حلال على الهندي وحرام على شباب الدوله

مراااااااااحب

...شحالكم؟؟عساكم الا بخير..

هالموضووع قريته وعيبنية ونقلته وطرحته في هالمنتدى .. موضوع وااايد حسااس ..
هذا موضوع نبى نتناقش فيه ،،، انتوا اقروا وقولولي شو رايكم في هالبنت ؟؟!!
في الجامعة .. مجموعة بنات بيستخدمن المصعد .. وهن داخلاته .. لقو فيه واحد ...
اسمر .. لابس بدلة ... و واقف في المصعد ..
دخلو ...
وطاحت شيلة وحدة منهم ...... لكن ... ما عدلتها!!!!!!
خلتها طايحة ...
فالبنات يقولون لها :عدلي الشيلة وغطي شعرج ريال في المصعد !!!!!!!!!
قالت بكل لا مبالاة : عاااااااااادي ..... الا هندي !!!
وصلن البنات للدور اللي يبونه و وقف المصعد ..
التفت الريال للي طايحة شيلتها وهو ياي بيطلع وقال :
والهندي مش ريال؟!؟!؟!؟!
......... .... طلع دكتور مواطن عماني يدرس في الجامعة .. بس مب لابس كندورة !!!!
شو رايكم ؟!
ليش هذي النظرة للهندي على انه عادي مب شرط نلتزم قدامه وكأنه محرم .. اما المواطن حتى لو محرم فالمستحى قدامه يبلغ مداه وما تظهر ولا شعرة !!" مش دايما طبعا .. في ناس فاصخة الحيا واااايد " .....
شو سبب هالظاهرة ؟! ... او العادة؟!
من المسؤول؟! ... و وين بتوصل فينا؟!
حتى لونلاحظ في الاسواق تدخل البنت المحل وهي متغطية وتشيل الغشوة قدام الهندي ومن يدخل مواطن المحل ترد تتغطى
بذمتكم منو اللي بيخاف عليهااا اكثر هالهندي والا شباب الدولة ...

يلااااااا عاااااااااااد..اترياااا الردود

الله يهديها ..


واااايد ناس يسوون هالحركة ، حتى في سفراتهن ، بس خل يسافرون بلاد أوروبية ، بتشوفونهن فاصخات العبي حتى ..


الله يهدينا ويهديهم

هيه والله الله يهديهم مشكورة أختي ع المشاركة و مقصرتي

hg الصراحه وايد بنات يسوين هاي الحركات حلال للهندي وحرام للمواطن

الصراحه في الزمن في بنات رياييل( بويات) في الجامعه والكليات وبنات في البيت يا ترى شو رايكم في هؤلاء من البنات

شو الحل مع هؤلاءمن البنات؟

اريد الحل؟

اقتباس:

---

المشاركة الأصلية كتبت بواسطة ظبياني وحداني

hg الصراحه وايد بنات يسوين هاي الحركات حلال للهندي وحرام للمواطن

الصراحه في الزمن في بنات رياييل( بويات) في الجامعه والكليات وبنات في البيت يا ترى شو رايكم في هؤلاء من البنات

شو الحل مع هؤلاءمن البنات؟

اريد الحل؟

---

مشكور أخوي و ما تقصرت

أم بالنسبة للكلام إلي قلتها مب كل البنات جي صح نحن بنات الرؤية ما شيء بنت التسوى عمرها (بويه) الله يحفظنا أم بنات الجامعة فهذ مسؤالية الأهل هم لازم ينصحهم و و في شيء اسمه المحاضرات و الندوات و الإرشادات وبس أنروم أنقوله الله يحفظهم و يهديهم

عافان الله ..بصراحة مب الكل يصف بصفة الكمال ..:headphonedance:


اخوي إنت ليش ما تاخذ بواقع الحياة وكل كلمه قلتها يضحك ..اوكي

إنت تقول كل البنات يسون جي .. مب الكل ..صح ولا انا غلطانهـ

تراك تقول كل البنات .

تسلمين إختي ع الموضوع ..~

والله هالموضوع جدا رائع

صح في وااايد ناااس جيه اونه عشان المواطن يعني من نفس الجنسيه والهندي شو يعني يعتبرونه هندي مايهم

واذا على سالفه الغشوه من حقها والله يعني الهندي يمكن تبي اخذ شي منه او بتشتري ومارح تسولف وياه ولا تمزح

انا اشوف ان عادي الوحده ماتتغشى جدام الهندي يعني والله المواطنين عيونهم زايغه وتعرفون الشباب مال مغاول وهالحركات اما الهندي يحليله ما يقدر يحط عينه بعين البنت

هذا راي ويسلموو ع الطرح المميز

للأسف هذا هو الواقع حتى في سالفة الدريول والناطور وغيرهم مافي حيا أما خلهم يجوفولك مواطن قالن وابوي

وشكرا عالموضوع الراقي

ha ha ha

wl hndy mub ryal

kkkk

( bdo0n t3le8 )

-_-

rawi_rak

مشكورين ع الردود

صدقت أخوي بس لازم الإنسان المواطن يقدر الشيء

ويهـ !!

يعنيـ حضرتهـآ جدآمـ الهنديـ بتفصخـ الحيـآ . .

ولآ بتتحجبـ ؟؟

شو هالبنتـ عآفآنآ اللهـ !

الحمدللهـ انيـ فيـ كلآ الحآلتينـ أتغشــى !

تسلمينـ عـ الطرحـ ختيهـ ،،

الريال ريال وافد ولا مواطن ما شي فرق
وبعدين الله يوم أمرنا بالستر أمرنا نتستر عن كل الرياييل
ترى ماشي فرق .....الله يهدي كل البنات إللي جيه
وبعدين حلو إن الإنسان ينصح نحن مسلمين والرسول صل الله عليه وسلم قال (ماكان الرفق في شيء إلا زانه وما نزع من شيء إلا شانه ) يعني ننصحها و(الدين النصيحة ) وإذا ما سمعت الرمسه عاد هاييج الساعة تتحمل إللي بييها
وصلوووو ع النبي
اللهم صلي وسلم على سيد الخلق والمرسلين
^_^

ليش ماخذين الموضوع بضرابه
اولا الويه مب حرام والبنت تستحي من المواطن لانه نظرت المواطن بنظرها غير عن الهندي الهندي لو طالعها بترد عليه لاكن المواطن بتسكت عنه لانه بيزودها
بس اللي تطيح الشيله ها اللي يعتبر حرام انا شخصيا شفت نفس هالبنات الله يسترعليناو عليهن

مشكورة أختي ع الرد حلو

نفس الشي صارة لي سالفه مشابهه


ربيعي سار بيت مغربيه متجنسه فبوظبي تتحراه هندي يخلص شغله لها وهيه كانت طبعا طايحه عاينب وجنز ونص البطن طالع ومن قال لها ربيعي بيمر علي يساعدني قال لها انه مواطن هو وجان تسير تتلبس وتتستر


اقول ليش بلاه الهندي موب ريال ولا شو


والله كريم

ثانكس اختي ع الموضوع

ولا تعليق

صح السانك يالعنيد...

صح يعني البنت فاصخه الحيا

بس ليش يفرقون بين المواطن والوافد ترى كلهم رياييل


وعلى البنت انها تلتزم بدينها وتحافظ ع حجابها سواء كان جدام مواطن او وافد


والله سبحانه وتعالى حرم على البنت انها اطلع شعرها وعلى البنت انها تلتزم في هالشي

الله يستر عليهم

مشكورين و ما قصرتون

تسلموون ع المرووور وما تقصروون وعسااهاا دووم ها الطله

الحمدلله انه خواتي يتسترون لما يظهرن من البيت وهم من النوع اللي ما يسيرون الاسواق حتى انه يتبطل لغشاوه جدام الهندي ترى في الحالتين حرام كلهم رياييل وهذا يعتمد على تربية الاهل انزين يا ساحرة القلوب انتي تتغشين ولا

اقتباس:

---

المشاركة الأصلية كتبت بواسطة قلب اسد

الحمدلله انه خواتي يتسترون لما يظهرن من البيت وهم من النوع اللي ما يسيرون الاسواق حتى انه يتبطل لغشاوه جدام الهندي ترى في الحالتين حرام كلهم رياييل وهذا يعتمد على تربية الاهل انزين يا ساحرة القلوب انتي تتغشين ولا

---

أكييييييييد التغشى بعد شو في وحدة من طالبات الثانويه و ما تتغشى مستحيل
على عموم مشكورين وما قصرتو

[align=center]
‘‘ الســ عليكم ــلام ’’

أولا ً : أشكرج إختي ع الطرح المميز .. وفعلا موضوع مؤثر ,,,
قبل لا أتكلم بقولكم موقف صار لي .....

:sm121: أنا مرة كنت بمستشفى صقر وكنت طالع من الدور الأول للثالث وفي المصغد محد معاي إلا هندي ...
وقف المصعد ع الدور الثاني وكانت بنت وشغالة يبون ينزلون ... ماشافوني أنا شافوا الهندي إللي معاي ... أنا كنت واقف بالطرف عند ( الأزرار ) ....
المهم ... سـألت الهندي قالت له تحت .. قال : لأ فوق ...
المهم طلعنا ع الـ3 و نزل الهندي وأنا ماا نزلت سلمت الغرض للأهل كانوا ينتظروني عند الباب .. ونزلت ع طول ع الـ2 ....
البنت والشغالة واقفات ... قلت لـها ( تفضلي إختي ) ... قالت : لأ .. توكل .. وبصوت إحتقار وكانت نظرة جدا ً خااااااااااااااااااااااااااايسة ....
أنا سكرت الباب .. ونزلت ..

شو رايكم بالموضوع ...
يعني مع الهندي عادي ... مع المواطن لأ ؟؟
+++++++++
أنا ماأقول ولا أحكم ع الكل بنفس الطريقة ... بس ليش ... شو السبب ...
ياجماعه هذا شئ مب طبيعي ...

أوكي ...
ياإنج تفرضين إحترام الكل عليج .. ياإنج ماتسوين شئ يمسج ...
هذا الشئ يرجع لمنو ... التربية ( ماأظن ) ... الوازع ..( ماأظن )..
هذا أنا أشوفه إن بعض البنات بس ( يقلدن ) ... عادي .. عادي...
عيب عيب ... مو عادي مو عادي ... جي صااااااااارن ...

وأتوقع التقليد من الأجانب أو من البنات إللي مايعرفن الإحتترام ..
موضوع الشيلة والغشاية ... هذا طبيعي صاير..
يعني في نظرهم المواطن ( يبق بق عيوووونه ) والغير لأ ..؟؟

الله يهدي الجميع يارب ... ويصلح بالهم ..

السموحة منكم ... وهذا رايي الشخصي ...

بحفظه ..
[/align]

ههههههههههههههههههههه
بس أخوي لو كنت بمكان بنت بسوي نفس الشيء بتعصب عليك مب بس هي أو أنا كل بنات بسون نفس الشيء
لأنك مواطن

ههههههههههههههههههههـ..

قووويه منها .. حليله الريال شو هالتشبيه ..

ماعندي تعليق .. انا مااقول غير لهالبناات الله يهديهن ..

والسموووحه ..

اقتباس:

---

المشاركة الأصلية كتبت بواسطة ساحرة القلوب

ههههههههههههههههههههه
بس أخوي لو كنت بمكان بنت بسوي نفس الشيء بتعصب عليك مب بس هي أو أنا كل بنات بسون نفس الشيء
لأنك مواطن

---

‘‘ مربحـــــــتين ^^, ’’
لا والله ... يعني هذا سبب بالله عليكم ..

شو بنقول ... الله يهدي اليميع ...
يسلموا ^^

اقتباس:

---

المشاركة الأصلية كتبت بواسطة moon shadow

ههههههههههههههههههههـ..

قووويه منها .. حليله الريال شو هالتشبيه ..

ماعندي تعليق .. انا مااقول غير لهالبناات الله يهديهن ..

والسموووحه ..

---

‘‘ مربحـــــــتين ^^, ’’

انا أقوووووول ... الله يهدي اليميع ^_^

الريال ريال سوى كان هندي او سوري اولبناني او مواطن او غير هذة الجنسيات............والله يهدي بنات ادم وحواء..

تسلموون ع المرووور وما تقصروون وعسااهاا دووم ها الطله

اقتباس:

---

المشاركة الأصلية كتبت بواسطة -][ بُـوفـلاَن ][-

‘‘ مربحـــــــتين ^^, ’’

انا أقوووووول ... الله يهدي اليميع ^_^

---

لا تزعل أخوي السوالف

فعلاً الكلام صحيح مليوووون بالمئه...
لكن الله يهدي بنات دولتنا إن شاء الله...
وشكراً اختي ع الطرح الطيب...

