رحلتنا أمس الى مزرعتنا في منطقة الحمرانية^__^بالصور

السلام عليكم ورحمة الله

مساكم الله بالخير ^___^


كنت ناوية امس انزل لكم موضوع الرحلة بس ارتبشت اشوي فإمتحانات الفاينل وما مداني انزل واحمل الصور

واليوم حسيت عمري متفيجة فقلت انزل واراويكم

يعني حركة تغيير وتنشيط للمواضيع فقسم الصور ^___^


يالله نبدا بسم الله


طبعاً انطلقنا نحن بسيارتين ,فيتارا انا راكبتنها واخوي الي يسوق وويانا الوالدة الله يحفظها

وفالسيارة الثانية اختي والوالد الله يحفظه


طبعاً هاي عدتي نووو ويي اطلع مكان بدوونها ^__^

77.../0erg2x1sz.jpg

انطلقنا على انغام ميحد حمد وعلى أغنية احب البر والمزيون

للأسف سجلت لكم مقطع عسب اعيشكم الجو بس ما عرفت احمله >_<


ابوي وصل قبلنا للأسف وما كان ودي يووصل قبل ولسبب واحد عقب بخبركم اياه

77.../a8h9v50sn.jpg


وها نحن وصلنا ^____^

77.../o7s2h266r.jpg

77.../0d9jshiqs.jpg


اول ما نزلنا ركييييييض على السدرة ^____^

اهنا السدرة منخشة على ايدكم اليمين ,,واهنا جهة المطبخ والحمامات وانتوا ابكرامه

77.../l5r30hfjp.jpg



وهاي السدرة ^___^قسم بالله اموووووت على هالسدرة ونبجها ,,أحلى نبج ذقته فحياتي منها ,,وفهالجهة امبينه حجرة الخدم

77.../62xeqeacs.jpg


اخوي يلقط النبج من عالأرض
77.../2zk07hdg5.jpg


77.../nrbab2ipa.jpg

وهذا الي احبه ^___^لقطت كمن حبة ,تراني ماحب الاصفر وايد والي ياي على خضار احسه حامض

77.../w3bedsj1v.jpg


وهاي المجرمة الي سبقتنا اونها اتراوينا حصيلتها من الغنيمة:sm158:ما خلت شي وانا اقول ليش السدرة خاليه على غير العادة

77.../z3m127ijn.jpg


اخوي اونه عاد يبا يسولف وياها وهو مناك يبا ياكل عنها نبجها وهي مستانسه على سوالفه ما تدري بغرضه من ورى السوالف:sm159:

77.../s9n6iqhu8.jpg

كان امأذن فدخلت عسب اصلي

احم احم هذا نعالي وانتوا ابكرامه :sm114:لزوم التمشي ,بس عفكرة ترى :coool:ومريح

77.../sfouf4ycd.jpg



صليت فالصالة على اساس انها صاالة ,,اييييييييييييه الله يرحم ماكنا نرقد10تنفار بهالحجرة(عفكرة تراها كانت حجرة النوم ^__^) عاد احينه رتبناها وحطينالها قنفات,,صارلنا يمكن اكثر عن 10اسنين ما طبينا المزرعة يعني قولواا من ايام التسعينات وحالياً انسوي اشوية تعديلات لأنه انفكر انبيت كمن يوم اهنا فإجازة الربيع ,,زين بعد نفتك من حشرة التيلفزونات والانترنت والطلبات وغيره

77.../flbuiapgt.jpg

هذا ممر الصالة ,,طبعاً البيت او خلونا انقول هالملحق الصغير كله زجاج (وكل شي ملموم ومريح انا احب هالعيشة ^__^)


77.../ce5bitkfb.jpg


77.../3kbzpalxn.jpg
احينه باخذكم فجولة سريعة عالمزرعة وبخبركم بكل جهة



اهنا جهة بيتنا (حلاته اول ما انش على طول انقطع نبج ونركض عالحوووض نسبح وانفر جرار النبج برع الحوض ولا بينغسل اشراعنا :sm95:)

77.../0io63e08a.jpg


وها النبج عن قرب(بعده مب ناظي)

77.../ziccatrle.jpg


هاي الرمانه موقعها غلط طالعة بين السدر

77.../dtsp3342f.jpg

عجهة اليمين من البيت

77.../4bo2e8s0y.jpg

واهنا صوب المطابخ بس الصورة أقرب عن الاولية (كانوا يطبخون برع معظم الاوقات فالتنور وناكل تحت السدرة )


77.../itvhos14m.jpg
وهذا التنور واحد حق السمج والثاني حق الدياي

77.../j9ybnklkb.jpg

واهنا جريب الحوض ,,بيكون على ايدكم اليسار

77.../2k1t6tyuj.jpg


حبيت الخضار الي تحت,,ما شاء الله يبارك الامطار السنة عمت الخير عالبلاد والعباد وخوضرت الارض من وراها ^____^

77.../2p1uuj9ix.jpg



77.../y6c53bmy8.jpg

77.../e8dh8ttsb.jpg

وجان اصعد الدري

77.../ky2q1l8lr.jpg

وآخذ لقطة من فووق

77.../9i6hvuol9.jpg


الحووض وواا أسفي على ما رأيت,,

77.../uw5dpfyo4.jpg

احينه خلونا ناخذ لفة فالمرزعة

اهنا المسطاح

77.../pplgubk1s.jpg

وجان امشي فنص المزرعة
77.../g137lzb3b.jpg


77.../v92l75h2n.jpg


عقب غيرت رايي قلت خل امشي عالشارع احسن ^_____^

77.../o89kqu4hd.jpg
انا هذا مادانيه , من اخطف عنده يلوعلي جبدي


77.../mncfdqowm.jpg


زريبة البقر,,

77.../90chus6rx.jpg

77.../yltr09d9t.jpg



وجان اكمل ,,هالمكان وايد احبه:3jeeb: ,,تمشي وكله اصبووره ,,احس جنه ابلاد برع^____^



77.../1qv8jn7hz.jpg

77.../husae2zno.jpg

حجر البيادير
77.../e3y2v3ymf.jpg

مصلاهم

77.../ywrhgwsfj.jpg
باااااجر بكمل سوووري منهد حيلي عالآخر وبسير :sm286:

تصبحووون على خير ^___^


نرجع حق محور حديثنا ^__^

ومساكم الله بالخير

احينه اتفيجت عسب اكمل الموضوع

هذا المكان قبل ما نوصل حجر البيادير سايره عند لقفاصه مال الحمام والدياي
77.../kocv07lez.jpg
طبعاً ماشي حمام ودياي كله بعناه واحينه بيشلون اقشارهم (يالله كل من امشي اشوي فالمزرعة احس اني بصيح عالايام الي طافت واتذكر كل شي صار فالبقعة الي اطبها)

77.../unpc93qa1.jpg

مثل ما انتوا شايفين المكان مهجوور والصراحة يصلح حق فلم رعب >_<فحياتي ما نزلت هالمكان وهو متروس حمام لأني مادانيهم ,,سبحان الله اجز من ريشهم واريولهم>_< وبس كنت اوايج من السيارة ونحن انحاوط فالمزرعةصوبهم
77.../4pq1hk2x1.jpg

77.../tz5f9hb06.jpg

77.../mfzq3fxal.jpg

احينه عدينا حجر البيادير وسايرين صوب زريبة الهوش والكبوش

هاي لصباره الوحيدة الي تمت عند الزرب بعد ماكانوا وااايد شرات الجهة الي خبرتكم عنها قبل(شليناهم عسب يبنون زرب يدد حق الهوش لأنه الزريبة الجديمة الي كانت حذال البقر ما كفتهم ومن غير يبنا بهايم فقرر الوالد انه يفصلهم)

77.../t98vi98nv.jpg

وهاي لصبارة من جريب,,والحجرة المبناية على جهة اليمين هاي حق العنز الي تولد

77.../u1he7wwfa.jpg

اهنا ياسه اكمل المشي ابا اصور الدبش ومب امحصلتنهم عبالي فالحجر عسب انه الجو كان بارد فقلت يمكن البيادير خاشينهم


