سوق الكلاب من مصر

سوق الكلاب في السيدة عيشه ...اهم سوق الحيوانات في مصر .انا بروحوا كل جمعه ..احكي لكو عليه وتوجد فيه كلاب للبيع

السوق له اسامي كتير ( سوق القلعه - سوق السيدة عيشه - سوق الجمعه - سوق الحمام - سوق الخردة- سوق النصابين - السوق السودا - سوق المخربش )
http://i58.servimg.com/u/f58/12/39/44/15/165410.jpg
الوقت : كل يوم جمعه فقط
من الساعة 7 صباحا لحد 5 العصر

المكان : اركب اي مواصله للسيدة عيشة
عدى على الناحية التانيه عن مدخل شارع البساتين قصاد الكوبرى
هتلاقي برااا في طيور بتتباع سيبك منهم

هتلاقي قدامهم مكروباصات بتقول ... السوق السوق السوق
الاجرة نص جنيه للواحد
اركب لحد ما هتوصل لاول السوق

قبل ما تنزل بقولك اهو( حررررص على فلوسك )

انزل وامشي هتلاقي شارع كده في الاول محلات ملابس وناس بتوع بخور وساعات وانتيكات
وفلوس قديمه وسيوف

بعدها هتلاقي حد يبيع خردوات الطائرات ( سماعات - شوك - مناديل - ملاعق )

بعده هتلاقي سوق احواض سمك بكل انواعها واشكالها
اسعارهم بتختلف حسب الغالي للرخيص

قدامه على طول هتلاقي واحد بيبيع ثعابين وحربايه
اسعارهم 30 جنيه

على الجهه التانيه هتلاقي واحد بيبيع
صقر - حربايه - ثعابين - بومه - تماسيح - سلاحف

بعدها هتلاقي قسم اللي بيع الطيور ( استرالي - فيشر- روز - سلاحف )

بعده هتلاقي واحد بيلعب قومار بفلوس ولو وقفت تتفرج يقوم يضربك بعصايه
لازم توقف وتلعب ( اللعبه حاجة كده زي الكورة اللي بيلفها لحد ما توصل لرقم معين )

على الشمال هتلاقي سوق الحمام تحت الكوبري على شمالك كل انواع الحمام

بعده هتلاقي سوق الكلاب له باب صغير كده تحت الكوبري برضو على الشمال بعد سوق الحمام مليان كلاب
هتلاقي فيه كل الكلاب المسروقه بتتباع فيه

بعده هتلاقي سوق البانجو والحشيش والماكس على الشمال بس
والحشيش هناك رخيص عن كل الاماكن
اوعى حد يدخل لانه خطر وممكن تتفش وتتقلب وتتسرق وتتضرب فيه ومتعرفش تعمل حاجة
لانى البوليس نفسو يخاف يخش هناك
لو ليك مصلحظة حته حشيش خش خدها وفلسع على طول