.+ ياخي حتى قصيدك ،،بديت أملهـ +.

احمـ احمـ ،،

<< طبعا انا مب شاااعره ،، بس اعشق الشعر واتخبل عليه

وهذي بعض الشاخبيط اللي خطيتها ف الفتره الاخيره

وحبيت اسدحها لكمـ وان شا الله تنال اعجابكمـ

+++

بسك جذب ياللي بصدك تماديت ،،

قلبي غني عن حب ن غداله عله ..


لوٌل احبك وان غبت عني ترجيت ،،

والحين زمان الحزن والبكا ولى ..


بسك فديتك قسم بالله اني مليت ،،

اتضحكني والله يوم دمعك تهله ..


تعتقد بتأثر وبسامحك لو بكيت ؟!

لا عيوني ترا غرامك نسيته كله ..


لا عاد تترجى وتغريني بكم بيت ،،

ياخي حتى قصيدك بديت امله !!


لا تفتكر من بعد هجرك انتهيت ،،

اصلا احس الفرح توني ادله ..


أوه سوري شكلي بكلامي تماديت ،،

شسوي حبيبي بطبعي ماحب المذله ..


اشق ضلوعي واعق قلبي لو دريت ،،

انه يخونني لو هو قاصد او زله ..


اوعدك بتتمنى اتكون شرا الميت ،،

وسيف موتك بيدك انته تسله ..


انا يا فلان لو من غالي تأذيت ،،

ابكل بساطه غلاه من قلبي اشله ..


وشلون وانته بقدر نعالي تساويت ؟!

شرااته ادووسك يا من غدالي عله ..

+++

ادري الاوزان مكسره ومخربطه ،، وهذي مجرد محاوله

واتريا اراءكمـ وانتقاداتكمـ لانها بتفيدنيـ .. :brows:

والسمووووحهـ ،،

"لا عاد تترجى وتغريني بكم بيت ،،

ياخي حتى قصيدك بديت امله !!

لا تفتكر من بعد هجرك انتهيت ،،

اصلا احس الفرح توني ادله

ماشالله عليج ........عجبني احساسج وبالتوفيق

انشالله ولا تحرمينا من كتاباتج



أخــــــوج
فارس القوافي

وشلون وانته بقدر نعالي تساويت ؟!

شرااته ادووسك يا من غدالي عله

بل بل شكلج حابه وعايفه الحب مره وحده

بس وايد حلو القصيده ونتريا يديدج

بس عاد مب نعل وحاله نبي شي فيه حب

أنا ما أعرف بالقصيد وايد بس أن شاء بالتدريب والتعلم على فنون القصيد بتصيرين شاعره متميزه،
الله يوفقك ويسر أمورج يا أختي ملاحظه (القصيده قويه شوي ) يمكن هذا يدل على شخصيتج الجريئه،
والسموحه منج.

صح لسانج ولا هان منطوقج
قصيده جريئه وتعبر عما بداخلك...

المعنى واضح ..... والوزن يبيله شوووي تمرين...

لكن أنا أسميه إبداااااع وإلى الأمام دائما

ربي يحفظج
هههههههه
ما ادري احس الكلام وايد قوي
خلج جي قويه ما يهزج ريح
ههههههههههه
اتريا يديدج

صح لسانج ..



اشق ضلوعي واعق قلبي لو دريت ،،

انه يخونني لو هو قاصد او زله ..
سلامة ضلوعج بس إنتي ...