الـلــعـبـة
سامحيني .. خانتك نظرة عيوني يوم شفتك
للأسف لحظة لقانا كنت أظنك شخص ثاني
جت عيوني في عيونك .. صدقيني ما عرفتك!
أعتذر قلبي تغـيـر .. مثل ما قلــبــك نساني
التقينا ومالتقينا .. كفي بـكـفـك .. لمسـتـك
لكن شعوري تبدل .. أعترف غيرك خذاني
ما ألوم اليوم نفسي .. لو بنسياني جرحـتــك
ما بقالي منك ذكرى غير جرح في كياني
كنت أنا طفل .. وكنتي لعبة يا كم عشقتك
كانت دموعي تصبب لو يخبونـــك ثواني
أشكي من فرقاك وإنتي جامدة في ثوب صمتك
لعبة ما يــــوم حســـت في معاناتي وحنانــي
من طرف واحد هويتك .. حلم أيامي رسمتك
وأثرني مخدوع لما ,, كنت أظن قلـبـك مكاني
سامحيني .. واعذريني .. لو صرختي وما سمعتك
للأسف صوتك تغير .. صرت أظنه صوت ثاني!!
دمتم بود
