شوارع راك

السلام عليكم

صراحة الشوارع اصبحت لا تطاق ابدا , زحمة كل يوم . البرك المائية اللي خلفتها الامطار تجعل السواقين يتفادونها ويلفون جدام السيايير , و الحفر نفس السالفة . و انارة الشوارع ضعيفة حتى اللي على ممشى الكورنيش , اضاءة ضعيفة ,

دوار الهدف صغير جدا مع انه يربط بين شوارع حيوية و اكيد سبب كبير بالحوادث , و بعدين يقولون سبب الحوادث عدم الانتباه , اي انتباه و اي سرعة , الشوارع هي السبب الرئيسي بالحوادث مو مرتبة هندسيا و ضيقة و تتكسر على شوية مطر و امس الاشارات عند البريد عند عيادة امينة كلها اختربت , و شوارع الجولان كلها متشققة كانها قديمة مع انها من كم سنة بس مسويينها و حتى شاحنات ما تطوف فوقها .

الكثافة السكانية براس الخيمة تزيد كل سنة ماشاء الله و الحريم اغلبهم قاموا يسوقوا , كان المفروض تكون رؤية مستقبلية لعمل شوارع واسعة تكفي الزيادة السكانية .

أناشد المسؤولين عن الشوارع , ارجوكم كفاية حوادث و تكسير سياييرنا ,مب خسارة الفلوس اللي ندفعها و نشتري سيارة وكالة و اخرتها تتكسر بسبة هالشوارع .