موضوع بالغ الاهميه اطلعوا عليه من فضلكم

بسم الله الرحمن الرحيم الحمدلله رب العالمين والصلاة والسلام على سيد الخلق اجمعين (( صلوا عليه تكسبوا الحسنات))
اما بعد جلست في احد المقاهي في امارتنا الحبيبه وجلس خلفي شباب تقريبا اربعه كلهم تحت ال18 سنه والظاهر انهم يشجعون انديه مختلفة قال الاول والله ان نادينا الاحسن والافضل في الانديه كلها والله والله يمكن حلف عشر مرات واقسم مثلهن على انه ناديه الافضل فرد عليه الاخر بشتيمه تشق الاذان وترفع الضغط قال له 0000 انته وناديك ماشي غير ال 00 واخذ يمدح ويحلف وفي الاخر ردوا على بعض هذا يشتم ام هذا وذاك يسب ابوي هذا ليش ؟ مب حرام ؟ مب عيب عليكم ؟ ياخي شجعوا بس اعرفوا حدود التشجيع مب علشان انا انتقد نادي انته تشجعه اصير كافر؟
ولا انته تنتقد نادي انا اشجعه تصبح عدوي اللدود ؟
هذا الكلام خطا النقد الصح طيب والتشجيع الرياضي الصح مطلوب
وصدقوني ترى التعصب الارعن ما يسبب الا اكبر الخلافات بين الاخوه والاحباب وانتبهوا يرحمكم الله قبل فوات الاوان وانا اشهد قبل فتره مب بعيده حضرنا مباراه للوصل مب علشان انا وصلاوي لا بس لان الوصل يلعب باسم الامارات فانا في هالمباراه وصلاوي لاجل الامارات الغاليه وانا وحداوي يوم يلعب باسم الامارات وانا عيناوي يوم يلعب باسم الامارات وكم افجعتني كلمة مشجع عندما ذهبنا لصلاة المغرب قال هالأ مام يشجع نادي 00 وانا ما بصلي وراه لهالدرجة وصل التعصب والله حرام ولما جلست وياه شوي طلع هو مايعرف حتى النادي اللي يشجعه في اي اماره بس سمع وحده في الشات تشجع النادي تخبل هو وصار يشجع هالنادي ويدافع ويتعصب له
ترى اخواني انا مب ضد حد يحب ناديه لا الولاء وحب النادي شي حلو بس لا يغلب الولاء لله والدين والوطن وقادتنا حفظهم الله ورعاهم
والسلام عليكم ورحمة الله وبركاته

موضوع في محله يا اخوي لانه قبل شوي سمعت سالفه اثنين مضاربين عسب هالموضوع

يا ماما قلنا لكم شجعوا ما فيها شي بس ان التشجيع يوصل للسب والاهانه والضرب ومدري اشلووون

الصرااحه ما نرضى بهالشي والله الغني عن تشجيعكمـ

نحن كلنا اعيال دوله وحده مهما اختلفت الانديه فالكل يمثل الدوله ....صح اانا وصلاااويه بس والله ما زعلت

ولا شي ترى الانسااان مهما تعب وتعب ترى اهم شي التوفيج والتوفيج مش من الانسان نفسه التوفيج من الله

قدر الله وما شاء فعل ..

اقول للفئهـ المتعصبهـ .. بي كووول وخلو عندكم روح رياضيهـ في اشيا في الحياهـ وايد اهم من الكورهـ ..

والمباريات ما هي الا هوايهـ لاتسمن ولا تغني من جوع .. يعني خلكم ريلاااكس .. الحياه حلوهـ ..


وانا عن نفسي يكفيني فخر ان الوصل وصل للنهائي ..


شكرا على الموضوع وتقبل مروري اخي الكريمـ

اثنينه هبلان !!!!

للاسف الشديد عيال اليوم غير ....
ما شي بلسانهم غير السب والاهانات الخ
الله يهديهم