هذا ما خلفته المسيرة ليلة البارحه على كورنيش القواسم

المسيرات الاحتفالية وطريقتها تجرعوها من الغرب،،!!
والباقي أمـر،،!

صح كلامج يا غصن الورد .....
انا معاااج في راي.......

السلام عليكم ابي اعرف شو المقصود ف ماخلفته المسيره يعني ماتبي حد يستانس وعمال النظافه شو خانتهم عيل

[align=justify][/align]شكرا على الموضوع اولا واخيرا وموضوع يستاهل الطرح وانا عن نفسي الصراحه لما مريت ثاني يوم حز في خاطري هالمنظر ولكن قلت احتفالية والناس فرحانه ويحق لهم .. لكن ما هوه اهم كيفية تنظيف الشوارع .. منكم من عطى امثل طيبه مثل صالات الافراح والبيوت ومنكم من رد وقال الصاله سهل تنظيفها ..الخ .. المهم واللي كنت ابا اقوله البلد نعتبرها مثل صالات الافراح او بيتنااا وانتكاتف كلنا ونسوي حمله انظف فيها بيتنا الكبير .....شفت العمال وقلت الله يعينهم .... وكنت افكر في مسألة حمله التنظيف ... ولا فجأه والصراحه بكل فخر شفت 3 مواطنات وشغالاتهم واخوانهم الصغار واقولها بكل فخر تسلم ادياتهم يكنسون الشارع ويساعدون العمال على التنظيف والله اني غرت من هالموقف وحبيت اشارك ولو بشي بسيط رمزي ..وشوي بعد شفت بعد كذا سيارة من المواطنين الطيبين يوزعون عصاير واكل للعمال ويشجعونهم . الصراحه قلت مب بس انا اللي مهتم طلعو وايدين فيهم الخير والبركه .. واذا الله احيانا للسنه اليايه او فيه اي مناسبه لازم نتكاتف ومثل ما وصخنا لازم انظف ... وشكرا على الموضوع وتسلمون كلكم على المشاركه..

اخوكم بومايد

انا اشووف الامر عادي وكلام العتيبي صحيح 100%

ولكن علينا المشاركة في التنظيف او مساعده رجال التنظيف لو بدعمهم باعطاهم الاكل او نقوود

ويستاهلون لانه والله ناس انفقت في الاحتفال اضعاف رواتبهم يعني لو تعطيه 100 درهم ما بتتضرر

ياجماعه .. مايحتاي نكبر الموضوع ونسوي من الحبه قبه .. شباب فرحانين ومستانسين بعيد بلادهم .. خلوهم يفرفشون ولو مره بالسنه .. يت على اوراق وقواطي شغلة نص ساعه ويتنضف المكان .. حتى البسطه والفرفشه مستكثرين عليهم .. إذا العاصمه ودبي ياها العن من سوايانا .. فوق الرصيف وحراق تاير وشل عتيايرين والأمن هناك والشرطه واقفين .. فدخيلكم يوم وعدا واستانسنا وبسطنا ولو تقولون ماتقولونه .. صار ماضي جميل .. ولو أني أعترض على بعض التصرفات الفرديه .. لكن بشكل عام كل الموجود من أجانب ومقيمين .. صار عندهم شعور لحبنا وتضحياتنا لبلادنا وشيوخنا الله يحفضهم ..

الصراحه لازم يمنعون هذي المسيرات البايخة إلي ما تمت لوطنية بشي

لا صراحه الوضع مو عادي
الواحد يوم بيحتفل يحتفل بوعي واحساس
وماعتقد اي واحد يرضى انه يوسخ بيته بهالطريقه وحتى لو كان في حفل بيتوب يسوي حفلات في بيته فكيف ترضون على مدينتكم جي يصير فيها

الله يعيييين عمااااال النظاااافه
وووووووحليييلهم مساااااااكين

لا الامر موو عاااااااااااااااادي .......
بس عناااك في قووانين وارشااادات .........
مافي داااااااااااااااعي للاوساااااااااااااااخ ............
اووكي مسيرات ربشه واستانستوووا بس كل واااحد ينظف اللي سوووه مو يخليه ويسير ................
بس الله المستعاااااااااااااااااااان ...............