أرملة مواطنة تعيل أبناءها ووالدتها تعاني من تصدع منزلها الشعبي المتهالك في رأس الخيمة دون حصولها على أي مساعدات لصيانته ( صور خاصة )

لاحول ولاقوه الابالله يعني لازم يصير جذيه عشان حد يتحرك من الجهات الحكومية ،،!!
الله يعينهم ويبلغهم مبتغاهم

تسلم اخوي ع الخبر ويعطيك العافية ع جهودك

الله يعينهم

انا لازم اعرف الحين الناس تتبرع بمبالغ كبيرة جدا وين تروح هالفلوس ياانه تصير سرقات او انه هالجمعيات تتبرع لاماكن ثانيه عمري ماشفت دور فعال لهذي الجمعيات اللي تشفط فلوس وماندري وين يودونها
الناس تتبرع للهلال الاحمر والهلال الاحمر ماعنده غير يطرش عشرة وعشرين مليون كل كم شهر لدول تتمنى زوالنا اليوم قبل باجر ليش مايدفعون هالمبالغ داخل الدولة تطوير الدوله وبناء مستشفيات واللي يزيد طرشوه برع
والله لو المواطنين اللي يتبرعون ويتصدقون فلوسهم تندفع للمحتاجين اللي في الدولة اعتقد الامارت اعتقد بظرف 6 شهور ماراح تلقون فقير تتصدقون عليه

[align=center]
الله المستعان والله كريم
[/align]

الله يفرجها عليهم يارب ..

عسى الله يكون في عونهم .،،،،

لا حول ولا قوه الا بالله
اللي ابغي اعرفه ..اللي يالسين عالكراسي الجلد المريحه واسمهم مسؤولين..لا يكون مفكرين حاطينكم لسواد عيونكم ولا لخبراتكم..حطوكم لخدمه الشعب..لكن وين بتسيرون شيوخنا الله يحفظهم صاروا يتابعون كل شي بنفسهم..وكل فاسد صار سقوطه جريب..

وباجر انشاالله بنسمع للاخبار الطيبه