نظام كلين9 لتنظيف الجسم من السموم و انقاص الوزن

السلام عليكم و رحمة الله و بركاته
شحالكم و شخباركم؟

هذي أول مشاركة حقي هني، مع العلم أني متابعة للمنتدى و لكل المواضيع بس ما سجلت إلا اليوم
لأني حابه أعرض عليكم تجربتي لـ استخدام منتج اسمه كلين9 و هو من منتجات شركة فوريفر ليفنج
و هو على أساس منتج صحي و أمن لتنظيف الجسم من السموم و انقاص الوزن
على هالاساس خذته و قلت بجرب، لأني ما أشجع و لا انصح حد يأخذ حبوب تخسيس من أي شخص و من غير استشارة طبيب
صح أنا خذته من تاجرة بس اللي طمني أكثر و خلاني اشتريه منها أنه طالع ب اسم شركة و هم موجودين عندنا ف الإمارات
و عطتني نظام غذائي و قالت بتم متابعة معاي يوم بيوم ان شاء الله

هذا كلام عام عن الموضوع، و راح أكتب لكم شو هالنظام و شو مكوناته و كم وزني أناا و كم اطمح أوصل له

أبي متابعتكم و نشاطكم معااي و تشجيعكم لي
أبي اتحمس أكثر و أكمل ألنظام و أوصل للوزن اللي أبيه يااااا رب


#يتبع

مساكم الله بالخير

اسمحوا لي كتبت موضوعي الصبح و بعدين انشغلت و ما قدرت اكمل لكم

اول شيء بقول لكم عن وزني و ظولي و قصة زيادة وزني

زيادة الوزن بدات من المرحلة الابتدائية، و كملت معاي لين بعد الثانوية و تخرجت و وزني 88كيلو
بعد التخرج بسنتين طبعا زاد وزني أكثر لين وصل 110 كيلو
و بعددها قررت إني اوقف هالمهزله ههههه و انقص وزني و استعيد رشاقتي اللي فقدتها من طفولتي خخخخخ
بديت بنظام غذائي و قللت اكلي و صرت امشي و اسوي ايروبيك و خلال فترة ما اذكرها نزلت وزني و وصلت لين 75 كيلو
الحمدلله ما راح تعبي على الفاضي ، صج استانست و فرحت بشكل جسمي اليديد
و اخيرا طلع لي خصرر:shy:
و يانا رمضان و وقفت النظام الغذائي و وقفت رياضة، و بعدين صرت ما اسوي رياضة وايد، و لخبطت في اكلي و رجع وزني يزيد مرة ثانية
و من فترة قلت اني لازم انزل وزني الزايد و اهتم بصحتي اكثر و ما اخلي وزني يزيد مرة ثانية
و على هالاساس قلت ابي شيء يساعدنس على هالشيء
شفت اعلان كلين9 من عند تاجرة و عطتني كل المعلومات عن هالمنتج و النظام
توكلت على الله و خذته و اليوم بديت فيه و كان اول يوم لي
بقول لكم شو المكونات و شو النظام و جدول اكلي خلال هالنظام بس ابي مشاركتكم و حماسكم معاي و تشجيعكمم

و بخصوص وزني و طولي قبل بداية النظام هو
وزني 91.8 كيلو و طولي 165سم

و الله يصبرني و اكمل و اوصل للوزن اللي ابيه
دعواتكم

#يتبع

اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