يقولون لغة العيون اجمل لغة واصدقها اذن احتمال ان يكون هنالك حب من اول نظرة
عرض للطباعة
يقولون لغة العيون اجمل لغة واصدقها اذن احتمال ان يكون هنالك حب من اول نظرة
هلا و الله
شحالكم
و الله انا بالنسبالي :أنا أحب وحدددددة اموت عليها و ما اقدر على فراقها و أنا واااااااايد حساس . حساس صدق صدق عادة .و هي ترى تدرسني ... بس لأسف!!!!! أنا كنت مرة رايح استقبلها علشان تي الصف أنا استقبلتها و خذيت عنها الكتب . فأنا حسيت أن شي مستوي , فسالتها : شو فيج ؟ قالت هاي أخر حصة ادرسكم فيها . و من قالت لي هذا الخبر كان فاجعة طاحت على رأسي . قلت لها: ليش شو مستوي؟؟؟ قالت : علي وااايد ظغوطات و الثنوية متعودين على اسلوبي. فالمديرة طلععت عني صفكم و الصف اللي حذالكم فأنا شو اسوي . ....... و من ذاك اليوم . كل يوم اييي المدرسة من وجت علشان اشوفها . و كملت فترة أشوفها فحسيت اني اضايجها . فخفيت شوي ريولي . و الحين بس نظرات و السلام عليكم و عليكم السلام.
و هاي قصتي للحب من أول نظرة و ترى أنا بعدي أحبها بس يا ليت هي تحس فيني ترى صعب صعب صعب اوصف لها إحساسي و ترى و الله العظيم أني أحبها فـــ الله ....
و سلمتوا
وعليكم السلام ورحمه الله وبركاته
بأول اسمحلي بأن اشكرج عـــ المستوي الراقي لاختيار المواضيع
الحب من اول نظره
في الحب يبتدأ الارتياح بعدها التودد يليه الاعجاب تستغرق كل هذي الامور دقايق او ايام وحتي شهور
المقصد من كلامي الحب يأتي من دون أستأذان الشخص.... يغزو ويحتل ما لم يستطيع احد فعله من قبل
وبخصوص الحب دون النظرة مثل في المنتديات من الردود او المواضيع له
يكون الاعجاب يكون في افكاره طريقة كلامه
او
بــسماع الصوت لشخص خطاْ في الاتصال او اتصال في مكان العمل
الكثير من الصدف تحدث من الدون النظر لشخص نفسه
يكون الاعجاب من الصوت او بأسلوب كلامه وعقليته
والكثير منكم سمع قصص وهذي القليل منها والذي لم تروي لاحد يااكثرها
الحب مشاعر طاهرة التي استغلها اكثر المنافقين لاحتياجاتهم
ونرجع ونقول الحب والموت يأتون دون سابق انذار
لا تخاف من الموت خاف اذا احببت شخص لا يقدر الحب
السموحه منكم عــ الاطاله
فمان الله
اخوكم
شيخ القبيله
الحب لغه جميله
بس الحب من أول نظره ما أعتقد فيه بس في أعجاب من أول نظره وهذا وايد
شكرا عالموضوع
شكرا جزيلا اختي الريم
حب من اول نظره يذكرني باخوي وقصته الحزينه مع حب من اول نظره :)
خلوني اقولكم سالفة اخوي مع هالحب العجيب ، قبل سنتين تقريبا زارني اخوي بجامعتي اللي كنت ادرس فيها خارج البلاد وهناك شاف بنوته تدرس معانا والصراحه البنت في غاية الجمال والرقه سبحان الخالق ، ومن يومها واهو عاشق وماينام الليل ويريد يعرف كل شي عن هذه البنت اللي خذت عقله ، ومن خوفنا لاينجن الريال ويدخل المصحه العقليه بسبب الحب من اول نظره هههههههه سوينا تحرياتنا وسألنا عن اصل وفصل واخلاق البنت عن طريق الجاسوسه اختي ههههههه
وطلعت البنت ماشاءلله كامله والكامل الله من عايله محترمه وبنت عز وذات اخلاق رفيعه وادب يعني جمال داخلي زائد الجمال الخارجي ، وهذا الشي خلاه يتعلق فيها اكثر واكثر ، وطبعا الجاسوسه اختي بدت تتقرب على البنت وتتعرف عليها عشان تسهل المهمه الصعبه >> ان كيدهن عظيم :)
في يوم اختي افتحت الموضوع مع البنت المزيونه وسألتها اذا كانت مرتبطه ؟ لكن للاسف ردت البنت وبدون مقدمات انها مخطوبه !
ولمن وصل هالخبر حق اخوي ، صار فيه انهيار عصبي وتعب وايد ودخل المستشفى وقعد فتره طويله يحاول ينساها ، وبالاخير اقنعناه انه يتزوج عشان ينساها وبعد جهد وجهيد اقتنع وتزوج والحمدلله والله رزقه بنوته وسماها على اسم الحبيبه >> الحب من اول نظره :)
اللي بقوله انه نعم موجود الحب من اول نظره وسبحان الله يكون حب صادق ونظيف واللي يصيبه هالنوع من الحب على طول يفكر بالزواج عشان يبقى حب طاهر ،مو حب هالايام وخرابيط هالايام ، وسلامتكم :)
اقتباس:
المشاركة الأصلية كتبت بواسطة البادي أظلم
بس ممكن انصحك كأخت ... شكلك بعدك صغير والحال اللي انت فيه ماتعتبر حب حقيقي .. ((حب مراهقه)) ... بس انتظر لين ماتكبر اشوي بتعرف ان ها مب حب بس مجرد اعجاب وتعلق فيها ...ويوم تحب ثانيه او تزوجت بتضحك على نفسك وتقول ياريت لو ترجع السنوات ماتعرفت عليها ولاحبيتها اذا اصلا تذكرتها .... واذا ظليت تحبها وتمسك فيها ماعتبرها حب صادق بعتبرها معجزه... الله يكون في عونك..
انا عن نفسي مااثق بالحب من اول نظره كيف نثق ان كان كاذب او صادق؟؟؟ الحب من اول نظره بس في الافلام الهنديه ... افضل اعرف عنه واعرف اخلاقه قبل النظره وهذا حالي الحين :aa_kaaak: ...
كـــل شي والقـــدر واللي كاتبنه الله ...
يســــــلمو ع الموضوع
يا ماناس ولا في عمرهم حبوو.. واعرفهم :) حبو من اول نظرة وندمو على هذا الحب لن الطرف الثاني طلع مو قد الحب ( لعب+مقصة+خداع+ذئب=خيانة ومحاصرة بس الحمد الله الحمد الله بفضل ربي ماصار لهاااا شي :)