أعمال عنف في لقاء المنتخب اللبناني وضيفه الكويتي والجيش يطلق النار(فيديو)

[align=center]
الله المستعان
[/align]

اقتباس:

---

المشاركة الأصلية كتبت بواسطة دموع أنثى

[align=center]
خييييبه ,,,
إهي مباراه ودّيه .. وعلى شنو هالطّق كله ؟؟؟؟؟؟؟؟؟؟
عمى بعينهم طقّوا عيالنا عسى إيدهم الشل ان شالله
بس الحمد لله شبابنا ما قصّروا معاهم .
والله اتحادنا الكويتي ما عنده سالفه رايحين عند هالزلمات عشان مباراه ودّيه
لو رايحين الهند وايد أحسن
اللي خلاني أعصّب أكثر إنه بعد ما الجيش فرّق الفريقين بإطلاق النار وكانوا بيدخلون لغرف الملابس
ما شفت إلا لاعب لبناني ركض بسرعه صوب أحد لاعبين الكويت ورفسه بريوله على بطن ولدنا
عسى ريله الكسر ان شالله
صج لين قالوا الزلمات ما منهم ثقه ولا أمان ..
والسموحه منك ياخوي على ردّي بس والله من حرّت قلبي على عيالنا ربي يحفظهم
تسلم ياخوي ع الخبر والمقطع اللي عوّر قلبي على منتخبنا الغالي
دمت بستر من الله ورضاااااا
[/align]

---

لآ اتخلينْ وطنيتجْ تعميجْ ،

قريتي الخبر كلـه ؟

مكتوبْ . .

وذلك إثر اعتداء لاعب الكويت وليد العلي على أحد لاعبي المنتخب اللبناني، الذي تعرض لإصابة في الرأس.


يعني اللآعب الكويتيْ هو الي بدآ . . :/

مب عيب ، ؟ رآيحينْ لبنآن و آخر شي يعتدي على اللآعب ؟

مهمآ كآن السبب . . [ يـآ غريب كون اديب ] . .

،

بالنهآيـه كلنآ عربْ ،

و كلنآ اخوآن . .

مآله دآعي هالمشآعر الحآقده ، و الي اتبينْ تكبرجْ ع الشعب اللبنآنيْ . .

آلزلمآت ريآييل و النعم فيهم ،

و الكويتينْ كذلك . .

نـحـن شو الي يفرق عروبتنآ ، غير كرة القدمْ . .

أتمنى يكبرونْ عقوولهمْ ، و يطنشون :/

،

شكراً على هالخبرْ ،

الكورة ما يي من وراها الا البلاوي خاصة بين الدول احس تشحن الناس ضد بعض اعوذ بالله

اي ولله الله المستعان اخرتها كلنا بنوقف سواسيه يوم الحساب الغني الفقير كل العالم _سواسيه_

جوفو شو صار بين العراق وايران

http://www.youtube.com/watch?v=s4PVrI-tjbc

الناس من التخلف حته الحرمه الشاميه يسمونها زلماتيّه خخخخخ والله والكلمه صياغتها يعني جد محد يروم ينكر تضّحك ف عذراً يعني

المهم مب موضوعنا هذا :
الاخت اللي قالت يعل ريوله الكسر تخيلي ان يكون الريال مب غلطان بس كلقطه بين ان هو الغلطان وانتي دعيتي عليه ؟! الدعوه ترجع لصاحبها مايصير لانسان يدعي ع غيره التعصب الكروي تماماً مثل العصبيه القبليه نفس الطريقه مااشي فرق احس ف الانسان لازم يكون واقعي حقاني

وبالنسبه لكلام النشمي :

كلامك يالنشمي اكيد صح ومايختلف عليه اثنين لانه عين العقل ولافرق عند الله تعالى الا بالتقوي
كلنا مصيرنا للتراب ، سواء زول ولا نفر ولا زلمه ولا ريّاال مثل ماتفضلت اخوي
وفي هذي المباراه اختلط الحابل بالنابل الكويتي بيقول هم البادين
واللبناني بيقول هم البادين
وف النهايه الطرفين غلطانين مهزله ان تصل الامور الى هذا الحد جدام الملايين من الجماهير والمتابعين ..
يعني وصلت لدرجة اطلاق النار حتى تتم السيطره ع الاشتبااك وين عايشين فعلاً يعني اذا جي
سلامٌ على الدنيا

والله !