تسلموون ع المرووور وما تقصروون وعسااهاا دووم ها الطله

الله المستعان

بصرايح العبارة

هذاااااااا نفاق

والله يهديهن

وفي شي يديد ع الموضه!!!!!!!!!!!!!!!!!!!!!!
شي منهن ويتغشن جداااااااااااااام حريم ؟؟؟؟؟؟؟؟؟؟؟؟؟
عرفتن كييف
يعني اذا شافت وحدة من معارفهن او اهلهن اتغشت ليش بتاكلها شووو؟؟؟؟؟؟ عا فانا الله

العقل نعمة



حلاته الالتزام ايكون داخل وبرا مب برا بس

يعني انا اخاف الله بالسر وبالعلن

الله يهديهم بس وفي بعد بناات بالبلاد هنيه يلبسون شيله وعباه لاكن يوم بيسافرون يفصخون العباه والشيله ليش يعني شو الفرق هنيه ولا هنااك عافان الله شو هالعقول الي فيهم الله يهديهم بس

تسلموون ع المرووور وما تقصروون وعسااهاا دووم ها الطله

وااايد من هالموقف اشوفه ف الجامعه و بما اني مستجده و ما اعرف ردت فعلهن نبهت وحده كانت شيلتهاا طايحه فالكليه و ياليتني ما نبهتها قلت لها شيلتج اعدليهاا قالت لي مااايخصج!!!!!!!!!!!!!!!!!!!!!!!!!!!!!!!!


الله يهدي الجمييع و مشكوووره ع الطرح

صراحــــــــــــــهـ هـــــــاي ظاهرهـ واااااااايد منتشرهـ .. بس لا حياة لمن تنــــــــادي
يسلموو على الموضوع

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين :-


بدايـة شكرا على الموضوع اختي // ساحرة القلوب // .. لانه موضوع يناقش مشكله باتت عادية لدى البعض منا على انه الهندي ليس محرم على بناتنا وامهاتنا .. اما الشخص المواطن فهو حرام على عورة البنت العفيفة المسلمه ...


والحقيـقه قرأت الكثير من مثل هذه المواضيع وسمعت عنهـا سواء على التلفاز او على لسان المشايخ والأأمه .. في المساجد وهي مشكله تنبع من خوف البنت على عورتهـا او كنوع من الاهمال الأسري والتربوي معــا ..


:: اصـول المشكله ::

ينبع اصل المشكله على انه بعض البنات يعتبرون الهندي او العامل شخص عادي لا يمكنه فعل اي شي او التحرش او انه لا يحرك ساكانا .. اما المواطن فهو يهدد حاتهم لمجرد النظر اليهم ويجب ستر نفسهم منه ... ولا يعلمون ان الله سبحانه وتعالى .. هو رب المواطن والهندي والخلائق جميعــا ..


:: اترككم مع كركتيـر اضحكني كثيرا لمـا آل اليه حال هاؤلاء الفئة من البنات والنساء ::

http://www.gulfup.com/uploads2/12377401920.jpg

في النهايـة هذا مختصر من ردي على هذه الفئة التي لا تعرف الحق من الباطل ..


بانتظار جديد المواضيــــع .. مع خالص احترامي وتقديري ..


حمودي 17

بسم الله الرحمن الرحيم
والصلاة والسلام على اشرف المرسلين سيدنا محمد وعلى أله وصحبه اجمعين


سأتطرق بالموضوع انا اتوقع ان الوحده لازم
ماأتفرق مابين الاثنين ليش لان هذا في نهايه رجل اجنبي
عن نفسي كنت اتدرب في احدى المؤسسات الحكوميه للوظيفه في سنه من السنوات استغربت من اشياء
وااايد الاخوات عادي يتعاملون ويا الهندي تشن اخوهم وويا الموظفين المواطنين يستحون
ياأختي ليش طيب هذا رجل اجنبي وذاك رجل اجنبي لافرق بينهم


اخواتي
كوني كالجوهرة المصونه .. واللؤلؤة المكنونه ...
فقيمتك وعزتك في حجابك ..لاتنزعيه وتتساهلي ..ولو كان هندي وغيرها اومن جنسات اخرى
الله يحفظ اخواتنا بحفظه ..


ومشكورين على الطرح