[align=right]السلام عليكم..[/align]
[align=center]
من جم يوم وصلني عتاب لطيف من أخت عزيزة تقول (أنها لا ترى الأغين إلا في حدود مجلسها) << اللي هو القلم المبدع!!
[ ابتسمت هناك لصفاء القلوب ورقة العتاب :) ]
وقررت أن أجوب في أرجاء المجالس!!
وأنزل جم موضوع غير اللي تعودت عليه << وطبعا أجمل بداية تكون عند الأكل :aa_Popcorn:
وحسب معلوماتي الريال إذا يشوف مرته تنش من الفير وتخبز الخمير يقول عنها والنعم!!! يا زين ما تزوجت.. شيخة الحريم!! >> وأول ما يظهر من البيت يطالع اللي تمشي بالمول والميك أب تارس الويه وبخاطرة يقول (يا شين اللي عندي في البيت!!)
المهم ما أريد أطلع من الموضوع الأساسي..
يالله يا بنات المنتدى قصوا أظافركن !! >> بلا منكير بلا خرابيط
ويالله جدامي عالمطبخ! >> أدريبكم مش فالحات إلا بتقطيع السلطة
وتعلمن طريقة عمل (خبر الخمير)
أولا: مكونات العجين (طبعا الطريقة مسروقة لاني وببساطة أكثر شي اعرف له اني أصور وآكل:waaaw: )
المقادير :
جيلتيين طحين رقم ١
ملعقه صغيره من الخميره
نص ملعقه صغيره من بيكينج باودر
فنجان سكر
فنجان سمن
ذرة ملح
القليل من الزعفران
٤ ملاعق حليب نيدو باودر
ماء دافىء للعجن
ألحين شمري عن ساعديكِ ..
هذي الخطوة يبالها قوة جسدية الصراحة!!
نخلط جميع المقادير مع بعضها البعض مع اضافة الماء الدافىء حتى نحصل على عجينه متماسكه ولزجه بعض الشيء، وتترك العجينه لمدة ساعه في مكان دافىء حتى ترتاح ويتضاعف حجمها.
61...872b38fa4d.jpg
وكل ما ضربتي العجين كل ما صارت أحلى!! >> تنفع للناس العصبية اتظهر حرتها بالعجين
واللي ما تعرف تخبر الوالدة تساعدها :sm122:
بعد ما ترتاح العجينه
كوريها كور متوسطة نوعا ما!! شرات اللي بالصورة
61...c510b693ae.jpg
بعدها أفردي الكور حتى يصير شكلها شرات الخبز >> شو هالوصف :sm86: شوفوا الصورة أحسن!!
61...da5e3a6f1f.jpg
61...afbdc1ec87.jpg
وطبعا لو كنتِ ربة بيت ممتازة بتنشين الفير وبتزمرين اليمر وتخبزين عليه الخمير << شي جهاز كهربائي لكن عاليمر طبعا غير!! ولا شورايكم؟؟
عموما ضعي العجين المفرود في التاوة مال الخمير (شكلها دائري مسطح)
وخليها لغاية ما تحمر من الأسفل!!
61...4afa408a3c.jpg
أقلبيها عسب تحمر من فوق!!
61...7df13ccf6d.jpg
وأول ما تحمر أرفعيها من النار بسرعة >> انتي وشطارتج.. وأغلب الظن انها بتحرق !!
61...03c983d783.jpg
بعدها باستخدام (الملاس) شيلي الخبز !!
61...534b012316.jpg
ولو كانت مهارتج عالية استخدمي أكثر من تاوة >>لانه ياخذ وقت وايد !
61...609d069a8d.jpg
ادهني الوجه بالسمن!
61...ffe998b982.jpg
61...a1e0a865e9.jpg
وتقدم ساخنه مع العسل أو الدبس
61...e731477c1c.jpg
وعليكم بالعافية ..
[/align]
[align=left]
الأغين
1-6-2008
[/align]
