصل لها النادي خلاال هالفترة

يعني في كثير من الناس اذا حد طرا لهم شي اسمه النادي قاموا يسبون و ما يخلوا شي ما يقول عنه

ليش هذا كله

نحن سبحان الله دوم نشوف الواقع و نتكلم عن سلبياته

ما نعرف ان من افضل ان نتكلم كيف نغير الوضع اللي هو فييه الى وضع افضل واحسن

يعني منو منا عاايبنه ان للحين من بداية الدوري هالسنة يخسر الرمس 4 ما ادري 5 مباريات ولا بخسااير ثقييلة بعد

كل وااحد منا يبا الزين لنااديه لانه يحمل اسم المنطقة الغاالية على قلووبنا اللي ننتمي لها

و دورنا كجمهور بنقوم فييه باذن الله

بس نبي شي من الاعبين قبل الادارة حتى

بس يتذكروا اسم النادي اللي يمثل اسم منطقتهم

الوااحد لازم يلعب و يعطي اقصى جهده عسب يلااااقي المردود مب ينتظر المردود عسب يعطي

صحيح ان الدنيا الحين تلزمك انك تفكر بنظرة مادية

بس لازم على كل غيوور يملك المهارة و الخبرة في اي رياضة يرجع للنادي و يقدم اللي يقدر عليه

سواء كلااعب ولا فالادارة المهم المشااركة لان جهود الجمييع مهمة خااصة في هالفترة

وماا يتريا حد يقووله ارجع

والسمووحة على الاطالة و السمووحة اذا زل لسااني بشي


اخوكم: بوحمد