رد على قصيدة السعودي اللي تطول على شعب الإمارات

السلام عليكم ورحمة الله وبركاته

حبيت أرد على السعودي اللي سمى نفسه " حزن "

واللي تطاول على شعب الإمارات بالكلام القذر

بقصيده بسيطه تبين أخلاق الإماراتيين

أخليكم مع القصيده

رد إعتبار

دشنت جيش الشعر بالقاف تدشين *** صوب الحزن يا ناس باشن غاره

إدرس موازين الشعـر قـبـل لا تـهين *** ومن قبل لا تلفظ بأية عباره

سبيت شـعـبٍ بالمراجـل سـلاطين *** رابي على العزه وكله طهاره

يشهد له الـخـالـق وكـل الـبـلادين *** حشيم ولا له في معاني القذاره

حنا شعب لـخـلاق والـنـور بالـدين *** والمتقي عند الله فاز بجداره

وقدر السعوديه على الراس والعين *** هي راية الإسلام وتحمل شعاره

دارٍ بها الأجواد وكلهم مسلمين *** أرض المحبه والكرم والحضاره

ومعروف أبو نوره ولا يريد تبيين *** منك ولا أنته تعيش في وسط داره

تخسا تكون منها يالواطي الشين *** إنته لقيط ولا لك إبها سفاره

لأن العفايف ما يخلفوا شياطين *** وإنته نسل إبليس وتشب ناره


وسوالم

وقدر السعوديه على الراس والعين *** هي راية الإسلام وتحمل شعاره
الله يصح لسانك.. مع العلم اني سعودي. فانا ايدك في ردك عليه
وليش ماقلت
مسكين تحسب من حساب المساكين=تاقف على البيبان تبغى الطراره

السلام عليكم ورحمة الله وبركاته

يعطيك العافية ع الرد الغوي شراتك

أترقب الزود من صوبك

صج ما سجلت صوتك وشعرك

شاعر نبيل احسنت بردك
هكذا الشعر والا فلا
خلق وحكمة ودراية
سلمت يمينك

الشاعر/

صح لسانك ..

رد جميل ..

وبالنسبة للشاعر حزن فتصرفه تصرف فردي لا يمثل الشعب السعودي أبدا ..

و سنبقى اسرة واحدة مهما حصل ..

شكرا لقلمك..

صح لساآاآاآاآاآاآاآاآاآاآاآاآاآاآاآاانكـ ياآ الشآآعـــر ..

الشآآاعر الي قاآل القصيدهـ لناادي آلوصــــــــل .. عسب خسروا في مباراآة النصر السعودي ..

صح ولاآآ ؟؟ << أدري خخخ .. ~

فعمم السب كلهـ للإمــــــــــــاآآرات .. :aa_Sanson:

يسلموووووو أخووي ع القصيدهـ الرووووووووووووووووووعهـ ..:yjanan:

تسلمون وما عليكم زود

هذي القصيده حبيت ابين فيها لكل واحد سعودي كان أم إماراتي

إن الرد يكون على الشخص نفسه مب على شعب بأكمله

يعني إذا غلط واحد من سين من العائلات ما أعمم غلطته على العايله كلها

هذا أكبر غلط

والإنسان ميزه رب العالمين بالعقل

((وإذا خاطبهم الجاهلون قالوا سلاما))
صدق الله العظيم

والمثل يقول: وإذا إبتليت بجاهلٍ كن أنته العاقلُ

صح لسانك يالشاعر ..
الشعر اخلاق وفن ياليت يتعلمونه منك ..
ومثل ما يقول الشاعر :
اذا اتتك مذمتي من ناقص ... فهي الشهادة لي بأني كامل
(والكمال لله)

تسلمين يا تفاحة آدم وما عليج زود

هذا من ذوقج وطيبج