77.../gnqyubemb.jpg
اهنا يتني الشجاعة لأول مرة قلت ابدخل الزيبة عسب اصور دامهم كلهم فمكان واحد ومحد بينطحني واستغربت انه الباب امبطل قلت يمكن البيادير ناسين يصكرونه بس ابرايه دامهم فحجرهم ^__^

77.../voadiz4j7.jpg
نزلت راسي عاد كله ولا لوقاية >_<واثناء التمشي والتصوير ,ألمح البيدار رحمة الله جان اقوله:رحمة الله وين بكري؟؟!!! قالي:طلعناهم عسب ياكلون من برع ,,قتله: اهاااا خلاص خلاص مافي مشكل انا بس يبي صور ^___^اطالعني بنظرة وروح @_@قلت فخاطري:شو مشكلته؟؟!!!
77.../la6q15yah.jpg

طلعت اكمل التمشي وجان اشووف اختي جدامي ,بسم الله شو يايبنج اهنا؟؟قالت ماشي اتمشى ,اندوج يودي.اقولها :شوو؟؟قالت:كندورتج فيها جيب؟؟قتلها:هيه
قالت :خشي النبج فجيبج^___^,,كانت امقطعه كمن حبة من النبج لكبار بس قتلها هاييلا ما ينفعوون بعدهم مب ناظين,,قالت :عن خاطري بس بجربهم فالبيت ,,وجان نتمشى خلاص عساس بنسير صوب المواتر ,,جان اقوول الا اباغتها واوصل قبلها ^____^
77.../5h89vriju.jpg
دخلت بين الشير ,عاد كله ولا اتحدى حد >_<وبالفعل وصلت قبلها

77.../5a80tqoe5.jpg

ومست الدنيا علينا
77.../8xzkw9jq8.jpg


وردينا البيت بالسلامة ^___^
77.../bygrkc889.jpg
والسموحه منكم عالقصوور

اتمنى الموضوع عيبكم وماكان ممل ^__^

والله شي حلووووووو

وعجبني المكان

تسلمين أختي ع التصوير الحلو

ما شاء الله على مزرعتكم وايد حلوه
الله يعطيكم من خيرها
انا خاطري بالنبج من زمان
يوم بتروحي مره ثانيه لازم اتييبيلي
خخخخخخ

ما شاء الله مزرعتكم حلوووووووه

عشت الجو خخخخ

يلا نترياااااج

الله يقويج ويبارك فيج ويحفظ لج اخوانج ووالديج ويسهل دربكم

الله يسعدج دنيا واخره عيشتيا جو رائع صج حسيت اني انا اللي يالس افرفر في المزرعه عالعموم شكلنا بنطب مزرعتكم وبنسرق النبج هههه سوالف عن تنسرقق صج عقب تقولين انا ههههههه


المهم الله يحفظج ويسهل عليج الامتحانات ومن الاوائل ان شاء الله

رووووووووووووعه ماشاء الله وتعليق لا اروع اختي

اختي تراني اباااااااااااااا نبق هع

وشكرا لج ع الصور والتغطيه

تــقــر يــر حــلــو

و صور زقرت

شـكـراً

مشكوووره على الصور

حسستيني اني موجوده وياكم

اقتباس:

---

المشاركة الأصلية كتبت بواسطة حور راك

والله شي حلووووووو

وعجبني المكان

تسلمين أختي ع التصوير الحلو

---

مرورج الاحلى يا حور ^____^

انا كملت الموضوع توا واتمنى فعلاً يعيبج

بس لشي واحد

لأني تعبت فالتحميل ولا التصوير يهووون >_<

اقتباس:

---

المشاركة الأصلية كتبت بواسطة ام بخيت

ما شاء الله على مزرعتكم وايد حلوه صدقيني مرورج الاحلى عقلبي ^__^بس لو تترتب اشوي ولو عندنا بيادير حرجين الجان ما صارت شبه مهجوورة بس هاايلا هيزة:sm95:
الله يعطيكم من خيرها آمين يا رب ^_^
انا خاطري بالنبج من زمان افا عليج انتي بس
يوم بتروحي مره ثانيه لازم اتييبيلي
خخخخخخ

---

ان شاء الله يا ام بخيت ما طلبتي وارمس جد واعديني فمكان وفالج طيب من عيني اليمين قبل اليسار ^_^