~ شو بتكون ردة فعلك ~

السلام عليكم ورحمة الله وبركاته

تخيل في يوم من الايام فتحت موبايل اعز انسان على قلبك
.
.
.
.
.
ولقيت مسجل اسمك:

(لاترد)او (اكبر قلق)او(انسان تافه)او(النشبه)
.
.
.
[gdwl]شو بتكون ردة فعلـــك بكل أمانه ..~[/gdwl]

مسروووق

h3 h3 h3 h3 , hay betkoon rdt fe3ly wo bswy be2smah methel ma swah b2esmy

ماتخيل انحط فهالموقف بنصدم من الشخص واااااااااااااااااااااااااااايد
وببيضربني ضيج منه عاد اعز انسان لا وايد صعبه
اذا سألني هالشخص شو بلاني بقوله اني شفت اسمي
فموبايله وعرفت قدري عنده وبس من هالكلمتين
ببرد فوادي وروحهـ عقب بتييه الصدمه اني شفت الاسم
والسموحهـ ع الاطالهـ
انشاءالله محد ينحط فهالموقف

عادي خخخ

بحاول انهي علاقتي ويا هالانسانهـ ..
دام مسجلتني بهالاسم شو ابابها بعد .. وااااللــه !! هع

تسلم قايد ع الموضوع ..

احاول اتفاهم وياها شو السبب الي خلاها تكتب هذا الاسم اذا كان كلامها منطقي اتقبله اما اذا كان غير منطقي اتفاهم معها بمنطقيه وعقلانيه
ومشكور على الطرح

اكيــــــــــــد بتأثر واااايد وبتكون صدمه كبيره بالنسبه لي


و مابرمس ولا بتنطق بحرف


بس اسلوبي بيتغير واذا هالشخص سألني ليش تغيرت بقوله اذا كان مسجل اسمي



(النشبه )>> مثلا


حسيت اني نشبه فحبيت ابتعد شوي نوع من انواع التغلي >>وبشوف شو الرد





تسلم ع الموضوع

بظاايج وبشل بخاطري عليها .. وبسالها ليش مسمتني بهاا الاسم

بس شوو يعني النشبهـ؟؟

وعليكم السلام ورحمة الله وبركاته

أكييد بيحز بخااطري وبزعل طشوونه و بحس عمري غرييبه معاهاا ..

بحااول انسحب اشوي اشوويه من حيااتهااا لييين ما انهيييهاا ...

لأني الصرااحه ما ارضى لعمري اتسمى بهذي الألفاااظ الدنيييئه .. >_<

و السموووحه ^^ ..


يسلموو خيوو ع الطرح ..

مشكور أخونا قايد الغزلان على الموضوع .

بالنسبه لي انا أول ما اشوف مثل ها اللقب بقول له على طول
انا جيه ليش شو بدر مني علشان اتصف بها الصفه وطبعاً وهذا كله وانا مضايجه من اللقب .
وبعد ما اعرف الاسباب بحاول اول شيء احاسب نفسي هل فعلاً انا اتصرفت جيه وان ها الصفه فيني ؟
ان حسيت ولو بشكل بسيط انها فيني بحاول اغير من نفسي
وان شفت ان هذي الصفه مب فيني على طول بدافع عن نفسي وبثبت لهذا الشخص وجهة نظري وان ها الصفه مب فيني
وبحاول بعدين بطريقتي ابين لها الشخص شو هو اسلوبي وطريقتي في التعامل مع الاخرين
وطبعاً اني اترك ها الشخص هذا يعتمد على صلتي بها الانسان هل هو أب أم أخ أخت زوج زوجه وغيره من الاقارب هذول من الصعب اني ابتعد عنهم واتركهم لا بالعكس ابين لهم شو انا واحاول اغير نظرتهم تجاهي
أما بالنسبه للأخرين مثل الصديقه أو الصديق مثل ما قالو خواتي شوي شوي ابتعد عنهم
بعد ما أوضح لهم شو أنا وشو هي صفاتي اللي اعتز بها وان ها الصفه ابداً مو فيني .

