مواطنون براس الخيمة يشكون بطء تنفيذ طريق الرمس..

اقتباس:

---

المشاركة الأصلية كتبت بواسطة محمد

صدق يوم قالوا رضا الناس غاية لا تدرك

حمدو ربكم حد سوا لكم شارع .

---

اكييد الواحد بيحمد ربه مب لهالشارع بس

والشارع اللي يشتغلوو فيه طويل ويباله وقت ومن بداو الجزء الاول للان مانتهو منه
( واي جزء منطقه صغيره جدا )

واصلا من المفروض هالشارع يتصلح من زمان لانه مايخدم فرد يخدم اكثر من 6 او 7 مدن

وهذا غير الشاحنات اللي ماتوقف سايره وراده وهي سبب تكسر الشارع وتحوله لطريق مجهول المعالم

والمشروع اندفع له شو اللي ياخره !

وكانه الشارع بنحطه فجيوبنا ترى نبي نخلص امورنا بسرعه وها من حق المواطن

ووين شوارعنا وشوارع باقي الامارات

وعقوله ربيعي من ادخل راس الخيمه تبدا الزلازل !!

شكرا عـ الخبر

الصراحة عند اشارة الرمس ولا مرة شفت عمال , الدنيا مسكرة و بس , ما ادري هم يشتغلون و الا بس مسكر

ليش المطالبة بشارع عدل صار بطرة
هالشارع يوصلنا براس الخيمة و دبي و ابوظبي

و انا كرهت هالشارع من كثر اللي يطلع جدامي و يتسبب بحوادث

لا حول ولا قوه الا بالله

الله المستعان

الحمدلله مسوينه بس يقصدي يسرعون فيه لان انا ساكن فبوظبي وهنيه فبوظبي تعديلهم بس اذا كثر اسبوع او اسبوعين بالكثير واايد

وهناك فالشارع رمس وااااااااااااااااااااايد اتاخروا ممكن 2 شهور او 3

بس عقب ماتنتهى المعاناة ويعدلون الشوارع نبي نشوف اشارات المرووور مو لكل مواطن دوار لان بصراحه دار راسنا وياريت شكله دائرى بيضاوى هههههههههههه

المفروض فعلا يخلصون من الشارعين يمين ويسار ومن عقب يكملونه لين دوار الفانوس
مشكلة الشارع زحمة وتاخير الدوام كنا نوصله ربعه ساعه ان كثر قمنا ناخذ نص ساعه له وقمنا نحصل تاخيرات وفي الدوام محد مراعي هالنقطه
المفروض عند اسواق الامارات على فتحة دخول شمل يكون هناك تقاطع واشارة بنفس مواصفات تقاطع اللي عند مركز جلفار الصحي
ما نقول غير فصبرا جميل والله المستعان

الله يعين الكل، وخصوصا اذا صار حادث او تعطلت شاحنة في التحويلة. وبعدين ليش رافعين الشارع عن مستوى المحلات، يعني بعد ما يخلص الشغل وتلغى كل الفتحات المؤقتة كيف راح نوصل للمحلات الموجودة فلى جانب الشارع.

صبرنا وايد يا اخوان
شارع واحد تقريبا خلال 7 شهور يخلصونه
دبي جسر ما شاء الله شهر واحد بس
بسنا صبر
مليييناااا