قصة كيف أسيبك وانت نظر عيني : إماراتية لمحبي الرومانسية

[CENTER]

السلام عليكم يا جماعة الغراميين : أنا اليوم يايبة لكم قصة حلووووة هيه قصة اماراتيه رومانسيه

وطبعا نفس كل مره بحط لكم الجزء الاول واذا عيبتكم راح اكمل لكم القصه بعد ما أشوف الردوود

الحلوة منكم http://forum.uaewomen.net/images/smilies/smile.gif


يله نبدأ ..........

مريم وهي قاعدة على الكوشة شافت في مدخل الصالة ومن بعيد حرمة

جنها القمر، يمكن أحلا وحدة شافتها في حياتها، لابسة فستان أبيض يشبه

فستان العرس بس بدل ما تلبس طرحة على راسها حطت شيلة رفيعة جنها

حتى مب لابسة شيء على راسها وعباة مثلها بس اللي لفت انتباه مريم أكثر

إنها كانت تلتفت يمين وشمال جنها تدور على حد أو إنها تتروع إنه حد يشوفها


وهذا اللي خيل حق مريم وهي يالسة عدال ريلها، إلا إنه هاي الحرمة أو البنت

التفتت صوب مريم وتمت فترة على هذا الحال حتى أن مريم انتبهت حق عيونا

الوساع اللي يشبهون عيون المها، وشافتها بعد مدة صدت الصوب الثاني تطالع

أحمد؛ المعرس اليالس عدال مريم على الكرسي الثاني فتمت تطالعه وما بعدت

عيونها عنه ألين لفت أحمد انتباه مريم وصد يقوللها: تعرفين الحرمة اللي قاعدة

تتطالعنا الحين؟؟؟؟؟؟؟؟؟؟؟؟؟؟؟؟؟؟؟؟؟؟؟

ردت مريم: لا !!!!!!!!!!!!!!!!!

أحمد: ها شو رايج فيها مب حلوة وايد ،،،،،،،،، أنا أقول إنها أحلى وحدة في هاي الصالة،........ مب صح؟؟؟؟؟؟؟؟؟؟؟؟؟

مريم: صح.!!!!!!!..

وكانت الحرمة في هالوقت تمشي وتقترب من الكوشة.

أحمد: أقولج ......................... هاي ي ي أأأأأأأأأأمل.

مريم: أمل !!!منوه ؟؟؟؟؟؟؟؟؟؟؟؟؟!!!

أحمد: بعد منوه!!!!!!!! أمل بنت عمي!!!!!!!!!!، حرمتي!!!!!!!!!!!!.

ردت: لاه!!!!!!!!!!!!!.

أحمد: شوفيها ........تراها يايه تسلم علينا..

مريم: شوه تقول؟؟؟؟؟؟؟؟؟؟؟؟؟.

أحمد: أكيد ،،،،،،،، يايه تبارك لي........ز ( باستهزاء )

مريم (وهي محرجه من نبرة الاستهزاء اللي حستها في كلام أحمد ):

: شوه !!!تره إذا هي طلعت !!!!!! والله أني أنزل من الكوشة واتركها حقها.

أحمد: شو ....شو هالكلام......... تراها هي بس ياية تبارك النا ( وهو معصب ).

مريم :هي يايه تبارك.. والا لا،،،،،،،، تراني صدق بنفذ اللي قلته.

أحمد: انزين.......... بس...... لا تكبري السالفة.......

مريم: منوه اللي يريد يكبرها.الحين ؟؟؟؟؟؟؟؟؟؟؟

أحمد: عاد بسج،......... أنا بتصرف....

جان يأشر على أخته موزة علشان تقترب منه........

موزة: ها شو أحمد.

أحمد: موزة الله يخليج شوفي أمل يايه هنيه ،، وهاي الخبلة وهو يأشر على مريم حلفت تنزل إذا هي طلعت !!!!!!!!!!! وأضنها تسويها............

موزة: انزين أحمد أنا رايحه.......و إن شاء الله محد ينتبه باللي يصير، الله يهديج أمل شو اللي يابج عاد............

ونزلت موزة بسرعة علشان تلحق أمل قبل ماتوصل ونتبه عليها الناس ويصيروا

سالفة يتندروبها الناس...... جان تمسك أمل من أيدها وتسلم عليها وخلت عمرها

جنة تدلها على الطاولة اللي كانوا يالسين فيها أهل ريل موزة واللي كانوا من

إمارة ثانية وما يعرفون أمل ولا أهلها............

أحمد: ها ما قلتي شو رايج في أمل. ( وهو يغيض مريم ).

مريم: هي حلوه!!!!!!!!!!

أحمد: حلوه.. وبس ،،،،،،،،عاد؟؟؟؟؟؟؟؟؟؟!!!.

مريم: لا ،،،،بعد شويه دبه مب جيه.

أحمد: بس تعيبني جيه وأنا راضي فيها مثل ما هيه وأحبها بعد.

مريم وجنها تتكلم عن حد ثاني: عيل ليش تزوجت عليها يوم هي تعيبك وتحبها

بعد مثل ما تقول؟؟؟؟؟؟؟؟؟؟؟؟.

أحمد: جيه شو أنتي ما تعرفين.

مريم: لا ما اعرف؟؟؟.

أحمد: يعني بتقوليلي أنج ما تعرفين!!!!!، عيل شقايل وافقتي تتزوجيني ؟؟، وإلا

بعد بتقولين انج ما تعرفين أني متزوج ومن بنت عمي؟؟؟؟.

