طريقة عمل شاي حليب دبل

السلام عليكم ورحمة الله وبركاته
اليوم ان شاء الله راح نشوف طريقة اعداد شاي حليب دبل.. وللتوضيح هالنوع من الشاي صار ينافس الكرك وهو عبارة عن دبل شيئين وهم الحليب والشاي نفسه وتقدر تقول هو كرك لكن بطعم مختلف وطريقة سهلة الحين راح تقولون شو الفرق:sm140:راح تعرفون لما تجربوا وفي النهاية راح اوضح خلونا نبدا على بركة الله
المقادير والمتطلبات:
1:علبتين حليب ابوقوس او اي نوع تفضلون لكن المهم علبتين ((لاتسوون نفس بعض المطاعم يحطون ربع علبة ولابعد مالت اسبوع))
2:اربع او خمس اوراق شاي لبتون او ريد ليبل او اي نوع--لازم ورق--
3:وكالعادة كوفي مت نجهزه على صووب
4:والسكر حسب الرغبة
5:ماي ورد((نضيف شوية مرة ومب نص الغرشه --انتبهوا--للمعلومة هالخطوة مهم في شي راح اذكره بعدين

طريقة التحضير::sm117:
نجهز الغوري ونصب الماي لحد الوسط او حسب حجم الغوري اذا كبير يكون الماي في الوسط بالظبط واذا صغير يكون الماي فل وبعدين نولع النار ومن ثم ننتظر الماي لحد مايغلي وبعدين نضع ال5 اوراق من الشاي او اربع بحسب كمية الماي لكن نصيحتي اذا تبونها دبل فحطوا 5 لكن اذا ماتفضلوا يكون ثقيل مرة خلوا اربع اوراق لكن يكون حسب الماي- المهم -نغمس الاوراق زين مازين لمدة 5 دقايق ومش اي كلام تحطوا الاوراق وتشمموها الماي وخلاص انتبهوا----عقب نصب الكوفي مت وبزيادة وبعد مرور خمس دقايق ناخذ الاوراق مال الشاي ونطلعها براا لاتخلوها داخل لانه بتدمر وتعفس الطعم ----بعد كل هالخطوات احين تقدر نضيف السكر--لاحد يحط السكر من البداية لان الشاي راح يصير مر- ونسبة السكر راح تقل فهمتوا وهني نقدر نضيف ماي ورد ولكن شوي مره نقطتين:sm136:والحين نجهز الدلة ونصب علبتين كاملات فيها وعقب نصب الشاي فوق وخلااااص جهز وحلاته مع براته او خبز او بلاليط او حتى اي شي
ملاحظات مهمة:
1-العيب الوحيد في شاي الحليب الدبل انه يفقد طعمها بعد ساعتين تقريبا او اقل شوي مما يعني انكم لازم تشفطوا الدلة في خلال ساعة ونص على الاقل لكن مثل ما انا اتوقع اكيد بعض الناس اذا سوولهم دلة راح يشربوا كوب ويصفوا الدلة على جنب ويجلسوا على التلفون وتمر 4 ساعات وهم نسوا السالفة.
2-ركزوا على اضافة الكوفي مت بكثرة وانتبهوا لاتكثروا ماي ورد مثل ماقلت نقطتين
3-ركزوا على نسبة الماي انها لاتكون شوي او واايد ولكن تكون وسط وشوي
4-اي خطأ بسيط راح يدمر كل شي مما يعني التركيز في عمل الشاي

اوك الفرق بين الشاي الدبل والكرك كالتالي:نسبة الحليب تكون اكثرا مما يعطي الشاي نفسه طعم اكثر عن المعتاد وكذلك اوراق الشاي فيها اختلاف بسيط بينها وبين التفل ((السبب الرئيسي في عدم استخدام التفل هو ان نحن مامحتاجين ان التفل يتم كثير في الماي بعكس الكرك الي نخلي التفل فيها ساعة كاملة ))بحيث ان التفل يكون مر اكثر ويظل فترة اطول بعكس الاوراق الي راح نخليها 5 دقايق وعقب راح نطلعها وايضا ماي الورد يعطي طعم خفيف مرة--
وفي النهاية اتمني اني وفقت في طرح موضوعي واسف اذ طولت عليكم:sm136: