هل الصراحة تعني الوقاحة؟؟ أبغي آراء

السلام عليكم ورحمة الله وبركاته
ما الفرق بين الصراحة والوقاحه ؟
هناك البعض يتصرفون بمنتهى الوقاحة
معللين ذلك بأنهم صريحين ،،
الصراحة شيء جميل
ومصارحة أصدقائنا بعيوبهم
أمر مطلوب وواجب ،،
لكن البعض ينتقد بوقاحة
وبطريقة فيها تجريح ،،
أنا هنا أتساءل ..
هل الصراحة تعني الوقاحة؟؟
هل يوجد فرق بينهما ؟
ام هما سيان؟
ألا يمكن للفرد أن يكون صريحاً
إلا إذا كان وقحاً لا يراعي مشاعر الآخرين ؟؟
هل يقصد بعض الاشخاص الوقاحة واسدال ستار الصراحة عليها؟
لماذا يتضايق البعض من الصراحة ؟؟
متى تكون الصراحة جارحة ومتى تكون كلمة حق
يجب أن نقولها؟؟
وهل يمكن أن نضع هاتين الكلمتين
في ميزان واحد ؟
مارأيكم؟


واتمنى ان يكون الرأي بصراحة

اشكرج ع الطرح الحلو ..

الصراحة مب وقاحة هذا شي والوقاحة شي ثاني يعني الصراحة يوم نعترف للشخص مع مراعاه الشعور عكس الوقاحة انه يفضح شخص ويهينه وبالاخر يقول هذي صراحة والحين وللأسف صارو يشبكون الصراحة بالوقاحة ما يدرون إن هذا شي وذاك شي..
واتمنى راي كان من حسن الظن ..

مشكورة إختي ع المرور

هلا وغلا اختي

مثل ما قالت الاخت الصراحه شيء والوقاحه شيء لانه يكون يتعمد يسوي هالشيء علشان يغيض الطرف الثاني
او يهينه او شيء
اما الصراحه شيء ثاني يا ما ناس تزعل من ان نكون صريحين مع انه بدوووون قصد
مثلا بالنسبه لي يوم اتكلم ويا ربيعتي عادي سوالف وضحك يعني انا ما احس بهالشيء
اما هي تزعل تقول ليش قلتي جي اقولها انتي شفتي شكلي معصبه ولا عادي مع انه صدق اللي اقوله

بس يالله


يعطيج العافيه اختي على الموضوع الحلو


ودمتي بحفظ الرحمن




بحر الذكرى



http://img515.imageshack.us/img515/5126/5116sy2.gif

اممم
انا اشوف ان بعض الاوقات تكوون الصراحه وقاحه

يعني ممكن تكون الصراحه وقاحه واتوقع في رابط بين الوقاحه والصراحه

وشكرا اختي ع الموضوع الاكثر من رائع

مشكورة إختي بحر الذكرى ع المرور الطيب
إختي قد الحب أنا وياج لأن في أوقات نحن ما نحتاج الصراحة
(أقصد فالأمور الشخصية) مثال عليه: لبسي مثلا إذا كان يرضي
رب العالمين ما يخص الناس كلحين يبدون رايهم فيه (رزه)..ماحد خذ رايهم
أشكرج لأنج نبهتيني لهاي النقطة

بسم الله الرحمن الرحيم
السلام عليكم ورحمة الله وبركاته

دايماً أسأل الناس شو اللي تفضله.. مجامله تضحكك أو صراحه تجرحك...
و طبعاً الكل بيقول الصراحه مهما كانت جارحه....

لكن الوقاحه ما يخصها فالصراحه... يمكن اسلوب الصراحه يكون ثقيل فبالتالي اطلقتوا عليه اسم وقاحه... ما عرف

و في بيت يقوله شاعر يعجبني...
" المدح لامن قيل في رجل يقول ولايطول=كنه مسبه بطريقه راقيه ومهذب"

الصراحه شي حلو.. و محتاجينه بجرعه زايده هالأيام... لأن المجامله و الكذب منتشر مثل المرض بين الناس... و الصراحه تكون بطريقه هاديه و بتفاهم بين الطرفين... لكن ما أعتقد ان الصراحه هي نفس الوقاحه أو بينهم صله...


و هذا اعتقادي الشخصي...
و سلامتكم

وزيرتنا الغاليه الصراحه ممكن تكون وقاحه اذا ماراعينا الشروط الواجبه فمثلا لازم نراعي شخصية المصارح والتوقيت، والخصوصيه، والاسلوب فلا يكون اتهام اختيار الالفاظ المناسبه، العبارات تكون لطيفه، والابتداء بذكر الصفات الايجابية والحلوة بالمصارح ليتهىء نفسيآ اثناء الحديث ذكر بما يحب لاشعاره بأننا نصارح بدافع المحبه عدم التعرض لما لايريد الحديث عنه
وعموما الصراحه راحه
واشكرك عزيزتي على موضوعك الحلو :ebdaa: