~~ودي بجلـــسة صــــراحة ويــــاكم~~

السلام عليكم ورحمة الله

قبل كل شي

كل عام وانتوا بخير وصحة وسلامة على السنة الهجرية اليديدة

جعلها ربي سنة خير وبركة ورحمة علينا وعليكم وعلى امة محمد أجمعين

وبإذن الله خلال هالسنة كل واحد فينا لازم يبدى يجدد نيته ويصفي قلبه ويعقد العزم على انه يفتح صفحة يديده من حياته مع ربه

كم نحن مقصرين في حقك يا الله ؟؟!!!!

يالله ..كم يحبنا ربنا ؟؟

ايه والله كم يحبنا؟؟

لو ربنا ما يحبنا الجان خذ أمانته منا خلال الفترة الي طافت

يالله كم نحن محظوظين دامنا نتنفس هوا الدنيا ..ودام دقات قلبنا بعدها تنبض

غيرنا الي تحت الارض يتمنون ساعة وحده بس عسب يسبحون ويستغفرون ربهم و يكسبون فيها الاجر ويطلبون رحمة رب العالمين

ونحن انماطل على هالدنيا الفانية

بين قنوات ومنتديات وطلعات وروحات وييات ومكالمات وغيره وغيره

يالله

كم نحن انقصرين مع ربنا؟؟؟

ليش الواحد فينا يكابر فهالدنيا ويتحسب انه مخلد فيها ولا يظن انه رب العالمين بيطول فعمره ؟؟!!!ليش؟؟الله مثل ما خذ عنا حبايبنا واخوانا وجيرانا وربعنا واهلنا بإمكانه ياخذنا نحن احينه وفهاللحظة الي يالسين نقرا فيها هالموضوع ولا فهاللحظة الي يالس ارمس فيها فالتيلفون ولا فهاللحظة الي ياسه اتمشى فيها فالمول ولا فهاللحظة الي يالس العب فيها بليستيشن ولا ولا ولا

يالله مادري شو ياني؟؟والله مدري

حاسة من دخلنا هالسنة اليديدة وانا قلبي وايد امعورني على ايامي الي قظيتها فاللعب والسهر على اشيا سخيفة ظيعت من وقتي الكثير وخلتني في درجة اسفل السافلين و احقر الحقيرين

يالله كم اتحبني؟؟

بعدني متذكرة اليوم الي طحت فيه بمشكلة لو طاحت فيها غيري الجان صارت فخبر كان لولا استغفاري منك يا ربي لكنت الآن في عداد الموتى ولكنت الآن من المغضوب عليهم !!!!

يالله كم انته اتحبني؟؟

يا ربي ليش هالعذاب؟؟يا ربي ليش انا امقصره فحقك وانته بعدك تمهلني؟؟ليش يا ربي اتخلي الناس عبرة لي وانا ما اعتبر؟؟كان بإمكانك اتخليني عبرة لغيري بس ما هنت عليك!!!ليش يا ربي ليش؟؟

والله احمدوا ربكم يلي ياسين تقرون موضوعي

والله مب عارفة شو الي خلاني اكتب هالموضوع احينه وانا حاسه بألم فظييييييييييييييييييييييييييييييييييييييييع فداخلي محد يروم يتخيله

مادري؟؟

يمكن لأني احبكم

يمكن لأني ابالكم الخير

انتوا اخواني وخواتي وابا مصلحتكم

اليوم نحن امبينكم وباجر بنكون في صفحات مطوية من حياتكم وما راح تبقى الا الذكرى ونتمنى انها اتكون ذكرى خير (ها اذا كانت شي ذكرى)

والله مب عارفة شقول ولا شكتب؟؟

ودي اسأل كل واحد فيكم سؤال واتمنى يجاوبني عليه بصراحة

هل ياك هالاحساس؟؟

هل فكرت انك اتجدد النية مع ربك؟؟

مع هالسنة اليديدة شو ناوي اتسوي في دنياك؟؟

هل اتحس نفسك امقصر مع ربك؟؟

بكل امانه هل انته نادم على ما فاتك؟؟

هل فكرت انك اتجدد النية مع ربك؟؟
طبعا // احس اني مقصرة في حق الله , مهما فعل الانسان فلن يوفي الله حقه , باحاااااول اجدد النية ...
مع هالسنة اليديدة شو ناوي اتسوي في دنياك؟؟
اعمل قد ما اقدر من الطاعات , و خاصة الصدقة و صيام النوافل
و نفسي اجتهد في دراستي و اتقن اللغة الانجليزية لأكون داعية غير المسلمين الى الاسلام ...

هل اتحس نفسك امقصر مع ربك؟؟
ايوا ... احس مقصرة

بكل امانه هل انته نادم على ما فاتك؟؟

طبعا و خاصة عندما أؤدي العبادة بدون خشوع ..

اقتباس:

---

المشاركة الأصلية كتبت بواسطة ام محمد من راك

حاسة من دخلنا هالسنة اليديدة وانا قلبي وايد امعورني على ايامي الي قظيتها فاللعب والسهر على اشيا سخيفة ظيعت من وقتي الكثير وخلتني في درجة اسفل السافلين و احقر الحقيرين


ودي اسأل كل واحد فيكم سؤال واتمنى يجاوبني عليه بصراحة

هل ياك هالاحساس؟؟

هل فكرت انك اتجدد النية مع ربك؟؟

مع هالسنة اليديدة شو ناوي اتسوي في دنياك؟؟

هل اتحس نفسك امقصر مع ربك؟؟

بكل امانه هل انته نادم على ما فاتك؟؟

---

عليكم السلام و رحمة الله و بركاته،،،،،


الكلام اللي كتبيته كله دوم أفكر فيه،، من قربت السنة اليديدة و انا احس بويع فقلبي
وندم عاللحظـات اللي ضيعتها عالفاضي و الصلاة اللي فاتتني....

و إن شاء الله إذا الله عطانـا عمـر،، بنبدأ صفحة يديدة و حياة أحسن من اللي قبل،
لأن الواحد ما يعرف متى الله بياخذ امانته.. ..



اللهم أعنـا على ذكرك و شكرك و حسن عبادتك.. ..

اقتباس:

---

المشاركة الأصلية كتبت بواسطة ام محمد من راك

هل ياك هالاحساس؟؟
واييييد أحس فهالإحساس

هل فكرت انك اتجدد النية مع ربك؟؟
دائمـا احس بتقصيري، وكل مرة أنوي بس الشيطان!


مع هالسنة اليديدة شو ناوي اتسوي في دنياك؟؟
التزم بصلاتـي و اكون أنسانة يديدة وأحسن من تصرفاتي مع اهلي و اللي حولـي



هل اتحس نفسك امقصر مع ربك؟؟
وايد مقصرة مع ربي وإن شاء الله أقدر اقوم بواجباتي بدون تقصير.


بكل امانه هل انته نادم على ما فاتك؟؟
أحس بندم على عمري اللي ضيعته من غير فايدة :(

---

تسلمين عالطرح المميـــــز عزيزتــــي.. ..:ebdaa:

الكل مقصر

بس الله عطانا عمر يديد لازم نجتهد فيه للأخير

والاعمال الزينه

الدنياا فااانيه