مــالكم نفس للمذاكرة...دشوااااا

السلامـ عليكمـ ورحمة الله وبركاته..
حياكمـ الله اخواني وخواتي..

حيا الله اللي نفسيته تعبانة http://suae.net/vb/images/suaeae/1577_1186768770.gif،
واللي ماله بارض يذاكـر ،
هلا بالطلبة الطموحين ، المتفائلين ..

تهيئة النفس للمذاكرة.. ..

ج. - فكـر بآخر يوم للأمتحانات.. اليوم اللي بتكـون فرحان فيه لأنك أنجزت إنجـاز كبير..
12 سنة دراسة ، تحملتها بكل ما فيها من تعب ومشاق ، أخلصت دراستك فيها للرحمن ،
حلمـ الجنة يراودك لأنك على يقين بأن
" من سلك طريقاً يلتمس فيه علماً، سهل الله له طريقاً إلى الجنة "
حلمـ التخرج شاغل نفسك.. فرحتك وفرحة أهلك وربعك والعالمـ كله..
آآه.. يا حلاته من إحساس والله

- تخيل الشهادة.. درجات الامتحـان.. معدلك.. نسبتك..
كيف حابها تكـون.. خمسينات يعني ع الحافة..
ولا ستينات والكل يقولك ناجح بالغصب..
ولا سبعينـات وتحس بتقصيرك..
ولا ثمانينات ويقولون لك لا باس
ولكن تظل التسعينـات أحلى بواااايد..
جـاوب نفسك بنفسك.. وقرر أي منهمـ بتحلي فيها شهادتك


- الحين قوم صل ركعتين.. ادع الرحمن يفتح عليك..
اقرا صفحتين من القرآن.. بس لا تخليها قراية عادية..
الحين كل شي تسويه لازم يكـون غير.. بنفسية غير..
وله طعمـ غير.. أحلى عن كل مـرة.. جرب بنفسك..

- جهـز الكتاب اللي حاب تستفتح به + قلمك الرصاص + دفتر للمراجعة
+ أوراق الملخصات والامتحـان ، اختار لك مكـان مريح..
بعيد عن أي إزعاج.. لا تختـار مكـان فيه سرير ، أو تلفزيون مفتوح..
ما بقولك اسجن عمرك.. ولكـن بقول هيء لك الجو المناسب المريح للمذاكـرة..
المريح للوصول لنهاية سلمـ الدراسة.. بعد شهور وشهور من تقارير ومشاريع وامتحـانات شفوي وتحريري و و .. عاد ما بنطول القصة.. لأن الكل حفظها

- افتح الصفحـة الأولى.. اقرا واقرا.. حتى لو حسيت انك تقرا " هـوا"..
يمكن تستغربون من الكلمـة.. بس البعض يقول أقرا وأحس ما يدش براسي شي..
شي طبيعي.. مقدمـات حتى تدشون في جو المذاكرة الحقيقة..
لا تهد الكتاب.. كمـل.. وحاول تتذكـر الورقة الامتحانية.. وحط عند كل فقرة تقراها سؤال متوقع..
كمـل المشوار.. ريح بس عقب ساعة من المذاكـرة أو ساعتين حسب مدى تحمل مخك للمادة اللي تذاكرها...

- اكتب في صفحات الكتاب ، النسبة اللي تحلم بها ، ارسمـ وجوه متفائلة ،
كلمات تبعث في نفسك التفاؤل ، الاستمراية ، الأمل..

- إذا حسيت بالرقـاد.. ريح نفسك خمس دقايق بس.. اشرب لك شي، كل شي "خفيف"
بس لا تدلع نفسك:sm142: زيادة لأنها بتزودها وبيضيع الوقت منك..

ختامـاً.. بقولكمـ سكـرو المنتدى وانتبهوا للمذاكـرة..
عنـاء اسبوعين بيفرحك أيام وسنين وبيحلي إجازتك الصيفية..
إخوانكمـ وخواتكمـ في المنتدى يتريون نسبة حلـوة ،
ربعكمـ ، أهلكمـ ، وفوقهمـ كلهمـ أبهاتكمـ وأمهاتكمـ..


(((أتمنـى لي و لكمـ التوفيج من كل قلبيhttp://suae.net/vb/images/suaeae/a040.gifhttp://suae.net/vb/images/suaeae/a040.gif)))

تسلمييييين اختي ..بس ربع ساعة راحة عقب بروح براجع .. *_^

تسلمين بس اللي في الجامعه شو يسون

الله يوفقج ويوفق كل بنات الثانويه العامه وان شاء الله نسمع النسب اللي تبشر بالخير

ومشكوره وانتي بعد سوي جيه

شكرا لج ... بس خلصت الراحة هه الحين بروح اكمل مذاكرة ...

تسلموووون ع المروور و الله يوفق اليميع