بابا زايد و الطفلة !!!!!!!

السلام عليكم والرحمة ..!!

" حبيت أنقل لكم رساله
حزينه ،هذي الرساله لطفله تخاطب بها الشيخ زايد بعد وفاته ...في هذي الرساله تنقل لنا الطفله
مشاعر كل طفل بل وكل إماراتي تجاه أبونا رحمة الله عليه ...!!


الرساله :
بسم الله الرحمن الرحيم

بابا زايد أنا أحبك ،بابا قالوا إنك سرت عنا وما راح ترجع ولا راح تكلمنا ولا تسمعنا ولا تعلمنا ،بس

بابا أنا أحس إنك تسمعني ،أنا أدري ومتأكدة بعد، إنت بس راقد عند الله في الجنة لأنك مسلم

طيب تساعد المسلمين وتحب الأطفال والمسلمين وتحب الفقراء والأيتام ،وما تحب تشوف أي أحد

يبجي ويتألم ،لأنك حنون مثل أمايه وأكثر بعد منها ،حبيبي باباه والله راح أذاكر،راح أحل واجباتي

وراح اقرى الدروس، أحلف لك راح أصير أحسن مهندسه لدولتنا الإمارات العربية المتحدة عشان

أخليها أحلى وأحلى وأحافظ عليها مثل ما إنت تحافظ عليها ،بابا راح أسمع كلام امايه وابويا والمس

عشان لما بشوفك في الجنة برمسك عن إلي سويته للإمارات الي تحبها ، بابا ليش رحت:sm78: عنا راح

أغني لمن؟ وأرسم صورة من؟ وأبوس من؟ ،أنا ما اعرف أرسم شي ثاني غير صورتك ولا اعرف

اغني إلا اغاني عنك ما حافظه شي ثاني ،باباتي إرجع الله يخليك إذا ماراح ترجع إخذنا معاك إحنا

نحبك ونباك تكون معانا ..

بابا تعرف شو سويت بيوم الجنازة ؟ رحت أصلي مع ماماه ونقرى القرءان في المسجد علشانك

،ماما قالت لي إنت تحب الأطفال إلي يقرون قرآن علشان جيه أنا كل يوم راح أقرى قرآن ،وقالت لي

بعد الي ينام مبجر يحبه بابا زايد بس أنا ما قدرت أنام عشان قالو لي انك رحت عنا ،يلست أفكر

وأفكر وايد لين ماتعبت ورقدت وحلمت إنك معانا تضحك وتلعب وتلون معانا ،حتى سألتك وقلت لك

بابا إنت مو ميت ؟ قلت لي لا أنا معاكم أنا أحبكم ،كيف أتركم ؟



رحمة الله عليك يابوي زاااااااااااااايد...حتى الصغير يفتقدك..

فديت الياهلة .. شوفوو براءة الاطفال بهذي الرسالة ..^^

واتمنى كل شخص يقول لي شعوره بعد ان قرى الرسالة ..!!
:sm78::sm78::sm78::sm78::sm78::sm78::sm78::sm78::sm78:

والسموحة ..!!

اللــــــــــهـ يرحمهـ و يسكنهـ فسيح جناتهـ يارب العالمينـ

أحيد يوم كنت بالأبتدائية كنت أقولها يوم مرت ذكرى وفاتهـ

و مشكورة الغلا ع الموضوع

زايد راح عن هالدنيا لكن باااقي فينا وفي امتنا العربية والاسلامية
والله يرحمه ويسكنة فسيح جناته والصغير قبل الكبير يحبه الله يغفره ان شاء الله

مشكوورين ع المروور