يوم حب ((الحبسي)) ج ((1))

بسم الله الرحمن الرحيم الحمدلله رب العالمين حمدا كثيرا طيبا مباركا فيه كما ينبغي لجلال وجهه وعظيم سلطانه والصلاة والسلام على خير الخلق اجمعين سيد الاولين والاخرين ورحمة الله للعالمين سيدنا محمد صلى الله عليه وسلم اما بعد
بطل قصتنا رجل من سادات العرب عاش على ارض الامارت وهو من امارة راس الخيمة ويقال من الذيد والله اعلم بالصواب وصاحبنا من البدو الرحل وهو رجل يكنى بو حميد وفيه تجمعت كل صفات الرجل من كرم وحكمه وعزيمه وشجاعة امه اسمها شما وله اخوين راشد وسعيد وصاحب قصتنا اسمه محمد وينادى حما وعمره 20 سنة وهو خيال يحب الخيل ويحب القنص وله خيمه كبيرة ينصبها دائما على الطريق التجارى بين الامارات حيث يكرم الذاهب والاتي خرج محمد مع صحبته الى خيمته الكبيرة واخذ يتسامر مع اخوته واصدقائه فقال علي شو رايكم باجر نروح للقنص رد محمد ونعم الراي تم عاد بعدها الى البيوت وكانت شما تخبز فجلس محمد بجوارها ناصبا عصاه في وسط رجليه قائلا السلام عليكم ردت امه وعليكم السلام هلا بمحمد شحوالك وشخبارك محمد : الحمدلله بخير ولله الحمد انتي شخبارج شما : الحمدلله يامحمد انت خبرني ما ان الاوان ؟
محمد : اوان شو يا امي ؟ ردت اوان اني افرح بيك مثل ما فرحت باخوانك محمد : تو الناس يا ماي يوم الله بيريد كل شي بيستوي ردت شما بشي من العصبية خل عنك هالاعلوم وانا ابغي افرح بعيالك دام انا حية محمد الله كريم ياامي الله كريم وبعدين انا للحين ما حصلت اللي ارتاح لها
شما شو هالكلام اللي ماله معنى اكن وايد بنات عمك وبنات خالاتك واخوالك مكثرهن يا اميه انا ابا وحده احبها واعيش وياها عمري ما ابغي وحده اتزوجها علشانج ولا علشان اراضي ابوي
شما انته هاجي بتم عنيد وراسك يابس ؟وفي وسط هاحوار دخل الاب وشكله معصب سلم عليه محمد وقال ما من شر بوسعيد شكلك غريب اليوم قال اليوم توفى عندنا واحد الله يرحمه شيخ من شيوخ الجبل والبر رحمة الله عليه وباجر بيندفن رد محمد عيل واجب نشارك في جنازته قال الاب اكيد ما تبا مشاوره ؟
اصبح الصبح ومع بزوغ الانوار تحرك موكب جنازة الشيخ علي الى مثواه الاخير وفي المقبرة حيث ووري الجثمان الورى اخذ الجميع يعزون اله وذويه واذا برجل كبير في السن قليلا يسلم على بو سعيد ليعزيه فلما رفع بوسعيد عينيه وشاهد الرجل سحب يده وكانه سحبها من امام عقرب واقفل راجعا وابنه يلحقه يكاد نعله يتمزق من سرعة مشى الابن ؟
فلما عادل ابيه اخذ يساله وهو يلهث وش الخبر بوسعيد ما من شر رد الاب الشر بعيد مهناك شي محمد كيف مهناك شي وانت مثل اللي شاف يني الاب قلت لك مهناك شي ؟ محمد زين خبرني منو الريال هذا الاب مالك شغل ثم مشى الاب وكان محمد جمد في مكانه يشاهد والده وهو يختفي من امامه وعاد محمد الى حيث العزاء وكان عينيه تبحث عن شخص فجلس بجانب احد معارفه كبار السن ولاتزال عينيه تلف وتبحث حتى وقعت على ذاك الرجل فكان اول سؤاله لابن عم ابيه بوسالم بوسالم شو فيك حما تبا شي ؟ هيه خبرني منو هالريال اللي واقف حذا بوسيف بحلق شيبتنا ومسح عينيه وكانه ينظف العدسات فاخذ يقرب رقبته ويبعدها وكانه يضبط الصورة فقال ها غريبه والله غريبه هذا جنه بوحسن !! رد محمد بوحسن من رد الشيبه بوحسن امممممم
انته صدق ما تعرف منو هالريال؟ لا ولا ابوك قال لك محمد لا والله ليش من هالريال وش قصته رد بوسالم والله يابوي مدري وش اقول انت ما سالت ابوك قال محمد ما رد على وعصب ؟ هيه يعني بعدها الحرة محمد اي حرة وش هي السالفه قال بوسالم سر استخبر خالك احسن ؟ قام محمد وحاول يوصل لخاله ما قدر المهم عاود صاحبنا لبيته وهناك حصل ابوه يالس تحت النخله وقهوته عداله وشما يالسه سلم محمد ويلس ببرد ابوه وكانه في خاطره انه ابوه يخبره باللي صار وبعد دقايق التفت الاب الى ولده وقال تعرف منو هالريال اللي شفناه الصبح قال بو حسن هب الاب وكان عقرب تحته قال شو دراك باسمه قال بوسالم قال لى وش قال لك بعد خبرني قال ماشي والله يوم سالته قال اسال خالك احسن
قال بوسعيد اسمع يا محمد هالريال هو عبدالله اخوي ولد امي وابوي محمدشو عمي رد الاب هيه نعم عمك عيل عيل ليش جذي انته ببلاد وهو ببلاد وشو الخبر اللي يخليك تستغنى عنه
اسمع يا ولدي لاتسالني عن شي وخل الايام بتكشف لك الاخبار

شكرا ع الموضوع

شكرا على الموضوع بس انا فضولية وااااايد و أبا اعرف باقي الموضوع ممكن وهل الموضوع حقيقه ياليت يا ولد المطر ما اطنش ورد لو بكلمه علي تقبل مروري وفضولي اختك دلوعه اهلها احس ان الموضوع وايد قريب لسالفه تعرض لها حد اعرفه

الموضوع قصة حقيقية بس الاسماء غير والاماكن

السلام عليكم ورحمة الله وبركاته
متى بيكون الجزء الثاني لقصة الحبسي يا ولد مطر

السلام عليكم ورحمة الله وبركاته


قصه رائعه جدا اخويه

ونتريا الجزء الثاني بفارغ الصبر

تسلم

شكرا على الرد يا اخوي ولد المطر

يسلمــوو ع الموضـــووع ,,

وين النص الثاني يا ولد المطر بتريا واااااااااايد اسمحلي
لاني اترياك اتنزله بفارغ الصبر