مريم وهي مب قادرة تتحمل الموقف: شوف..( اعوذ بالله ) أنا كنت عارفة أنك مزوج

ومن بنت عمك بس محد قاللي شو السبب وأنا ما سألت حد.

أحمد: يعني تريدين تقولين إن السبب ما خطر على بالج.

مريم: ........................

أحمد: ها ردي علي تكلمي.

مريم وهي تتعوذ من الشيطان كم مرة : شوف !!! بصراحة أنا فكرت أنك مب مرتاح

معاها أو أنه علشان هي بنت عمك تزوجتها بس جيه بحكم القرابة، بس ها اللي

فكرت فيه، ورضيت.

أحمد: وأكيد بعد قلتي أنها أكيد مب حلوه ومب عايبتني، وعلشان جيه وافقتي
مب صح.

مريم وهي تتنهد: صح ولا خطا خلي اسبابي حق نفسي، ولا تنسى أن اليوم يوم

عرسنا.

أحمد: انزين بس عاد قولي الحين بعد ما شفتيها وعرفتي اني احبها واييييد

واييييييييييد شو السبب برايج.

مريم: ما أعرف ؟؟ أنت قول!!.

أحمد: انزين بقول بس ما تزعلين؟؟.

مريم: وأنت خليت فيها زعل!!!!، قول وطلع اللي في خاطرك!!.

أحمد: هاه بدينا من الحين!!!!.

مريم: وشو اللي بدينا فيه.

أحمد: النجرة.. اقوللل احترمي نفسج ولا تنسي أنج حرمتي.

مريم: والله أخاف أنك أنت اللي نسيت هالشي.

أحمد: شو قصدج.

مريم: عيل فيه حد يكلم عروسه وفي يوم عرسهم ابهالطريقة.

أحمد: إذا عرف السبب بطل العجب.

مريم: وشو السبب يالله قولي خلصني.

أحمد: والله أنا اللي أريد اخلص من هالتمثيلية.

مريم وهي مب سامعة اللي قالة: شو قلت.

أحمد: ولا شي.

مريم: شو ولا شي وأنت يالس تتكلم عن الأسباب، عيل قولي مب حرام عليك
دام عندك هالجوهرة تتزوج عليها ومب هو مكفنك تعذب وحده تقول العذب

الثانية؟؟.

أحمد: أنتي ما تعرفي شي بس اسكتي الحين....

مريم: لا مابسكت !!! مب أنت اللي فتحت الموضوع!!!, وأنت اللي بديت وتكلمت

عن حرمتك، وبعد مب أنا اللي قلت حقها أنها تيي هنيه علشان تتعذب…… وتعذب

غيرها!!.

أحمد: ومنوه غيرها هذي، قصدج أنتي… أصلاً أنتي كنتي عارفة اني باخذج

فوق وحده ثانية ورضيتي بهاشي. أنا شو ذنبي.

مريم: ذنبك أنك أ………

أحمد وهو يقاطعها: بس عاد الناس ابتدوا يطالعونا.

مريم: عاد قول حق عمرك وحق حرمتك.

أحمد: هاه بدينا على الغيرة.

مريم: والله قول حق عمرك.

أحمد: أوهوووو هالتمثيلية متى تخلص.

مريم: أي تمثيلية هذي، قصدك عرسنا، والله محد ضربك على ايدك علشان

تتزوجني.

أحمد وهو مغتاض: لا ضربوني.
مريم : شووووه ؟؟؟؟؟؟؟؟؟؟؟

http://forum.uaewomen.net/images/smilies/smile.gif http://forum.uaewomen.net/images/smilies/smile.gif http://forum.uaewomen.net/images/smilies/smile.gif


غالياتي انا بكمل لكم القصه بس بصفحات ثانيه بس حبيت اخبركم يعني تصفحن وبتشوفن الأجزاء الثانيه اللي بكملها اوكي يله بكمل لكم http://forum.uaewomen.net/images/smilies/smile.gif

الله يخليج الله يخليج
أختي امووووووووووووره
كملي كملي انا يالس ع اعصابي
ومتشوق وااااايد تسلمييييييييييين
ع هاااا الذوووووق الحلوووو في اختيارج
للقصص الصراحة دمعت عيني ;* *;
حبيت القصة

كملي انا اترياج...^^

اقتباس:

---

المشاركة الأصلية كتبت بواسطة mr wii

الله يخليج الله يخليج

أختي امووووووووووووره
كملي كملي انا يالس ع اعصابي
ومتشوق وااااايد تسلمييييييييييين
ع هاااا الذوووووق الحلوووو في اختيارج
للقصص الصراحة دمعت عيني ;* *;
حبيت القصة

كملي انا اترياج...^^

---

الله يسلمك
والذووووق فمرورك الراقي

ربي يحفظك

شكرا ع القصه

قصة عجيب امرها
خاطري اعرف شو سالفة التمثيلية؟؟؟؟؟؟؟؟
وكيف غصبوه عالزواج؟؟

اقتباس:

---

المشاركة الأصلية كتبت بواسطة rak boy 783

شكرا ع القصه

---

لاشكر ع واجب ارك بوي
الله يسلمك لك كل الود

اقتباس:

---

المشاركة الأصلية كتبت بواسطة حلو الاطباعي

قصة عجيب امرها
خاطري اعرف شو سالفة التمثيلية؟؟؟؟؟؟؟؟
وكيف غصبوه عالزواج؟؟

---

حلو الاطباعي
انا بروحي ما اعرف شو السالفه هههههههههه
شاكره لك مرورك التناقذي
لك كل الود اخي الكريم