نسي طفله المواطن في السيارة وعثر عليه ميتاً بعد 4 ساعات في كلباء..

الله يرحمه طير من طيور الجنة
و الله يصبر اهله و خصوصا امه و ابوه - و اللي قالوا اهمال من الابوين او من الام ، اسمحولي اقول انه احتمال يكون في هالكلام ظلم لهم، لأنه محد يدري شو ظروفهم و شو اللي شغل بالهم عن ولدهم، راجعين البيت 3 الظهر اقل شي بيكونون مرهقين

ما نقدر نلوم الاهل لانا ما كنا وياهم وما نعرف الظروف الله يصبرهم قدر الله سبحانه وتعالى

لا حولا ولا قوه الا بالله
الله يصبرهم

عظم آللـہّ أجركم

الله يرحمه طير من طيور الجنه. والله يصبر أهله

أنا لله وإنا اليه راجعون. ` طير من طيور الجنة

طرشني اخوي وصديقي محمد الزعابي خال المتوفى يقول هذي أرادت الله أولا وثانيا أم المتوفى كانت مريضة ونائمة والأب منزل كل أولاده والمتوفى كان نائم وهو على باله نزل مع أخوانه وراح يصلي العصر وما رجع وأول ما قامت إلام سالت عن ولدها الخدامة قالت لها انه نائم بالغرفة الثانية بس عشان ما أتدور علية !! فراحت الآم أتدور علي ولدها وكأنها حاسة ولم تجده وبدوا يدورون عليه لين حصلوه ميت بالسيارة في نفس مكان نومه دون أن يتحرك من مكانه وهو نائم وهذا قضاء الله وقدرة ..
أخوكم محمد عبدالله الزعابي إلى منتدى الرمس

وصلت لكم الرسالة مثل ما طرشها لي

ها الام وين عقلها ؟؟؟ كيف تنسي ولدها ولا تسال عنه
باين انها مهمله ، والمفروض انها تتعاقب

لاحول ولاقوه الا بالله

يا جماعه...محد يتمنى الشر لعياله

بس اول ناس تدورهم دوم من لعيال هم الاصغر سنا

يعني هذيل لازم حد ينزلهم ويركبهم السياره...يعني منطقيا...هالاشياء ما تدخل راسي

بس هذا عمره....الله يعينهم....ترى عذاب الضمير اشد عذاب

اعتقد عليهم صيام اذا انا مب غلطانه؟؟؟؟

ياالله لا تبلانا