رد: [ تقرير مصور ].. رحلتي إلى ماليزيا
ايضا صور للشلال
وهذا الدرج عسب تشوف الشلال من اعلى!
وبعد الاستراحة الرائعه تابعنا المسير حتى وصلنا للفندق في الساعة 2 والربع ظهرا
(المفروض انه الفندق 4 نجوم لكن اول ما دخلت قلت لو بايدي نجمتين وايد عليه >> هذا جزاء اللي يحجز قبل السفر بيوم :sm126: )
لكن موقع الفندق هذا استراتيجي لانه نص الاماكن السياحية تقدر تروح لها مشي (قريبة جدا) والسوق بعد قريب
بالنسبة لي ما افكر ارجع مرة ثانية لهالفندق لكن وايد ناس تمدحه في تقاريرها
ليش ما حبيته!
هذا هو السبب
اول ما دخلنا الغرفة قلت الحمد لله انها ليلتين!!
وشفت غطاء السرير مبقع فاتصلت على طول بخدمة الغرف وقلت لهم تعالوا غيروا الشراشف
وقلت بطل من الشباك
حتى الستاير مقطعه !! >> وينج يا فنادق دبي؟!!
معلومة قيمة عطانا اياها السايق وقال انه مزرعة الشاي (بوه - BOH) يوم الثلاثاء تبند!! ونحن واصلين يوم الاثنين معناته مستحيل نقدر نزور هالمزرعه
لكن أبينا إلا أن نزورها !! >> يا عيني عاللغة العربيه الفصحى
سألنا شركة سياحية موجودة في الفندق عن الوقت اللي تبند فيه المزرعة وقال الساعة 4 العصر
وكانت الساعة 3 وربع قلنا يالله خل نلحق
طلبنا سيارة من الفندق وظهرنا على طول لمزرع الشاي BOH
في الطريق
ووصلنا أخيرا الساعة 4 إلا عشر
يتبع
رد: [ تقرير مصور ].. رحلتي إلى ماليزيا
وقبل المزرعه هذي صورة راع التاكسي اللي وصلنا >> مع انه السيارة أثريه لكن ماشاء الله وصلتنا وردتنا بسلام !!
مدخل المصنع
مراحل التصنيع >> كان فيه مرشد سياحي يبربر لكن ما كنت اسمعه كفايه عليه السايق!!
فما اعرف شو بالضبط السالفة لكن هذي الصور (واسمحولي لو كانت الصور مش واضحة لانها من خلف الزجاج)
وهذي ماكينه قديمة (للعرض فقط)
وهذي قاعة تعرض فيها تاريخ الشاي ومراحل تصنيعه
وبعدها ظهرنا نشوف المزرعة
منظر يجنن والرذاذ في كل مكان >> ذكرني بـمسلسل الاطفال (هايدي) :sm125:
بعدها توجهنا لمحل يبيع جميع انواع الشاي اللي ينتجها المصنع >> لا يعلا عليه
وشرينا انواع ونكهات مختلفة من الشاي وخذنا بعد مستر بو (تذكار )
بعدها ذهبا لشرب الشاي واللي يزور الكاميرون نصيحة لا يفوت شرب الشاي في هالمصنع لانها تجربه فريده ولا تنسي >> وعلى ذمة هاك السايق (تذكرونه ) يقول اللي ما يشرب الشاي في الكاميرون كأنه ما زارها وفعلا أكثر شي نتذكره في هالمكان الجميل الشاي !!
رجعنا للفندق الساعة 6 تقريبا
وبعدها قررنا ناخذ جولة في المنطقة المجاورة للفندق ومرينا بالسوق الشعبي واشترينا من عندهم ورد وفواكه وأسعارهم طبعا خيالية (رخيصة جدا)
هذي جزء من الفواكه قبل الترتيب
وهذا الورد بعد قبل الترتيب (كله بخمسه رنجت فقط!!)
وهذا بعد للتسليه لووول
وبعد الترتيب
وبعد اخذ قسط من الراحة نزلنا للوبي ولعبنا بليارد و بيبي فوت >> ومع اني اغش بس بعد خسرانه :sm125:
وجذيه انتهى اول يوم
غدا ان شاء الله بنزل بقية الرحلة واهم المناطق السياحيه في الكاميرون هاي لاند
رد: [ تقرير مصور ].. رحلتي إلى ماليزيا
ماشاء الله الرحله عجيييييييييبه
ماعزمتينا بروح وياج هههه
اهم شي انكم حصلتوا البوك ولا بتخترب الرحله
اعتبارها مجازفه انج تاكلين من اكلهم اشياء غريبه عجييييييييييبه كيف كلتيها ؟؟؟
>>>>>بالعااااااااااااافيه عن يعورج بطنج الحين بأثر رجعي ههههههههه
يالله نتريا باقي الصور
رد: [ تقرير مصور ].. رحلتي إلى ماليزيا
اقتباس:
المشاركة الأصلية كتبت بواسطة أم دحماني
ماشاء الله الرحله عجيييييييييبه
ماعزمتينا بروح وياج هههه
اهم شي انكم حصلتوا البوك ولا بتخترب الرحله
اعتبارها مجازفه انج تاكلين من اكلهم اشياء غريبه عجييييييييييبه كيف كلتيها ؟؟؟
>>>>>بالعااااااااااااافيه عن يعورج بطنج الحين بأثر رجعي ههههههههه
يالله نتريا باقي الصور
ام دحماني شكرا لتواجدك الجميل
وبالنسبة للدودة ترا عادي ما انتبهت لها عبالي اندومي لوووول
دمت بود
رد: [ تقرير مصور ].. رحلتي إلى ماليزيا
ياااااااااااااااااسلاااااااااااااااااااااااام
ان شاء الله نقضي شهر العسل اهناااك يالله مناااظر حلووه ....~
تسلم خويةة وربي لاا هااااااااانك ....~
رد: [ تقرير مصور ].. رحلتي إلى ماليزيا
متابع لين الجزء الاخير ..
رد: [ تقرير مصور ].. رحلتي إلى ماليزيا
اقتباس:
المشاركة الأصلية كتبت بواسطة حور العين1
ياااااااااااااااااسلاااااااااااااااااااااااام
ان شاء الله نقضي شهر العسل اهناااك يالله مناااظر حلووه ....~
تسلم خويةة وربي لاا هااااااااانك ....~
يا مرحبا بج اختي
وماليزيا مناسبة جدا لشهر العسل
والف مبروك مقدما :)
رد: [ تقرير مصور ].. رحلتي إلى ماليزيا
اقتباس:
المشاركة الأصلية كتبت بواسطة قايد الغزلان
متابع لين الجزء الاخير ..
تشرفني هذي المتابعه
شكرا لك
رد: [ تقرير مصور ].. رحلتي إلى ماليزيا
تابع/
الكاميرون هاي لاند
ذكرت في بداية التقرير ان مدة بقائنا في الكاميرون ليلتين فقط وأعتقد أنها كافية جدا واللي حابب يقعد فيها 3 ليالي (للاستمتاع في الطبيعة الرائعة ) بعد ممتاز لكن أكثر من جذيه راح تكون مملة لانك تقدر تزور جميع المناطق السياحية في يوم واحد
ايضا أذكر انه أغلب المحلات تبند بعد المغرب لذلك عليك الخروج في الصباح الباكر ليتسنى لك زيارة أكبر عدد من الأماكن السياحية
نبدأ جولة اليوم الثاني في الكاميرون هاي لاند!!
استقيظنا في الصباح الباكر تقريبا الساعة 4 ونص >> قبل لا يأذن الديك !!
لانه (السايق) قال لي لا تفوتين منظر شروق الشمس في الكاميرون >> وانا ما شاء الله أسمع الكلام >> (أمزح) السبب لاننا ما كنا نعرف متى أذان الفجر فكنا نستيقظ في اول ليلة من كل منطقة الساعة 4 لـ 4 ونص ونشوف الشمس :sm150:!!
لكن منظر الشروق كان قمة في الروعة
وبعد الافطار لقينا شركة سياحية وسالنا عن سعر الجولة لو حبينا نروح جميع المناطق فقال 100 لكل شخص!! يعني ادفع 200 واستأجرنا من عندهم سيارة يقودها المرشد السياحي (مثل ما قلت راع التاكسي في ماليزيا مرشد سياحي )
وقبل لا توصل السيارة شفنا عند الباب سيارة مرسيدس قديم وصاحبه واحد من عامة الشعب لكن ركزوا برقم السيارة >>> الظاهر ما عندهم مجانين يدفعون ملايين على رقم سيارة (قال رقم مميز ويسون له مزاد بعد!!)
61...193f4191a1.jpg
وبدأنا جولتنا
61...1ec80d35c5.jpg
توجهنا في البداية إلى حديقة الزهور
61...bac216e465.jpg
وهذا السوق اللي جنب الحديقة
61...2c0f4c4619.jpg
المدخل
61...e32ce2b747.jpg
61...73ca996dc5.jpg
وهذي الوردة نازلة في ممر الدخول
61...509cfcf297.jpg
ومحلات جنب الحديقة
61...b6d09afd85.jpg
ومكان التذاكر >> دخيلكم شوفوا الاسعار :sm126:
61...3bb7e683fe.jpg
وبدأنا التجوال في الحديقة والتي تضم أكثر من 4000 نوع من الزهور
أترككم مع صور الأزهار
61...02985aaa1d.jpg
ياعيني عالفن
61...93cc1edc1a.jpg
61...65536a9d7b.jpg
61...0498778134.jpg
الحديقة كلها سلالم وطلعات ونزلات وممرات والتجوال فيها ممتع
61...d2a826f4c7.jpg
61...8e19a27f72.jpg
والصينيين عندهم اعتقاد بان الكتابه على هالنبته تجلب الحظ وما تفرق بين المحبيين >> حليلهم والله يصدقون هالسوالف!!
61...abf84d033c.jpg
61...25a34d90c3.jpg
وهذي نبته عملاقة
61...3b63ef9b34.jpg
وجلسه رهيبة !!
61...3fd41fe988.jpg
بعض الازهار اللي تنمو مع اشجار الغابات
61...f80bf32916.jpg
يتبع ان شاء الله
رد: [ تقرير مصور ].. رحلتي إلى ماليزيا