بصرااااااااحه بمسح اسمي من موبايل الشخص وخلصت السالفه>> وبعدين خل تلاحظ

ياناس ياعالم
بتخلون الأسم المستعار يفرقكم
والله الدنيا ماتسوى
دامكم أنتوا أخترتوا هالأنسان أن يكون أعز أنسان
يعني أكيد هو يعتبرك أنسان عزيز
لان المشاعر تتبادل بين البشر
وهذا كان وجهدة نظري
والسموحه

اشكركم ع المشاركه الطيبه .. وننتظر آراء أخرى ..~

اقتباس:

---

المشاركة الأصلية كتبت بواسطة ملكه الحب

بظاايج وبشل بخاطري عليها .. وبسالها ليش مسمتني بهاا الاسم

بس شوو يعني النشبهـ؟؟

---

النشبه الله يسلمج .. يعني لزقـــه .. يعني واقفه عظم فالبلعوووم ..:sm134:

ههههههه

انا عن نفسي بمسح الاسم اللي هو امسجلني فيه
وبكتب مالت عليك
عشان انا راح اتصل له مره ثانيه واقولها له بلساني مالت عليك
يعني بدال الوحده 2
وبس

وتسلم قايد ع الموضوع

السلام عليكم ورحمة الله وبركاتة

شكرا" لك اخي الكريم ع المواضيع الرائعة

فبالنسبة الى شخصي

لو تصادف معي ذلك الموقف

فأنني لو انسحبت فأعتقد اني اعتبر نفسي ضعيفا"

ولو واجهت الشخص بذلك الشي سيكون ايظا"

موقفي ضعيف من الجهتين لو برر الموقف او لم يبرر

لأنه بلاساس لا يوجد هناك تبرير للموقف

ولكني سأزيد من الاهتمام واحاول

ان اصلح جميع الاشياء التي لا يتمناها ولا يحبها واحاول ان اضغط لنفسي من اجله

ولو اخد مني كل وقتي


وستشهد بكلمات شعر تقول

( اتمسكن لما تتمكن )

وبعدما اتمكن و اشعر انه لا يستطيع الاستغناء عني

فبعد ذلك لا يكون مني الى

انه ابعث الية بمسج

واخبرة انني لا اتشرف لمعرفت شخصا" مثلك

وبعدها سأعلن" الانسحاب

بدون ابداء الاسباب

واجعلة يموت من القهر

و اضيقه من الكاس

الذي اضاقني منه

في يوم من الايام

وهذا راي بختصار

سري للغاية

اظل في حلقة نقاش مع الشخص اللي مسمني بهالاسم لين ما اخليه يكون صريح وياي واذا كان السبب فعلا ضايجني بتركه .. وطبعا انا ما اتخيل يصير فيني الموقف لأني ما اعرف شو بصير فيني ذيج الساعه

اشكرك اخوي قايد على موضوعك الرائع

Asal koktel 2009

بقوله مشكور ياخوي على هذا الشي والله يسامحك

مرحبا أقولكم شو بسوي ... مدام مبايلها فإيدي بغير الأسم بحط الأسم اللي اباااااااااااه ...خخخخخ

بالنسبه لي والله بضحك يمكن لان مجرد اسم وشي عادي اهم شي معاني القلب شو تحمل مو الاسم

وبعدين كلنا ربع وحبايب شو فيها بس الاكييد بسال ليش بس بدون زعل

تسلم قايد ماقلت لنا انت شو بتسوي؟؟؟

اقتباس:

---

تسلم قايد ماقلت لنا انت شو بتسوي؟؟؟

---

الله يسلمج .. انا عن نفسي فالبدايه راح انصدم واحاول ابحث عن الاسباب اللي خلته يسميني بهذا الاسم .. بس تصرفي بيكون هو كالتالي:-

بغير الاسم الى ( عمك وتاج راسك)

لما راح اتصل به بيرن عنده ,, شو بيطلع ..!!؟

عمك وتاج راسك
يتصل بك.. >> حلوه الحركه صح!!

^^ خل يعرف اني انا غيرت اسمي بنفسي >>> حزتها ماله ويه يجابلني ..

