ليش مهرجان عوافي السنة الي طافت احلى من هالسنة...~

f[align=center]
السلام عليكم اخواااني...

طبعا اغلبنا زار عوافي هالسنة ولاحظنا امورر وايد متغيره ...

انا عوافي هالسنة ماعجبتني مثل السنه الي طافت ..,

اول شي ببدأ بحلبه الاستعراض ليش مخلينا يومين بالاسبوع ومب مخلينا كل الاسبوع ,وطول الاسبوع الواحد لو يدش عوافي (قصدي الشباب)شو يسوي ملل بالقو, وغياب دوري كره القدم هالسنة..

ثاني شي القريه التراثيه ,هاك اليوم بغيت ادش واثنين من ربعي قالي الشرطي الي عند الباب ممنوع لازم عائله قتله ليش شو السالفه قالي مايستوي قتله بنطالع وبنتمشى قالي لا لازم وياكم عائله قتله والي ياي من دبي ولا من مكان بعيد شو يسوي ,,وبعد فعاليات القريه التراثيه مب كل يوم ليش ؟؟؟هاك السنة كانت روووعه يوم كان المذيع الممثل صلاح الملا كان مسوي جو حلو ..

ثالث شي ..مالاحظتو هالسنة قلت فعاليات المسرحيات والمغنيين؟؟ السنة الي طافت كان عرض لمسرحيتين (البحرينيه: اش ولا كلمه) (الكويتيه :حاميها حراميها مال طارق العلي)) اما هالسنة ولا مسرحيه فالموسم الا امسات شفت اعلان مسرحيه سعيد بتيجا والي هى ( عائله خمس نجوم) وبعد اعتزال الوسمي مابقى الا عبدالله بالخير ,اما السنة الي طافت كانو مغنين واايد منهم فرقه الاخوة ويسوف العماني واليازيه وغيرهم والشي الي استغربته كثره الاعلانات عن ( انتظروا جديد مسرح عوافي) ابا اعرف شو الجديد الي استوا ...

ولاتقول انا تكلمت عن سلبيات عوافي هالسنة وبنسى الشي الحلو فيها :

فمثلا الامن وكثره الدوريات يخلي زائر عوافي يحس بالطمأنينيه ولا يخاف من اي شي , القريه الحيوانيه شي حلو وفكره حلوة جذبت العديد من الزوار ,, و ملعب البينت بول وايد عيبني بس دوري كره القدم كان احلا,كثره الكابينات المخصصه للأكل والشرب بعد كانت فكره حلوة ....

وبس ها الي كان فخااطري وقلته والسموحه وانتظر تعليقاتكم....~
[/align]

هيه والله ياخووي صدقت،،،أنا كل سنه يوميا موجود بعوافي وهالسنه ماخذ إجازه بس عشان المهرجان لكني مارحته غير مرتين لأنه بصراحه كان ملل مب مثل كل سنه وإن شاء الله السنه اليايه يكون أحسن

اما انا بصراحة من ما بدا المهرجان ما دخلت عوافي ولا مرة الى الان
ماعرف احس بفوضى وزحمة ورفع ضغط ووايد اشيا غير رغم ان الامن موجود بكل مكان
لكن ماعرف

الصراحه كلامك صحيح 5% عن موضوع الاستعراض الحر قصدي التفحيط القار ما بدلووه كله حفر سوو اسمنت والشباب يفحطون وجلعووه والحلبه لازم تكوون من يوم الخميس حتى السبت ولازم الحلبه تفتح من الساعه3:30 حتى الساعه 11:30 وبعدها استراحه وتبدأ من الساعه 12:00حتى الساعه 2:00 وينتهي كل شي والشباب يستانسون وفي شباب يصفوون الطابور ما يصولون عند الحلبه وتصكر الساعه ثمان ويقولون لهم تعالو باجر والله مساكين وعن موضوع الفعاليات اشكر رااك اف ام واشكر المذيعه منيره البلوشي ما قصرت سوت جوو من بداية المهرجان وانشاء الله بتشوفون فعاليات جديده مع الايام بس بعد برجع بقولكم المهرجان هاي السنه صح غير شوي تراا كل شي يتغير والقوانين تتبدل وعن القريه استوت حق العائلات لازم تراا الشباب يسيرون اهنااك حق البنات وحق الغازله بس مب كلهم اكثرهم وعشان جي خصصوو يوم برووحه حق الشباب ويوم بروحه حق العائلات
اخوكم شقاوي رااك

اصلن اللي مخرب عوافي ( كثرة العزب )

عنبوا حتى الرمل يا دوب نشوفه .. واذا شفناه بكون مديوس بالمواتر ومتيبس !!

فاتمنى انه تعدل منطقة ويتم بناء العزب فيها وتكون بصوب واحد مب منتشرة بكل بقعة ؟؟!!

شكراً ع الموضوع

تســـلم اخوي ع الموضوع

كل يقول هل السنه غير هب حلوه وايد
معني الصراحه ما رحتلها لاحد الحين

الحمدالله ع كل حال

تسلم ع الطرح

الله المستعان
الحمد الله ع كل حال
شكرا لك ع الاستفسار