القلب ضايق من الهجران وأشواقي
والعين تبكي ولا صاحب يواسيها
اشكي مصابي ولا هوب من اخلاقي
لكن ضيقتن غرتني حيل اشكيها
من بعد ما هبت بنا هبوب الفراقي
ورت في جوف العنا نيران تصليها
يا عونة الله من اللي يبري اعواقي
يشفي جروحن بي الخافق يعانيها
اسهر بهمي وهمي صار تواقي
لحروفن دفا الاحساس كاسيها
غصني تيبس وطاحت كل اوراقي
عورة هموم الصدر مارمت اغطيها
السعد قفى وترك عمري الباقي
ما بين سقمي وضيقتن ما ادانيها
يوم انه الغالي المخفاي باعماقي
وجب عليه دموعن قمت اداريها
أزرع حضوره ولا اجني سوى اشواقي
لان الغياب اصبح لعيني موانيها
نورس حنين وغراب البين نعاقي
والله يسلم همومي وش تاليها
م
ن
ق
و
ل
