العتيبي تحت ضوء الاعتراف !!!

يالله بسم الله

اولا من هو العتيبي

أنسان حالي من حال اي شخص

حكمتك في الحياه ؟

الكل يسأل ها السؤال ههه ليش ما اعرف .. بس مكرر اضني

شاعرك المفضل ؟

ما اسمع للشعراء وايد بس اضني افضلهم عندي هو حامد زيد

متى يكون العتيبي سعيدا ومتى يكون حزينا ؟

سعيد يوم اسوي شي اشوف الناس مستانسين منه او اني انجز شي بحياتي .. و اكون حزين يوم اشوف حال بلادنا لوين وصل من غلاء و اختلاط و غيره

موقف طريف مر بك وانت في المنتدى ؟

ماشي مواقف طريفه بالمنتدى

مقلب من احد الاصدقاء ؟

انا اسوي فيهم مقالب .. بس ما اذكر انهم سوو فيني مقلب

ما رايك بكل من :-

قايد الغزلان : انسان حبوب .. و عفوي

نور البدر : شخصية حبوبه

ملك بدون مملكه : انسان صريح و يعطي كاش

عاشق الرمس : عضو مجتهد و مهتم للموقع .. يستاهل اشراف

فراشة الرمس : أحد أعمدة الموقع

قلم رصاص : عضو فنان بس كشخصية انسان مهم للموقع

لمن تعطي هذه الالقااااب

القلم الذهبي : الاغين و تايم ريسر .. لمشاركاتهم الممتازه و تفاعلهم

العضو المميز : الراصد

عضو ما في منه اثنين : الكل بصراحه له اسلوبه و له طريقته في الطرح

عضو تحب متابعه مواضيعه : الكثير بصراحه يعني عندك الرمس نيوز و الراصد و عاشق و الاغين و تايم ريسر و قبل دبلوماسي الرمس و مواضيعه الممتازه

مشكور اخوي على المشاركه

العتيبي

اشحالك العتيبي ؟؟

الحمد الله تمام اختي دلوعه

ها شو أخبار الكرسي وياك لين الحين ؟؟

أوكي و الله بس اشوي ضغط لازم اتابع اذا فيه اساله يديده و لا لا

1- احلى اسم (بنت \ ولد) عندك ؟

اسم بنت : مهره . أسم ولد . عبدالعزيز

2- عضو بدونه المنتدى ماله طعم؟

الكل

3- منو الشخص اللي ماتتمنى تشوف دمعتــه؟؟

أي عضو يحمل طيبه في قلبه ... بس اكيد الاهل في الاول

4- افضل شاعر وشاعره؟؟

شاعر جاوبت عليه .. شاعره ماشي

5- من الشخص الي تحب تشكي له همومك؟

قبل فيه كم من شخص اشكي له همومي .. بس حاليا الحينه شخص واحد ما ابغي اذكر اسمه لوول

6- عنوان كتاب قريتيه واعجبك؟ ولمن ؟؟

ماشي .. انجذب لعناوين المجلات اكثر من عناوين الكتب

7- اجمل 3 صفات تحبه فيك ؟

مااعرف و الله بس اللي اشوف الصفه الزينه اللي فيني اني انسى بسرعه و اذا شي غايضني عندي اسلوب التطنيش

8- 3 صفات تكرها في نفسك ؟

جاوبت عليه قبل

9- شنو تعنيلك هالكـلمات في قاامووسك ؟

الحب :: حاله من حال الصداقة بس بدرجة أكبر

الحياة :: [COLOR="RoyalBlueديد

المووت :: Game Over هههه النهاية

الدمووع :: الأحاسيس .. منها الحزينه و منها المفرحه

الصداقه :: شي أساسي في حياة الشخص

10- موقف غير مجرى حياتك؟

لا شي حاليا

11- منو من الاعضاء ؟

غامض؟ تايم ريسر

دمه خفيف؟ قايد الغزلان + بن سعيد

مرح؟ ساحر القلوب

دمه ثقيل؟ وايدين ههه

دلوع؟ لا يوجد

حساس؟ الطنيجيه

عصبي؟ ملك بدون مملكه

طيب؟ فراشة الرمس

مميز؟ قلته هو الراصد

12- شنو الشي اللي:

يجرحك : مافيه شي يجرحني ..

يغضبك : سب الاهل + يوم اقول شي و ما يستوي

يبكيك : المقارنه بين الماضي و الحاضر

يأسرك : لا شي


13- شو رايك بستار أكاديمي ؟؟

ما عندي هذي القناة اصلا ... زمان شفته بس كله خرابيط و ما عندهم سالفه بصراحه ... يصلح للمراهقين

14- أحلى قناة عندك ؟؟

قناة الشاشة

15- اي نوع تحب تشوف من الافلام ( كوميدي - اكشن - رعـب - رومانسيه ) ؟

كل شي يعني ما عندي شي معين .. يعني ما افضل نوع على الثاني بس يمكن اخذها على الممثل و جيه


اممممم

جنه الاسئلة شوي

احسن احسن ههههه

اشكرج اختي على تفاعلج[/COLOR]

حياك يالعتيبي في قسمناآ
وعلى كرسي الاعتراآف..~


الله يحييج
:
اسألتي لك يالعتيبي تقول:

-من وجهة نظر العتيبي شو هي مسؤوليات
[رئيس المشرفين] في المنتدى..~

و الله ما اعرف ... بس هو المفروض يكون متابع للمشرفين و اقتراحاتهم و ارائهم .. بس انا بصراحه مجرد اسم له لاني ما احب افرض شي على حد .. او احاسب المشرف اذا فيه تقصير في مجاله

وهل يعتقد انه انجز شي في المنتدى..؟

ها السؤال تطريحه للأداري بوناصر و بن خلف .. هههه اذا عني بصراحه فبالي وايد أفكار بس مؤجلنها لبعديييييييييييييين
:
-شو مجاآل عملك..؟

مجال و لا وين ..؟؟ اذا نوعه هي في سوالف الطيران

وهل عندك الوقت الكاآفي لدخول المنتدى..؟

بالويكند هيه عندي بس بالايام العاديه لا و الله اضغط على عمري و اروح للكافي نت :

-في المقدمة ذكر اخوي [تايم ريسير] ان من هواآياتك
التصوير الفوتوغراآفي..؟
بس مشاآركاآتك من هالنوع تنعد عالأصاآبع..[شو السبب]..؟؟!!

امممم انا احب التصوير بس مب من هواياتي ... و انا احب اصور الاشخاص و احب سوالف الذكريات يعني انا لما اصور مب مهم عندي اني اصور لوحه جميله .. بس احب اصور لحظات جميله تكون بين اهلي و اصدقائي و جيه يعني عندي صور كثيير لي و لأهلي و ربعي .. و اذا صورت خلفيه حلوه اكيد بحطيها اهنيه
:
- شو آخر كتاآب طاآح في ايدك..؟؟

ألف ليلة و ليله .. و ما كملته لانه ما عجبني

اشكرج على المداخله اختي ..

وحليلك يا كثر الأسئلة الي بيسألونك ..........

مب المهم من كثرة الاسأله المهم اني اقدر اجيب عليها كلها

صح والله الإعتراف بالحقيقة فضيلة..........
وانتى لازم تعترف حقناهههههههه

باللي اقدر عليه

اوكي ما بكثر عليك بس خمس اسئلة وابغيك تجاوبه بكل صراحة.......

خذي راحتج اختي و ان شاء الله بجاوب عليها كلها

1) سؤالي الأول يقول يوم عرفت انك في كرسي الإعتراف شو قلت؟؟؟؟؟؟؟

بصراحه ياني الخبر قبل لا يحطوني و قلت ما ابغي بس بالنهاية طحت فيه

2)شو هوايتك المفضلة؟؟؟؟؟؟

في الماضي كرة القدم بس حاليا قطعته ... و حاليا ماشي هوايه معينه احب انوع في الاشياء

3)كم نسبتك؟؟؟؟؟؟؟

جاوبت عليه قبل اختي .. بسكم من هذي الاسأله اللي تفشل ههههههه

4)شو تاكل اكثر شيء في الغذاء والعشاء؟؟؟؟؟؟

في الغداء ما ارتاح لازم اكل عيش مع اي شي المهم عيش ... و العشاء اي شي و عادي ما اكل مرات

5)متى صاحيت آخر مرة؟؟؟؟؟؟؟

تبين الصدق ما اذكر .. يمكن قبل كم سنه

بس هاي اسألتي وابغيك تجاوبها بكل صراحة ........

ان شاء الله اكون وفيتج بحق الاسأله

اختك الصغيرة soso......

حياج الله اختي في اي وقت

العتيبي

هلا بالعتيبي ما بسألك وايد لان ماعندي اسئلة وايد..؟؟

1-شو نوع السيارة المفضلة لديك؟

2-شو هدفك بالحياه؟

3-وشو تفكر انك تتطمح لة بالمستقبل؟

4-شو رايك بــ عالي الشان؟

والسموحة
^^

السلام عليكم
1- كم عدد أحوتك
2-من هو أخوك المفضل
3-ما أول سيارة ساقتها
ولي رجعه

جيرالد

هلا بالعتيبي ما بسألك وايد لان ماعندي اسئلة وايد..؟؟

اوكي حبوبي

1-شو نوع السيارة المفضلة لديك؟

و الله ما سقت سيايير وايد .. بس حاليا ابغي فورويل بأنواعه

2-شو هدفك بالحياه؟

ان أكون أنسان ناجح في كل شي و أكون راضي عن نفسي .

3-وشو تفكر انك تتطمح لة بالمستقبل؟

مستقبل .. أنا متوظف و انا اطمح اني اتطور في هذا مجال عملي للأحسن .

4-شو رايك بــ عالي الشان؟

و الله شخص حبوب نشيط و من كلامي معاه احس انه انسان طموح بس للحينه مب عارف كيف يبتدي ... فيك الخير

شاب

والسموحة

العفوو اخوي و مشكور

العتيبي

السلام عليكم

وعليكم السلام

1- كم عدد أحوتك ؟

شو يعني أحوتك ؟؟

2-من هو أخوك المفضل ؟

أنته هههه الله يخليهم لي سند و عون

3-ما أول سيارة ساقتها ؟

ما أذكر و الله يمكن تكون مازدا أو هيونداي أو 120 واي و الله ما اذكر

ولي رجعه

اترياك أخوي

العتيبي

كشف الستار عن جيرالد

طلع واحد من اخوان العتيبي لول ,,

عيبتني هاي كم عدد احوتك لول

السلام عليكم

هلاا والله شحالك,بخيرر عسااك بخييير وربك إلا بخيييير ههههه

الصراحه مب مقصرين فيك الاعضاء هههه

بسألك كم سوال

شو سويت اول مافزنا بالكااس السنه اللي طافت وبعد شو سويت يوم شلينا الدوري؟؟

شو وزعت يوم فزنا بالمناسبيتن؟

شو رايك بمستوى الوصل هالسنه والحكام؟

يوم الجمعه عندنا مباراه الكااس ويا الشارجه شو توقعاااتك؟؟ يارب انفوز ان شاءالله

واخر شي ربي يحفظك ان شاءالله وصح زايد ماله جووفه هههه