قصيده حزينه ..لولد امه توفت

شاب لن أقول أنه (عاق) لوالدته لكنه من المؤكد أنه (غير مطيع)
وذاك يتضح من قصيدته الحزينة جداً ...
هو أيضاً متهور في قيادته .. تعرض ذات مره إلى حادث وكانت معه
أمه فتوفيت وبقي هو علي قيد الحياه وكتب هذه القصيده :

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني


وانا ابكي واتنهد وارسم بالحزن لوحات

يجبروني عشان امشي ورجلي ما تمشيني


قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني


وكنه حلم قدامي يقيدني من الصرخات

ابي اصحى ولكن مالقيت اللي يصحيني


فداك القلب يايمه ومهما قلت من كلمات

صغيره في كبر حقك بس اتمنى تعذريني


نهبت الفرحه من بيتي صحيح اني خسيس الذات

صحيح اني ولد طايش وكل ما أسمعه فيني


تجول عيونهم فيني تفصل مني قياسات

وتشيح وجوههم عني وكني غيرت ديني


يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني


نقص قدري بعد موتك وغابت نشوة اللذات

وصار الهم عكازي اباكيه ويباكيني


عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني


يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني


يايمه ما تحملهم يقولوا فات ما قد مات

تعالي غيري هالقول واطيعك باقي سنيني


واترك عادة التدخين وانفذ ما تبي بسكات

واصلي الفجر في المسجد قبل منتي تصحيني


يايمه ارجعي تكفين وطفي شمعة الآهات

ابيك انتي ولا غيرك على موتك تعزيني


وضميني وداويني مثل ما كانت الهقوات

ما ابي احدن يواسيني ابيك انتي تواسيني


دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

منقول

مسكين والله ..
حالته يرثى لها ..
الله يصبر إن شاء الله ..
والله يرحم أمه إن شاء الله ...

تسلمون على المرور

...( اللهم ارحم موتانا وموتى المسلمين
واجمعنا بهم في جنات النعيم ).... آمين

قصيده مؤثره والندم واضح فيها

مشكورة اختي....وتقبلي مروري

شكرا على التواصل يا اخوي فارس القوافي

مسكين حاله والله..

الواحد ما يحس بقيمت الشي الا اذا فقده...الله يصبره..ويرحمه والدته...

يسلمو ع النقل,..

الله يرحمها .......

والله يعينه ويغفر له ...

احزني صراحه .....

مشكورين على النقل

الله يرحمها ويغفر لها يارب...ويرحم جميع أمواتنا وأموات المسلمين يارب العالمي..واهدنا واهد شباب وفتيات المسلمين يارب...

الله يرحمها ويرحم امهاتنا اجمعييين...

قصيدة حزييينة وكلماتها مؤثرة..