هل نجحت في تحليل شخصيته ..

مرحبا

انا حللت شخصية شخص عزيز جدا علي .. زوجي المصون و اشوف انه هو شمالي شرقي

و لكن للتأكيد لأنه مرات احه غربي و ليس شرقي
:sm105::sm105:

تربى يتيم .. توفي ابيه و هو في سن ال13 .. و ربته امه تربية قاسية و جافة من العواطف بحكم انه عليها مسؤولية البيت و مسؤلية اخوانه و هي ارملة بروحها تسوي كل شي

تعود انه كل شي جاهز من ناحية ماغراض البيت طبعا لأن امه كانت تشتري كل شي بروحها

اشوووووفه اتكالي علي في كل شي .. يباني انا اسوي كل شي يخص البيت

لو حابين نطلب من المطعم يباني انا اللي اطلب
لو شي ناقص يباني انا اروح اشتري .. بيدفع عادي بس انا اروح المشوار للجمعية
لو العيال مرضوا يقولي وديهم تراهم عيالج بعد .. للعلم انا دايما اللي اوديهم بس اخر فترة زهقت و هو يعاند ماله مزاج يوديهم + كسل
لو الخدامة تبا راتبها مقدم يقولي شلي بطاقتي و روحي اسحبيلها المبلغ:aa_mo6reqa:

و طبعا من توظفت ( من 3 سنين ) و سسسسسححححب ايده من مصاريفي نهائياًً

هو متعود يشوف خواته هم يصرفون مرات عالبيت و على عيالهم ( خواته رواتبهم ضعفين راتبي ) .. يحب يوفررررر جدا و ما يشتري الا الضروريات للبيت فقط

ما يهتم بالترتيب فوضوي و دوووووووومه مضيع شي يا ندور على بوكه ولا على سوتش السيارة ولا على بطاقة البنك

وايد تقليدي في استايله يعني عمررررره ما لبس كندورة شتوية زرقه ولا اي لون ثاني غير الابيض .. ابدا ما غيره حلقته لشعره او لحيته من سنيييين ..

ما يشتري لنفسه شي الا ناااادر جدا مب بخل لااااا حرص و يشوفه ان ماله داعي و ما يهمه ..

يفكر بالعقارات و الاسهم بس فالاسهم شفته واااايد متسرع و خواف .. يعني اذا نزل السهم شوي ما يترياه يطلع .. لا يروح يبيع و يتم متوتر و كل شوي يقولي نزل و نزل و يتم يفكر

دفش فالتعامل و جاااااف فالعاطفة ما يعرف يعبر ابدا .. بسرعة ينفعل و يعصب و بسرعة يرضى لو راضيته
لو طلعت ما يتصل يسأل مووول ..
بيتوتي .. ماعنده ربع وايد و طلعاته قليلة جدا معاهم
ما يحب المولات و الحواطة .. و كل ما اقوله طلعني يقولي لا ما بطلع .. و مشاويري او مشاوير العيال اسويها بروحي

عنده ادمااااان للعبة كول اوف ديوتي هاي لعبة حرب و جي .. عادي يلعبها بالساعااااات و ما يمل

ما يحب يجرب اكلات يديدة فالمطاعم .. يعني كل ما نروح مول معين يروح نفس المطعم و يطلب نفس الاكلة !!!

غيور كل ما اطلع يقولي اتغشي خاصة لو معاه لاااازم اتغشى

ما يحب اناقشه في مشاكلنا ابدااااااااا ابدا على طول يقول سكري الموضوع خلاص

ربنا ميحرمكوش من بعض
ويبارك في معيشتكم