أعز أنسان ويكتب هالشي مستحيل..!! الا اذا كنت شخص عادي عنده ولو يقصد هالنك اللي كتبه عنك فالمفروض من البدايه أنت بنفسك حسيت بهالشي مو من مره مسكت فيها تلفونه وشفت نكك عنده
ويمكن هو ما يقصد يعني جوكينج ..^

بالنسبه لي هاي حركه عادي اسويهاااا يعني مثلا يوم اضرب مع أخوي أو بنت خالتي
اكتبلهم زبّاله رقم و زبّال رقم اثنين ويوم يفتشون موبايلي يسألوني ليش تكتبين جي
أقول لهم على مزاااج كيفي موبايلي هب موبايلكم بس إذا شفت حد من أعز اصدقائي يقولون لي جي
أممم أول شيء بعرف السبب و إذا كان سبب منطقي فهي تستأهل اتسوى جي أم إذا كان عكس ما بقول غير الله يسامحج

شو ها الألفاظ السوقية يا ساحرة القلوب
زبال وزباله ..~

يعطيكم العافيه ع المشاركات ..~

بمسكه وبصفعه الين ما يبجي

اقتباس:

---

المشاركة الأصلية كتبت بواسطة قايد الغزلان

شو ها الألفاظ السوقية يا ساحرة القلوب
زبال وزباله ..~
كلمه

---

تراني يوم اضارب مع أي حد لاوم أقول زباله متعوده على هاي

بسوي له طاف والله
من دون تفاهم
واذا سالني ليش انته قاطع
بقول لحظه شوي عطني تلفونك وبتصل على رقمه وهو بيكون وياي
وبقوله شوف شو مكتوب
وبقوله هذا هو السبب القطاعه
بخليه يقفط والله
ههههههههههههههه

بالنسبة لي بخلي الامر عادي ولا ببين له اني عرفت اسمي ف الفون بس بقطع اتصالاتي و بتتغير معاملتي له وإن سأل أو حس هذيك الساعه بلعوز فيه و بخلي يكره حياته عسب أنه سألني أنا شوو فيني واللسبب الرئيسي اوهووو و فونه..


يسلمووو ع الموضوع..

بروح امسح اسمها من فوني....ايزي...؟!!

بشل فقلبي منهاا خلاص وبمسح رقمهاا وبرمسهاا عاادي بس مو شراات قبل

وتسلم اخووي ع النقل وما تقصر دمت بوود

اول شي صح بنصدم لكن بغير اسمه وبكتب النشبه عشان يشوفه

وحده بوحده والبادي اظلم

في البدايهـ ( بتخنقني العبارات) وبتييني الغبنه وبصيح >> أكبر صياااااحهـ
وما بقولها أي شي ، وشرات الباقيين بغير نكي بمبايله ويوم بدق الها بسألها عن السبب >> أحلى تحقيق


بس اللي عندي ما تداني تسجل رقمي > حافظتنه ع غيب ماشاء الله عليها




ع العموم تسلم اخويه قايد ع الموضوع

الله لا يرده عادي ما ابغي اكلمه حتى

وي وي !!

أول شي بنصدم من الإسـم ،،

و عقــب ،، بنسحـب و ببتعـد عنهـآ بكـل بسآطــه ،،

لأنهـآ أكيد مـآ تستآهل هالصدآقـه ،،

مآلت عليهـآآآآآآآآآآ ،،

تسلم اخويـه ع الطرح !

بنسى علاقتي معاه وبنسى اول لقاء كان معاي ومعاه

أول شيء بنصـــــدم ... و بعــــــدين بمســـح رقمـــه و بقاطــــعه
تسلــــــــم أخــــــــــوي على الموضـــــوع

.. انا بحاول ابتعد عن هاي الصديقه شوي شوي ..

.. او اني اتفهم منها السبب الي خلاها تسميني جي ..

.. بس الحمدلله ما جربت مثل هذا الموقف ..

.. وتسلم اخوي قايد ع الطرح ..

تقدر هي تكتب لي هاي العبارات لأشرشحها في المدرسة وبطلع أسرارها الزينة و الشينة

((مشكور أخوي ع الموضوع))

برايه بي مليون عزيز غيره خخ
تسلم ع الموضوع

بفلعه بالتيلفون ههههههههههه ^^

و بغير اسمه و بسميه (( العله ))

اقتباس:

---

تقدر هي تكتب لي هاي العبارات لأشرشحها في المدرسة وبطلع أسرارها الزينة و الشينة

((مشكور أخوي ع الموضوع))

---

خيبه خيبه خيبه خيبه
قويه البنت ..
مشكورين ع المرور ..